ਮਿਸੀਸਾਗਾ: ਕੱਲ੍ਹ ਰਾਤ ਮਿਸੀਸਾਗਾ ਵਿੱਚ ਕਾਰ ਤੇ ਟਰੱਕ ਦੀ ਆਪਸ ਵਿੱਚ ਹੋਈ ਟੱਕਰ ਵਿੱਚ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ। ਇਹ ਜਾਣਕਾਰੀ ਪੀਲ ਪੁਲਿਸ ਨੇ ਦਿੱਤੀ।
ਬ੍ਰਿਸਟਨ ਰੋਡ ਵੈਸਟ ਤੇ ਸ਼ੈਗਰਿਫ ਡਰਾਈਵ ਨੇੜੇ ਸ਼ਾਮੀਂ 7:30 ਵਜੇ ਤੋਂ ਬਾਅਦ ਇਹ ਹਾਦਸਾ ਹੋਣ ਦੀ ਖਬਰ ਪੁਲਿਸ ਅਧਿਕਾਰੀਆਂ ਨੂੰ ਮਿਲੀ। ਕਾਂਸਟੇਬਲ ਹੈਦਰ ਕੈਨਨ ਦਾ ਕਹਿਣਾ ਹੈ ਕਿ ਟਰਾਂਸਪੋਰਟ ਟਰੱਕ ਤੇ ਇੱਕ ਹੋਰ ਗੱਡੀ ਇਸ ਹਾਦਸੇ ਵਿੱਚ ਸ਼ਾਮਲ ਹੈ। ਇਸ ਹਾਦਸੇ ਵਿੱਚ ਕੈਡੀਲੈਕ ਗੱਡੀ ਦੇ ਡਰਾਈਵਰ, ਜੋ ਕਿ 20 ਸਾਲਾ ਵਿਅਕਤੀ ਸੀ, ਦੀ ਮੌਤ ਹੋ ਗਈ ਤੇ ਉਸ ਵਿੱਚ ਸਵਾਰ ਯਾਤਰੀ 19 ਸਾਲਾ ਸੀ ਤੇ ਇਸ ਹਾਦਸੇ ਵਿੱਚ ਉਸ ਦੀ ਵੀ ਮੌਤ ਹੋ ਗਈ।
47 ਸਾਲਾ ਟਰੱਕ ਡਰਾਈਵਰ ਨੂੰ ਇਸ ਹਾਦਸੇ ਵਿੱਚ ਕੋਈ ਸੱਟ ਵੀ ਨਹੀਂ ਲੱਗੀ। ਹਾਦਸੇ ਦੇ ਕਾਰਨ ਦਾ ਪਤਾ ਨਹੀਂ ਲੱਗ ਸਕਿਆ ਹੈ ਤੇ ਪੁਲਿਸ ਦਾ ਕਹਿਣਾ ਹੈ ਕਿ ਮੇਜਰ ਕੌਲੀਜ਼ਨ ਬਿਊਰੋ ਨੇ ਇਸ ਜਾਂਚ ਨੂੰ ਆਪਣੇ ਹੱਥ ਵਿੱਚ ਲੈ ਲਿਆ ਹੈ।
