NDP ਲੀਡਰ ਐਂਡਰੀਆ ਹਾਰਬਥ ਵੱਲੋਂ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ “ ਸੇਵ ਮੇਨ ਸਟ੍ਰੀਟ “ ਪਲੈਨ ਬਾਰੇ ਜਾਣਕਾਰੀ ਦਿੱਤੀ ਗਈ । ਉਹਨਾਂ ਕਿਹਾ ਕਿ ਕਰੋਨਾ ਮਹਾਂਮਾਰੀ ਦੌਰਾਨ ਬਹੁਤ ਸਾਰੇ ਛੋਟੇ ਕਾਰੋਬਾਰ ਠੱਪ ਹੋ ਗਏ ਤੇ ਹੁਣ ਇਸ ਮਹਾਂਮਾਰੀ ਦੀ ਸੈਂਕਿੰਡ ਵੇਵ ਸ਼ੁਰੂ ਹੋ ਚੁੱਕੀ ਹੈ ।
ਸੂਬਾ ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਹ ਇਸ ਯੋਜਨਾ ਨੂੰ ਲਾਗੂ ਕਰੇ ਤਾਂ ਜੋ ਛੋਟੇ ਕਾਰੋਬਾਰੀਆਂ ਨੂੰ ਬਚਾਇਆ ਜਾ ਸਕੇ । ਉਹਨਾਂ ਕਿਹਾ ਕਿ ਇਸ ਯੋਜਨਾ ਤਹਿਤ ਕਮਰਸ਼ੀਅਲ ਈਵੀਕਸ਼ਨਸ (commercial evictions) ਨੂੰ ਬੈਨ ਕਰਨਾ ਚਾਹੀਦਾ ਹੈ । ਇਸ ਤੋਂ ਇਲਾਵਾ ਉਹਨਾਂ 75% ਕਮਰਸ਼ੀਅਲ ਰੈਂਟ ਸਬਸਿਡੀ , ਮੇਡ ਇੰਨ ੳਨਟਾਰੀੳ ਅਤੇ ਸਿੱਕ ਡੇ ਪੇਅ ਦੇ ਸੁਝਾਅ ਵੀ ਦਿੱਤੇ ।
ਐਂਡਰੀਆ ਹਾਰਬਥ ਬਰੈਂਪਟਨ ‘ਚ ਇੱਕ ਬੰਦ ਹੋ ਚੁੱਕੇ ਰੈਸਟੋਰੈਂਟ ਦੇ ਬਾਹਰ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਨ ਪਹੁੰਚੇ ਸਨ । ਇਸ ਮੌਕੇ ਉਹਨਾਂ ਦੇ ਨਾਲ ਐਮ ਪੀ ਪੀ ਕੇਵਨ ਯਾਰਡ, ਗੁਰਰਤਨ ਸਿੰਘ ਤੇ ਸਾਰਾ ਸਿੰਘ ਵੀ ਮੌਜੂਦ ਸਨ । ਉਹਨਾਂ ਵੀ ਫੋਰਡ ਸਰਕਾਰ ਤੇ ਦੋਸ਼ ਲਗਾਇਆ ਕਿ ਫੰਡ ਹੋਣ ਦੇ ਬਾਵਜੂਦ ਵੀ ਫੋਰਡ ਸਰਕਾਰ ਛੋਟੇ ਕਾਰੋਬਾਰੀਆਂ ਨੂੰ ਮੱਦਦ ਨਹੀਂ ਕਰ ਰਹੀ ।
