ਟੋਰਾਂਟੋ ਦੇ ਵੈਸਟਨ ਖੇਤਰ ਵਿੱਚ ਦਿਨ ਦਿਹਾੜੇ ਹੋਈ ਛੁਰੇਬਾਜ਼ੀ
ਛੂਰੇਬਾਜੀ ਵਿਚ ਦੋ ਵਿਅਕਤੀਆਂ ਦੀ ਮੌਤ, ਪੁਲਿਸ ਜਾਂਚ ਵਿਚ ਜੁਟੀ
ਇਕ ਹੋਰ ਵਿਅਕਤੀ ਦੀ ਮੌਤ ਰੇਲ ਹਾਦਸੇ ਵਿੱਚ ਹੋਈ
ਪੁਲਿਸ ਨੇੜਲੇ ਇਲਾਕਿਆਂ ਦੀ ਵੀਡੀਓ ਖੰਗਾਲਣ ਵਿੱਚ ਜੁਟੀ
ਟੋਰਾਂਟੋ : ਪੁਲਿਸ ਦੀ ਚੌਕਸੀ ਦੇ ਦਾਅਵਿਆਂ ਦੇ ਬਾਵਜੂਦ ਟਰਾਂਟੋ ਵਰਗੇ ਵੱਡੇ ਸ਼ਹਿਰ ਵਿਚ ਅਪਰਾਧਿਕ ਵਾਰਦਾਤਾਂ ਲਗਾਤਾਰ ਵਧਦੀਆਂ ਜਾ ਰਹੀਆਂ ਨੇ । ਬੀਤੇ ਦਿਨੀਂ ਟੋਰਾਂਟੋ ਵਿਖੇ
ਦੁਪਹਿਰ ਸਮੇਂ ਇਕ ਹਿੰਸਕ ਘਟਨਾ ਵਿਚ 3 ਲੋਕਾਂ ਦੀ ਮੌਤ ਹੋ ਗਈ।
ਟੋਰਾਂਟੋ ਵੈਸਟਨ ਖੇਤਰ ਵਿਚ ਦੁਪਹਿਰ ਸਮੇਂ ਛੁਰੇਬਾਜ਼ੀ ਇਕ ਖਬਰ ਤੋਂ ਬਾਅਦ ਇਲਾਕੇ ਵਿੱਚ ਸਹਿਮ ਪਾਇਆ ਜਾ ਰਿਹਾ ਹੈ।ਦੱਸਿਆ ਜਾ ਰਿਹਾ ਹੈ ਕਿ ਚਰਚ ਸਟਰੀਟ ਅਤੇ ਕਿੰਗ ਜਾਰਜ ਰੋਡ ‘ਤੇ ਪੁਲਿਸ ਨੂੰ ਇਕ ਰਿਹਾਇਸ਼ ਨੇੜਿਓਂ ਇਕ ਮਹਿਲਾ ਤੇ ਇਕ ਵਿਅਕਤੀ ਦੀਆਂ ਲਾਸ਼ਾਂ ਮਿਲੀਆਂ ਤਾਂ ਇੱਥੋਂ ਥੋੜ੍ਹੀ ਜਿਹੀ ਦੂਰੀ ਤੇ ਇਕ ਹੋਰ ਵਿਅਕਤੀ ਦੀ ਲਾਸ਼ ਰੇਲ ਗੱਡੀ ਦੀ ਪਟੜੀ ਤੋਂ ਮਿਲੀ। ਇਹ ਵਿਅਕਤੀ ਐਕਸਪ੍ਰੈੱਸ ਟਰੇਨ ਨਾਲ ਟਕਰਾਉਣ ਕਾਰਨ ਮਾਰਿਆ ਗਿਆ ਦੱਸਿਆ ਜਾ ਰਿਹਾ ਹੈ ।
STABBING:(UPDATE)
Church St & King George Rd
– @TPSHomicide updated w/ following info:
– 3 deceased adults: 2 males, 1 female
– 2 ongoing crimes scenes: 1) Union Pearson train tracks 2) residence on King George
– no outstanding suspects
– no threat to public safety#GO1728164
^al— Toronto Police Operations (@TPSOperations) September 12, 2020
ਸ਼ੁਰੂਆਤੀ ਜਾਂਚ ਵਿਚ ਦੱਸਿਆ ਜਾ ਰਿਹਾ ਹੈ ਕਿ ਇਹ ਤਿੰਨੋਂ ਇਕ-ਦੂਜੇ ਨੂੰ ਜਾਣਦੇ ਸਨ, ਹਾਲਾਂਕਿ ਇਨ੍ਹਾਂ ਦਾ ਕੀ ਰਿਸ਼ਤਾ ਸੀ, ਅਜੇ ਇਸ ਬਾਰੇ ਪਤਾ ਨਹੀਂ ਲੱਗ ਸਕਿਆ। ਪੁਲਿਸ ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਵਾਰਦਾਤ ਨਾਲ ਆਮ ਲੋਕਾਂ ਨੂੰ ਕੋਈ ਖਤਰਾ ਨਹੀਂ ਹੈ। ਫਿਲਹਾਲ ਪੁਲਿਸ ਇਸ ਵਾਰਦਾਤ ਦੀ ਵੀਡੀਓ ਲੱਭ ਰਹੀ ਹੈ ਤਾਂ ਕਿ ਪਤਾ ਲੱਗੇ ਕਿ ਇਸ ਘਟਨਾ ਪਿੱਛੇ ਕੀ ਕਾਰਨ ਸੀ। ਹਲਾਂਕਿ ਹਾਦਸੇ ਦੌਰਾਨ ਇਸ ਖੇਤਰ ਵਿਚ ਕੁਝ ਸਮੇਂ ਲਈ ਰੇਲ ਆਵਾਜਾਈ ਪ੍ਰਭਾਵਿਤ ਹੋਈ ਪਰ ਇਸ ਨੂੰ ਮੁੜ ਸ਼ੁਰੂ ਕਰ ਦਿੱਤਾ ਗਿਆ।