ਟੋਰਾਂਟੋ : ਕੋਰੋਨਾ ਮਹਾਂਮਾਰੀ ਦੇ ਪਰਛਾਵੇਂ ਹੇਠ ਹੋੋ ਰਹੇ ਕੈਨੇਡਾ ਡੇਅ ਸੈਲੀਬ੍ਰੇਸ਼ਨ ਦੌਰਾਨ ਮਾਸਕ ਪਹਿਨਣ ਨੂੰ ਲੈ ਕੇ ਬਹਿਸ ਛਿੜ ਚੁੱਕੀ ਹੈ। ਦਰਅਸਲ ਕੋਰੋਨਾ ਤੋਂ ਬਚਾਅ ਲਈ ਮਾਸਕ ਸਿਰਫ ਆਊਟਡੋਰ ਹੀ ਨਹੀਂ ਸਗੋਂ ਇਨਡੋਰ ‘ਚ ਵੀ ਪਹਿਣੇ ਜਾਣ ਦੀ ਸਿਫਾਰਿਸ਼ ਕੀਤੀ ਜਾ ਰਹੀ ਹੈ।
ਉਧਰ ਗ੍ਰੇਟਰ ਟੋਰਾਂਟੋ ਅਤੇ ਹੈਮਿਲਟਨ ਏਰੀਆ ਦੇ ਮੇਅਰਜ਼ ਦੀ ਅਪੀਲ ਦੇ ਬਾਵਜੂਦ ਪ੍ਰੋਵਿੰਸ ਵੱਲੋਂ ਜਨਤਕ ਥਾਂਵਾਂ ਉੱਤੇ ਮਾਸਕ ਪਹਿਨਣ ਨੂੰ ਲਾਜ਼ਮੀ ਨਹੀਂ ਕੀਤਾ ਜਾਵੇਗਾ। ਕਲ੍ਹ ਸਿਹਤ ਮੰਤਰਾਲੇ ਵੱਲੋਂ ਇਹ ਆਖਿਆ ਗਿਆ ਕਿ ਪ੍ਰੋਵਿੰਸ਼ੀਅਲ ਪੱਧਰ ਉੱਤੇ ਮਾਸਕ ਪਾਉਣ ਸਬੰਧੀ ਨੀਤੀ ਜ਼ਰੂਰੀ ਨਹੀਂ ਹੈ। ਮਾਰਖਮ ਦੇ ਮੇਅਰ ਫਰੈਂਕ ਸਕਾਰਪਿਟੀ ਵੱਲੋਂ ਓਨਟਾਰੀਓ ਵਿੱਚ ਮਾਸਕ ਲਾਜ਼ਮੀ ਬਣਾਉਣ ਦੀ ਕੈਂਪੇਨ ਦੀ ਅਗਵਾਈ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੇ ਨਾਲ ਟੋਰਾਂਟੋ ਦੇ ਮੇਅਰ ਜੌਹਨ ਟੋਰੀ, ਮਿਸੀਸਾਗਾ ਦੇ ਮੇਅਰ ਬੌਨੀ ਕ੍ਰੌਂਬੀ, ਬਰੈਂਪਟਨ ਦੇ ਮੇਅਰ ਪੈਟ੍ਰਿਕ ਬ੍ਰਾਊਨ, ਮਾਰਖਮ ਦੇ ਮੇਅਰ ਫਰੈਂਕ ਸਕਾਰਪਿਟੀ ਤੇ ਵਾਅਨ ਦੇ ਮੇਅਰ ਮਾਰੀਜੀਓ ਬੈਵਿਲਾਕੁਆ ਵੱਲੋਂ ਵੀ ਪ੍ਰੋਵਿੰਸ ਪੱਧਰ ਉੱਤੇ ਇੰਡੋਰਜ਼ ਲਈ ਮਾਸਕ ਨੂੰ ਜ਼ਰੂਰੀ ਕਰਨ ਦੀ ਬੇਨਤੀ ਕੀਤੀ ਜਾ ਰਹੀ ਹੈ।
Wear a mask. #NewProfilePic pic.twitter.com/dYPJGTLZtw
— John Tory (@JohnTory) June 30, 2020
ਟੋਰਾਂਟੋ ਦੇ ਮੇਅਰ ਜੌਹਨ ਟੋਰੀ ਆਪਣੇ ਟਵਿਟਰ ਹੈਂਡਲ ‘ਤੇ ਇੱਕ ਤੋਂ ਬਾਅਦ ਇੱਕ ਟਵੀਟ ਕਰਕੇ ਇਨਡੋਰ ਅਤੇ ਆਊਟਡੋਰ ਮਾਸਕ ਪਹਿਨਣ ਦੀ ਜ਼ੋਰਦਾਰ ਪੈਰਵੀ ਕਰ ਰਹੇ ਨੇ ।
Today, City Council will consider a report from Dr. @epdevilla to make it mandatory for people to wear masks or face coverings inside businesses and other public facilities. This recommendation would give clear direction on face coverings to stop the spread of #COVID19. pic.twitter.com/kESjU2o19w
— John Tory (@JohnTory) June 30, 2020
ਮੇਅਰ ਜੌਹਨ ਟੋਰੀ ਦੀ ਇਸ ਮੁਹਿੰਮ ਦੀ ਡਿਪਟੀ ਮੇਅਰ ਮਿਸ਼ੇਲ ਥਾਮਸਨ ਨੇ ਵੀ ਹਮਾਇਤ ਕੀਤੀ ਹੈ ।
Delighted to join Mayor @JohnTory, Dr. @epdevilla and Councillor @joe_cressy for an announcement regarding mandatory masks and face coverings in enclosed public places. I am in full support of this recommendation. pic.twitter.com/ItqyREg2JE
— Deputy Mayor Michael Thompson (@Thompson_37) June 30, 2020
ਦੂਜੇ ਪਾਸੇ ਹਰੇਕ ਮਿਊਂਸਪੈਲਿਟੀ ਵੱਲੋਂ ਆਪਣੇ ਬਾਇਲਾਅਜ਼ ਲਾਗੂ ਕਰਨ ਦੀ ਥਾਂ ਮੇਅਰਜ਼ ਨੂੰ ਆਸ ਹੈ ਕਿ ਪ੍ਰੋਵਿੰਸ ਵੱਲੋਂ ਇਸ ਸਬੰਧ ਵਿੱਚ ਪ੍ਰੋਵਿੰਸ਼ੀਅਲ ਹੁਕਮ ਜਾਰੀ ਕੀਤੇ ਜਾਣਗੇ। ਪ੍ਰੋਵਿੰਸ ਵੱਲੋਂ ਲੋਕਾਂ ਨੂੰ ਵਾਰੀ ਵਾਰੀ ਇਹ ਅਪੀਲ ਕੀਤੀ ਜਾ ਰਹੀ ਹੈ ਕਿ ਸੰਭਵ ਹੋਵੇ ਤਾਂ ਮਾਸਕ ਜ਼ਰੂਰ ਪਾਏ ਜਾਣ ਅਤੇ ਫਿਜ਼ੀਕਲ ਡਿਸਟੈਂਸਿੰਗ ਦਾ ਵੀ ਧਿਆਨ ਰੱਖਿਆ ਜਾਵੇ।
