Channel Punjabi
International News North America

ਖੋਜਕਰਤਾਵਾਂ ਨੇ ਕੋਵਿਡ -19 ਟੈਸਟ ਦੀ ਨਵੀਂ ਪ੍ਰਕਿਰਿਆ ਦੀ ਕੀਤੀ ਖੋਜ, 90 ਮਿੰਟ ‘ਚ ਮਿਲੇਗਾ ਟੈਸਟ ਦਾ ਸਟੀਕ ਨਤੀਜਾ

drad

ਕੋਵਿਡ 19 ਦੇ ਮਾਮਲਿਆਂ ‘ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਜਿਸਨੂੰ ਦੇਖਦੇ ਹੋਏ ਕਈ ਥਾਂਵਾ ‘ਤੇ ਨਿਯਮ ਸਖਤ ਕੀਤੇ ਗਏ ਹਨ। ਪਰ ਦਸ ਦਈਏ ਹੁਣ ਖੋਜਕਰਤਾਵਾਂ ਨੇ ਇੱਕ 90 ਮਿੰਟ ਦੀ ਤੇਜ਼ ਰਫਤਾਰ ਕੋਵਿਡ -19 ਟੈਸਟ ਦੀ ਪ੍ਰਕਿਰਿਆ ਲੱਭ ਲਈ ਹੈ ਜਿਸ ਲਈ ਲੈਬ ਦੀ ਜ਼ਰੂਰਤ ਨਹੀਂ ਪਵੇਗੀ ਤੇ ਮੋਬਾਈਲ ਫੋਨ ਤੋਂ ਵੀ ਛੋਟੀ ਕਾਰਟਿਜ ਜ਼ਰੀਏ ਇਸ ਨੂੰ ਕੀਤਾ ਜਾ ਸਕੇਗਾ।

ਜਰਨਲ ਦਿ ਲੈਂਸੇਟ ਮਾਈਕ੍ਰੋਬ ਵਿਚ ਪ੍ਰਕਾਸ਼ਤ ਅਧਿਐਨ ਤੋਂ ਪਤਾ ਚੱਲਿਆ ਹੈ ਕਿ ਲੈਬ-ਇਨ-ਕਾਰਟ੍ਰਿਜ ਰੈਪਿਡ ਟੈਸਟਿੰਗ ਡਿਵਾਈਸ, ਜੋ ਮਰੀਜ਼ ਦੇ ਬੈੱਡ ਨੇੜੇ ਰੱਖੀ ਜਾ ਸਕਦੀ ਹੈ ਤੇ ਇਹ 94 ਫ਼ੀਸਦੀ ਸੈਂਸਟੀਵਿਟੀ ਤੇ 100 ਫ਼ੀਸਦੀ ਸਟੀਕਤਾ ਦੇ ਨਾਲ ਕੋਵਿਡ-19 ਟੈਸਟ ਦਾ ਨਤੀਜਾ ਦਿੰਦੀ ਹੈ।

ਟੈਸਟ ਲਈ ਮਰੀਜ਼ ਦੇ ਨੱਕ ਦਾ ਸਵਾਬ (Swab) ਲੈ ਕੇ ਡਿਵਾਈਸ ‘ਚ ਪਾਉਣਾ ਪੈਂਦਾ ਹੈ। ਇਸ ਵਿਚ SARS-CoV-2 ਦੇ ਜੀਨ ਨੂੰ ਟਰੇਸ ਕੀਤਾ ਜਾਂਦਾ ਹੈ ਜਿਸ ਕਾਰਨ ਕੋਵਿਡ-19 ਬਿਮਾਰੀ ਹੁੰਦੀ ਹੈ। ਇਸ ਦਾ ਨਤੀਜਾ 90 ਮਿੰਟਾਂ ਦੇ ਅੰਦਰ ਆਉਂਦਾ ਹੈ, ਦੱਸ ਦੇਈਏ ਕਿ ਮੌਜੂਦਾ ਟੈਸਟ ਦੀ ਪ੍ਰਕਿਰਿਆ ‘ਚ 24 ਘੰਟੇ ਦਾ ਸਮਾਂ ਲਗਦਾ ਹੈ।

ਯੂਕੇ ਦੇ ਕਿੰਗਜ਼ ਕਾਲਜ ਲੰਡਨ ਤੋਂ ਅਧਿਐਨ ਕਰਨ ਵਾਲੇ ਗ੍ਰਾਹਮ ਕੂਕ ਨੇ ਕਿਹਾ ਇਹ ਡਿਵਾਈਸ ਸਟੀਕ ਟੈਸਟ ਰਿਪੋਰਟ ਦਿੰਦੀ ਹੈ। ਸਟੱਡੀ ਅਨੁਸਾਰ ਇਸ ਡਿਵਾਈਸ ਦਾ ਇਸਤੇਮਾਲ ਕੋਵਿਡ-19 ਸ਼ੱਕੀ 280 NHS ਸਟਾਫ ਮੈਂਬਰਾਂ ‘ਤੇ ਕੀਤਾ ਗਿਆ। ਰੈਪਿਡ ਟੈਸਟਿੰਗ ਡਿਵਾਈਸ ‘CovidNudge test’ ਤੇ ਸਟੈਂਡਰਡ ਹੌਸਪਿਟਲ ਲੈਬ ਦੇ ਉਪਕਰਨ ਦੇ ਨਤੀਜਿਆਂ ਦੀ ਤੁਲਨਾ ਕੀਤੀ ਗਈ। ਰਿਜ਼ਲਟ ‘ਚ 67 ਪਾਜ਼ੇਟਿਵ ਮਾਮਲਿਆਂ ਦੀ ਪੁਸ਼ਟੀ ਹੋਈ ਪਰ ਸਟੈਂਡਰਡ ਲੈਬ ਮਸ਼ੀਨਾਂ ਦੇ ਰਿਜ਼ਲਟ ‘ਚ 71 ਮਾਮਲੇ ਪਾਜ਼ਟਿਵ ਪਾਏ ਗਏ।

drad

Related News

ਓਂਟਾਰੀਓ: ਪੁਲਿਸ ਨੇ 31 ਸਾਲਾ ਲਾਪਤਾ ਸੀਨ ਲਾਰਜ ਦੀ ਭਾਲ ਕੀਤੀ ਸ਼ੁਰੂ

Rajneet Kaur

ਜੂਲੀ ਪੇਯੇਟ ਦੇ ਹੱਕ ‘ਚ ਟਰੂਡੋ

Rajneet Kaur

ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ ਦੇ ਨਵੇਂ ਅੰਕੜਿਆਂ ਦੇ ਅਨੁਸਾਰ 22 ਮਾਰਚ ਤੋਂ 12 ਜੁਲਾਈ ਤਕ 10,329 ਅਮਰੀਕੀ ਲੋਕਾਂ ਨੇ ਕੈਨੇਡਾ ‘ਚ ਦਾਖਲ ਹੋਣ ਦੇ ਕੀਤੇ ਯਤਨ

Rajneet Kaur

Leave a Comment

[et_bloom_inline optin_id="optin_3"]