ਨਿਊਜ਼ੀਲੈਂਡ ਦੀ ਇਕ ਅਦਾਲਤ ਨੇ ਸੋਮਵਾਰ ਨੂੰ ਇਕ ਆਸਟ੍ਰੇਲੀਆਈ ਵਿਅਕਤੀ ਦੀ ਸਜ਼ਾ ਸੁਣਵਾਈ ਸ਼ੁਰੂ ਕੀਤੀ ਹੈ, ਜਿਸਨੇ ਪਿਛਲੇ ਸਾਲ ਕ੍ਰਾਈਸਟਚਰਚ ਸ਼ਹਿਰ ‘ਚ ਦੋ ਮਸਜਿਦਾਂ ‘ਚ ਹੋਏ ਹਮਲੇ ‘ਚ 51 ਲੋਕਾਂ ਦਾ ਕਤਲ ਕਰ ਦਿੱਤਾ ਸੀ। ਬ੍ਰੈਂਟਨ ਟੈਰੇਂਟ ਨੂੰ ਮਾਰਚ ‘ਚ 51 ਕਤਲਾਂ, 40 ਕਤਲਾਂ ਦੀ ਕੋਸ਼ਿਸ਼ ਅਤੇ ਅੱਤਵਾਦ ਦੇ ਇੱਕ ਦੋਸ਼ ‘ਚ ਦੋਸ਼ੀ ਠਹਿਰਾਇਆ ਗਿਆ ਸੀ। ਇਹ ਅਪੀਲ ਇਕ ਸਾਲ ਬਾਅਦ ਕੀਤੀ ਗਈ ਜਦੋਂ ਟੈਰੇਂਟ ਨੇ ਅਰਧ-ਆਟੋਮੈਟਿਕ ਬੰਦੂਕਾਂ ਨਾਲ ਦੋ ਮਸਜਿਦਾਂ ਵਿਚ ਸ਼ੁੱਕਰਵਾਰ ਦੀ ਨਮਾਜ਼ ਵਿਚ ਸ਼ਾਮਲ ਹੋਣ ਵਾਲੇ ਲੋਕਾਂ ‘ਤੇ ਹਮਲਾ ਕੀਤਾ ਅਤੇ ਸ਼ੂਟਿੰਗ ਨੂੰ ਫੇਸਬੁੱਕ’ ਤੇ ਸਿੱਧਾ ਪ੍ਰਸਾਰਿਤ ਕੀਤਾ।
ਕ੍ਰਾਈਸਟਚਰਚ ਹਾਈਕੋਰਟ ‘ਚ ਚਾਰ ਦਿਨਾਂ ਦੀ ਸੁਣਵਾਈ ਦੌਰਾਨ ਜੱਜ ਕੈਮਰਨ ਮੰਡੇਰ ਹਮਲੇ ‘ਚ ਬਚੇ 66 ਲੋਕਾਂ ਦੇ ਬਿਆਨ ਸੁਨਣਗੇ।
29 ਸਾਲ ਦਾ ਟੈਰੇਂਟ ਨਿਊ ਸਾਊਥ ਦਾ ਰਹਿਣਾ ਵਾਲਾ ਹੈ। ਪ੍ਰਧਾਨ ਮੰਤਰੀ ਜੈਕਿੰਡਾ ਆਡਰਨ ਨੇ ਕਿਹਾ ਕਿ ਬਹੁਤਿਆਂ ਲਈ ਇਹ ਹਫਤਾ ਮੁਸ਼ਕਿਲ ਭਰਿਆ ਹੋਵੇਗਾ।
ਹੁਣ ਉਸਨੂੰ ਘੱਟੋ ਘਟ 17 ਸਾਲ ਦੀ ਸਜ਼ਾ ਸੁਣਾਈ ਜਾ ਸਕਦੀ ਹੈ ਪਰ ਮਾਮਲੇ ਦੀ ਪ੍ਰਧਾਨਗੀ ਕਰਨ ਵਾਲੇ ਹਾਈ ਕੋਰਟ ਦੇ ਜੱਜ ਜਸਟਿਸ ਕੈਮਰਨ ਮੈਂਡਰ ਕੋਲ ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਬਿਨਾਂ ਕਿਸੇ ਪੈਰੋਲ ਦਾ ਦੇਣ ਦਾ ਅਧਿਕਾਰ ਹੈ। ਇਹ ਸਜ਼ਾ ਨਿਊਜ਼ੀਲੈਂਡ ‘ਚ ਪਹਿਲਾਂ ਕਦੇ ਨਹੀਂ ਦਿੱਤੀ ਗਈ ।
