ਮਾਂਟਰੀਅਲ: ਜਿਥੇ ਕੈਨੇਡਾ ਦੇ ਕਈ ਸੂਬਿਆਂ ‘ਚ ਕੋਰੋਨਾ ਵਾਇਰਸ ਦੇ ਮਾਮਲੇ ਵਧਦੇ ਜਾ ਰਹੇ ਹਨ ਉਥੇ ਹੀ ਸਰਕਾਰ ਕਈ ਥਾਵਾਂ ‘ਤੇ ਢਿੱਲ ਵੀ ਦਿੰਦੀ ਨਜ਼ਰ ਆ ਰਹੀ ਹੈ।
ਕਿਊਬਿਕ ‘ਚ 3 ਅਗਸਤ ਨੂੰ ਕੁਝ ਨਿਯਮ ਬਦਲਣ ਜਾ ਰਹੇ ਹਨ। ਜਿਸ ‘ਚ ਇਨਡੋਰ ਸਮਾਗਮਾਂ ‘ਚ 50 ਤੋਂ ਵੱਧ ਯਾਨੀ ਕਿ 250 ਲੋਕਾਂ ਦੇ ਇੱਕਠੇ ਹੋਣ ਦੀ ਇਜਾਜ਼ਤ ਮਿਲੇਗੀ । ਦੱਸ ਦਈਏ ਲੋਕਾਂ ਨੂੰ ਹਾਊਸ ਪਾਰਟੀ ਕਰਨ ਦੀ ਖੁਲ੍ਹ ਨਹੀਂ ਦਿੱਤੀ ਗਈ । ਇਹ ਨਵਾਂ ਨੀਯਮ ਸਿਰਫ ਜਨਤਕ ਥਾਵਾਂ ‘ਤੇ ਹੀ ਲਾਗੂ ਹੋਵੇਗਾ। ਨਿੱਜੀ ਇਨਡੋਰ ਅਤੇ ਆਉਟਡੋਰ ਥਾਵਾਂ ਤੇ ਇਕੱਠ ਕਰਨ ਤੇ ਅਜੇ ਵੀ ਪਾਬੰਦੀ ਹੈ। ਨਿੱਜੀ ਥਾਵਾਂ ‘ਚ ਸਿਰਫ 10 ਲੋਕ ਹੀ ਇੱਕਠੇ ਹੋ ਸਕਦੇ ਹਨ।
250 ਲੋਕਾਂ ਦਾ ਵਾਧਾ ਕਿਊਬਿਕ ਦੇ ਕਾਰਗੁਜ਼ਾਰੀ ਹਾਲਾਂ, ਥੀਏਟਰਾਂ ਅਤੇ ਸਿਨੇਮਾ ‘ਤੇ ਲਾਗੂ ਹੁੰਦਾ ਹੈ, ਨਾਲ ਹੀ ਇਕ ਅੰਦਰੂਨੀ ਆਡੀਓ ਵਿਜ਼ੂਅਲ ਸ਼ੂਟ ਜਾਂ ਇਨਡੋਰ ਸ਼ੋਅ ਰਿਕਾਰਡਿੰਗ’ ਤੇ ਲਾਗੂ ਹੁੰਦਾ ਹੈ । ਖੜ੍ਹੇ ਦਰਸ਼ਕਾਂ ਨੂੰ ਉਨ੍ਹਾਂ ਦੇ ਵਿਚਕਾਰ ਦੋ ਮੀਟਰ ਦੀ ਦੂਰੀ ਨੂੰ ਜਿੰਨਾ ਸੰਭਵ ਹੋ ਸਕੇ ਰੱਖਣਾ ਲਾਜ਼ਮੀ ਹੈ।
ਯਾਤਰਾ ਕਰਨ ਵੇਲੇ 12 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਦਾ ਮਾਸਕ ਪਾਉਣਾ ਜ਼ਰੂਰੀ ਹੋਵੇਗਾ । ਲੋਕਾਂ ਨੂੰ ਦੋ ਮੀਟਰ ਦੀ ਦੂਰੀ ਬਣਾ ਕੇ ਰਖਣਾ ਲਾਜ਼ਮੀ ਹੋਵੇਗੀ । ਜਦੋਂ ਦਰਸ਼ਕ ਬੈਠੇ ਹੋਣ ਤਾਂ 1.5 ਮੀਟਰ ਦੀ ਸਰੀਰਕ ਦੂਰੀ ਹੋਣੀ ਚਾਹੀਦੀ ਹੈ, ਇਕੋ ਪਰਿਵਾਰ ਦੇ ਲੋਕਾਂ ‘ਤੇ ਇਹ ਨਿਯਮ ਲਾਗੂ ਨਹੀਂ ਹੋਵੇਗਾ। ਦੱਸ ਦਈਏ ਕਿ ਕੋਰੋਨਾ ਵਾਇਰਸ ਕਾਰਨ ਤਿਓਹਾਰ ਅਤੇ ਪ੍ਰਮੁੱਖ ਸਮਾਗਮ 31 ਅਗਸਤ ਤੱਕ ਵਰਜਿਤ ਹਨ।
