ਵੈਨਕੂਵਰ : ਵੈਨਕੂਵਰ ਦੀ 2020 ਦੀ ਪੰਜਵੀਂ ਆਵਾਜਾਈ ਮੌਤ ਵਿੱਚ ਇੱਕ 39 ਸਾਲਾ ਮੋਟਰਸਾਈਕਲ ਸਵਾਰ ਦੀ ਮੌਤ ਹੋ ਗਈ ਹੈ।
ਪੁਲਿਸ ਨੇ ਦੱਸਿਆ ਕਿ ਮੰਗਲਵਾਰ ਸਵੇਰੇ 5:25 ਵਜੇ ਮੋਟਰਸਾਈਕਲ ਸਵਾਰ ਨਾਲ ਇਕ ਔਰਤ ਯਾਤਰੀ ਵੀ ਸਵਾਰ ਸੀ ਜਿੰਨ੍ਹਾਂ ਦੀ ਪੂਰਬੀ ਹੇਸਟਿੰਗਜ਼ ਅਤੇ ਕੋਲੰਬੀਆ ਦੀ ਸੜਕਾਂ ‘ਤੇ ਇਕ ਟਰਾਂਜ਼ਿਟ ਬੱਸ ਨੂੰ ਟੱਕਰ ਹੋ ਗਈ। ਪੁਲਿਸ ਅਨੁਸਾਰ , ਦੋਵਾਂ ਨੂੰ ਹਸਪਤਾਲ ਲਿਜਾਇਆ ਗਿਆ, ਪਰ ਡਰਾਈਵਰ ਦੀ ਸੱਟ ਲੱਗਣ ਕਾਰਨ ਮੌਤ ਹੋ ਗਈ ਅਤੇ ਔਰਤ ਗੰਭੀਰ ਰੂਪ ‘ਚ ਜ਼ਖਮੀ ਹਸਪਤਾਲ ‘ਚ ਦਾਖਲ ਹੈ।
ਬੱਸ ਵਿਚ ਕਿਸੇ ਨੂੰ ਸੱਟ ਨਹੀਂ ਲੱਗੀ ਅਤੇ ਪੁਲਿਸ ਨੇ ਕਿਹਾ ਡਰਾਈਵਰ ਜਾਂਚ ਵਿਚ ਸਹਿਯੋਗ ਕਰ ਰਿਹਾ ਹੈ। ਪੁਲਿਸ ਨੇ ਨੰਬਰ 604-717-3012 ਜਾਰੀ ਕਰਕੇ ਕਿਹਾ ਹੈ ਕਿ ਜੇਕਰ ਕਿਸੇ ਨੇ ਘਟਨਾ ਨੂੰ ਵੇਖਿਆ ਹੈ ਜਾਂ ਫਿਰ ਜਿਸ ਕੋਲ ਡੈਸ਼ਕੈਮ ਫੁਟੇਜ ਹੈ ਤਾਂ ਉਹ ਸਪੰਰਕ ਕਰ ਸਕਦਾ ਹੈ।