ਨਿਊਯਾਰਕ : ਦੇਸ਼ ਦੁਨੀਆ ਵਿੱਚ ਭਾਰਤੀਆਂ ਦਾ ਡੰਕਾ ਬੋਲ ਰਿਹਾ ਹੈ, ਜੇਕਰ ਕਿਸੇ ਨੂੰ ਨਹੀਂ ਯਕੀਨ ਤਾਂ ਉਹ ਅਮਰੀਕਾ ਦੇ ਰਾਸ਼ਟਰਪਤੀ Joe Biden ਦੀ ਪ੍ਰਸ਼ਾਸਨਿਕ ਟੀਮ ਨੂੰ ਦੇਖ ਲਵੇ। ਅਮਰੀਕਾ ਦੇ ਵੱਡੇ ਅਤੇ ਅਹਿਮ ਅਹੁਦਿਆਂ ‘ਤੇ ਭਾਰਤੀ ਮੂਲ ਦੇ ਲੋਕ ਬਿਰਾਜਮਾਨ ਹਨ। ਇਹ ਅਹੁਦੇ ਭਾਰਤੀਆਂ ਨੇ ਕਿਸੇ ਸਿਫਾਰਸ਼ ਨਾਲ ਹਾਸਿਲ ਨਹੀਂ ਕੀਤੇ ਸਗੋਂ ਉਹ ਆਪਣੀ ਸਖ਼ਤ ਮੇਹਨਤ, ਲਗਨ ਤੇ ਜਜ਼ਬੇ ਨਾਲ ਵੱਡੇ ਅਹੁਦਿਆਂ ‘ਤੇ ਕਾਬਜ਼ ਹੋਏ ਹਨ। ਇਸ ਕੜੀ ਵਿੱਚ ਇੱਕ ਹੋਰ ਨਾਮ ਜੁੜ ਗਿਆ ਹੈ, ਉਹ ਹਨ ਨੌਰੀਨ ਹਸਨ ।
New York Fed Names Naureen Hassan First Vice Presidenthttps://t.co/1ArdF1MlMn pic.twitter.com/nLsNqGXg3G
— New York Fed (@NewYorkFed) March 3, 2021
ਫਾਇਨੈਂਸ਼ੀਅਲ ਸਰਵਿਸਿਜ਼ ਇੰਡਸਟਰੀ ਵਿਚ ਅਨੁਭਵ ਰੱਖਣ ਵਾਲੀ ਭਾਰਤੀ ਮੂਲ ਦੀ ਅਮਰੀਕੀ ਨਾਗਰਿਕ ਨੌਰੀਨ ਹਸਨ ਨਿਊਯਾਰਕ ਦੇ ਫੈਡਰਲ ਰਿਜ਼ਰਵ ਬੈਂਕ ਦੀ ਵਾਈਸ ਪ੍ਰਰੈਜ਼ੀਡੈਂਟ ਅਤੇ ਮੁੱਖ ਸੀਈਓ ਨਿਯੁਕਤ ਕੀਤੀ ਗਈ ਹੈ। ਉਹ ਬੈਂਕ ਦੀ ਪਹਿਲੀ ਵਾਈਸ ਪ੍ਰਰੈਜ਼ੀਡੈਂਟ ਹੋਵੇਗੀ। ਉਨ੍ਹਾਂ ਦਾ ਕਾਰਜਕਾਲ 15 ਮਾਰਚ ਤੋਂ ਸ਼ੁਰੂ ਹੋਵੇਗਾ। ਬੈਂਕ ਨੇ ਦੱਸਿਆ ਕਿ ਨੌਰੀਨ ਦੀ ਨਿਯੁਕਤੀ ‘ਤੇ ਫੈਡਰਲ ਰਿਜ਼ਰਵ ਸਿਸਟਮ ਦੇ ਬੋਰਡ ਆਫ ਗਵਰਨਰਸ ਨੇ ਮੋਹਰ ਲਗਾ ਦਿੱਤੀ ਹੈ। ਪਹਿਲੇ ਵਾਈਸ ਪ੍ਰਰੈਜ਼ੀਡੈਂਟ ਦੇ ਰੂਪ ਵਿਚ ਨੌਰੀਨ ਫੈਡਰਲ ਰਿਜ਼ਰਵ ਦੀ ਦੂਜੀ ਸਭ ਤੋਂ ਵੱਡੀ ਅਧਿਕਾਰੀ ਹੋਵੇਗੀ। ਨਾਲ ਹੀ ਉਹ ਫੈਡਰਲ ਓਪਨ ਮਾਰਕੀਟ ਕਮੇਟੀ ਦੀ ਆਲਟਰਨੇਟ ਵੋਟਿੰਗ ਮੈਂਬਰ ਵੀ ਹੋਵੇਗੀ।
ਨੌਰੀਨ ਨੂੰ ਵੱਖ-ਵੱਖ ਫਾਇਨੈਂਸ਼ੀਅਲ ਕੰਪਨੀਆਂ ਵਿਚ 25 ਸਾਲਾਂ ਦਾ ਤਜਰਬਾ ਹੈ। ਇਸ ਨਿਯੁਕਤੀ ਤੋਂ ਪਹਿਲੇ ਉਹ ਮਾਰਗਨ ਸਟੇਨਲੀ ਵੈਲਥ ਮੈਨੇਜਮੈਂਟ ਦੇ ਚੀਫ ਡਿਜੀਟਲ ਅਫਸਰ ਦੇ ਅਹੁਦੇ ‘ਤੇ ਸਨ।
