ਕੋਲੋਰਾਡੋ, ਅਮਰੀਕਾ : ਬ੍ਰਿਟੇਨ ਵਾਲੇ ਕੋਰੋਨਾ ਵਾਇਰਸ ਨੇ ਹੁਣ ਦੁਨੀਆ ਦੇ ਵੱਖ-ਵੱਖ ਕੋਨਿਆਂ ਤਕ ਪਹੁੰਚ ਕਰ ਲਈ ਹੈ । ਬ੍ਰਿਟੇਨ ਤੋਂ ਲੈ ਕੇ ਕੈਨੇਡਾ ਤੱਕ, ਸਵੀਡਨ, ਫਰਾਂਸ, ਸਪੇਨ, ਇਟਲੀ, ਜਰਮਨੀ, ਸਵਿਟਜ਼ਰਲੈਂਡ, ਨੀਦਰਲੈਂਡ ਅਤੇ ਭਾਰਤ ਵਿੱਚ ਵੀ ਯੂਨਾਈਟਿਡ ਕਿੰਗਡਮ ਵਾਲਾ ਵਾਇਰਸ ਪਹੁੰਚ ਚੁੱਕਾ ਹੈ । COVID-19 ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਅਮਰੀਕਾ ਵਿੱਚ ਵੀ ਇਸ ਵਾਇਰਸ ਨੇ ਦਸਤਕ ਦੇ ਦਿੱਤੀ ਹੈ। ਅਮਰੀਕਾ ਵਿਚ ਬ੍ਰਿਟੇਨ ਵਾਲੇ ਵਾਇਰਸ ਦਾ ਪਹਿਲਾ ਕਨਫਰਮ ਕੇਸ ਕੋਲੋਰਾਡੋ ਵਿਚ ਲੱਭਿਆ ਗਿਆ ਹੈ। ਰਾਜ ਦੇ ਸਿਹਤ ਅਧਿਕਾਰੀਆਂ ਨੇ ਦੱਸਿਆ ਕਿ ਬ੍ਰਿਟੇਨ ਵਾਲੇ ਵਾਇਰਸ ਦਾ ਇਹ ਪਹਿਲਾ ਮਾਮਲਾ 20 ਕੁ ਸਾਲਾਂ ਦੇ ਇੱਕ ਨੌਜਵਾਨ ਵਿਅਕਤੀ ਵਿੱਚ ਮਿਲਿਆ ਹੈ ਜਿਹੜਾ ‘ਅਲਬਰਟ ਕਾਉਂਟੀ ਵਿੱਚ ਡੇਨਵਰ ਦੇ ਦੱਖਣ-ਪੂਰਬ’ ਵਿੱਚ ਇਕੱਲਤਾ (ਕੁਆਰੰਟੀਨ) ਵਿੱਚ ਹੈ । ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਇਸ ਵਿਅਕਤੀ ਦਾ ਕੋਈ ਵੀ ਯਾਤਰਾ ਇਤਿਹਾਸ (Travel History) ਨਹੀਂ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਪਹਿਲਾਂ ਤੋਂ ਕਿਸੇ ਪ੍ਰਭਾਵਿਤ ਦੇ ਸੰਪਰਕ ਵਿੱਚ ਆਇਆ ਹੋਵੇਗਾ।
ਇਸ ਸਬੰਧ ‘ਚ ਕੋਲਾਰਾਡੋ ਦੇ ਗਵਰਨਰ ਜਾਰੇਡ ਪੋਲਿਸ ਨੇ ਟਵੀਟ ਕਰਕੇ ਇਹ ਜਾਣਕਾਰੀ ਸਾਂਝੀ ਕੀਤੀ।
Today we discovered Colorado’s first case of the COVID-19 variant B.1.1.7, the same variant discovered in the UK.
The health and safety of Coloradans is our top priority and we will monitor this case, as well as all COVID-19 indicators, very closely. pic.twitter.com/fjyq7QhzBi
— Governor Jared Polis (@GovofCO) December 29, 2020
ਦੱਸ ਦਈਏ ਕਿ ਐਲਬਰਟ ਕਾਉਂਟੀ ਡੇਨਵਰ ਮੈਟਰੋ ਖੇਤਰ ਦੇ ਬਹੁਤ ਦੂਰ ਕਿਨਾਰੇ ਤੇ ਰੋਲਿੰਗ ਮੈਦਾਨਾਂ ਦਾ ਮੁੱਖ ਤੌਰ ਤੇ ਦਿਹਾਤੀ ਖੇਤਰ ਹੈ ਜਿਸ ਵਿੱਚ ਰਾਜ ਦਾ ਮੁੱਖ ਪੂਰਬ-ਪੱਛਮ ਰਾਜਮਾਰਗ 70 ਦਾ ਇੱਕ ਹਿੱਸਾ ਸ਼ਾਮਲ ਹੁੰਦਾ ਹੈ
ਕੋਲੋਰਾਡੋ ਦੇ ਅਲਬਰਟ ਕਾਉਂਟੀ ਦੇ ਪਬਲਿਕ ਹੈਲਥ ਦੇ ਡਾਇਰੈਕਟਰ ਡਵੇਨ ਸਮਿਥ ਦੇ ਅਨੁਸਾਰ, ਰਾਜ ਵਿਚ ਇਕ ਹੋਰ ਕਿਸਮ ਦਾ ਸ਼ੱਕੀ ਮਾਮਲਾ ਸਾਹਮਣੇ ਆਇਆ ਹੈ। ਦੋਵੇਂ ਲੋਕ ਸਿਮਲਾ ਦੇ ਐਲਬਰਟ ਕਾਉਂਟੀ ਕਮਿਊਨਿਟੀ ਵਿੱਚ ਕੰਮ ਕਰ ਰਹੇ ਸਨ।
ਕੋਲੋਰਾਡੋ ਸਟੇਟ ਪ੍ਰਯੋਗਸ਼ਾਲਾ ਨੇ ਵਾਇਰਸ ਦੇ ਰੂਪ ਦੀ ਪੁਸ਼ਟੀ ਕੀਤੀ, ਅਤੇ ਬਿਮਾਰੀ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰਾਂ ਨੂੰ ਸੂਚਿਤ ਕੀਤਾ ਗਿਆ ਹੈ ।