ਕੁਈਨਜ਼ ਪਾਰਕ: ਓਨਟਾਰੀਓ ਦੀ ਵਿਧਾਨਸਭਾ ਦਾ ਇਸ ਸਾਲ ਦਾ ਫਾਲ ਸੈਸ਼ਨ ਅੱਜ ਸ਼ੁਰੂ ਹੋਵੇਗਾ। ਪ੍ਰੋਗਰੈਸਿਵ ਕੰਜ਼ਰਵੇਟਿਵ ਸਰਕਾਰ ਦੇ ਹਾਊਸ ਲੀਡਰ ਨੇ ਆਖਿਆ ਕਿ ਮਹਾਂਮਾਰੀ ਕਾਰਨ ਅਜੇ ਵੀ ਰੋਜ਼ਾਨਾ ਦੇ ਕੰਮ ਕਾਜ ਤੇ ਲੋਕਾਂ ਦੀਆਂ ਜ਼ਿੰਦਗੀਆਂ ਉੱਤੇ ਅਸਰ ਪੈ ਰਿਹਾ ਹੈ। ਆਮ ਵਾਂਗ ਕੋਈ ਵੀ ਕੰਮ ਨਹੀਂ ਹੋ ਰਿਹਾ।
ਪਾਲ ਕਲੈਂਡਰਾ ( Paul Calandra) ਨੇ ਆਖਿਆ ਕਿ ਆਪਣੀ ਚਾਰ ਹਫਤਿਆਂ ਤੱਕ ਹਰ ਹਫਤੇ ਚੱਲਣ ਵਾਲੀ ਇੱਕ ਰੋਜਾ ਕਾਰਵਾਈ ਵਿੱਚ ਵਿਧਾਨ ਸਭਾ ਵਿੱਚ ਪਬਲਿਕ ਹੈਲਥ ਨਿਯਮਾਂ ਦਾ ਸਨਮਾਨ ਕੀਤਾ ਜਾਵੇਗਾ। ਉਨ੍ਹਾਂ ਆਖਿਆ ਕਿ ਸਰਕਾਰ ਆਉਣ ਵਾਲੇ ਹਫਤਿਆਂ ਵਿੱਚ ਕੋਵਿਡ-19 ਦੇ ਅਰਥਚਾਰੇ ਉੱਤੇ ਪੈਣ ਵਾਲੇ ਅਸਰ, ਸਕੂਲਾਂ ਦੇ ਮੁੜ ਖੋਲ੍ਹੇ ਜਾਣ ਤੇ ਹੈਲਥ ਕੇਅਰ ਸਿਸਟਮ ਉੱਤੇ ਆਪਣਾ ਧਿਆਨ ਕੇਂਦਰਿਤ ਕਰੇਗੀ।
ਕਲੈਂਡਰਾ ਨੇ ਇਹ ਵੀ ਆਖਿਆ ਕਿ 2020-2021 ਦਾ ਬਜਟ, ਜਿਸ ਵਿੱਚ ਮਹਾਂਮਾਰੀ ਕਾਰਨ ਦੇਰ ਹੋ ਗਈ ਸੀ, 15 ਨਵੰਬਰ ਨੂੰ ਡਲਿਵਰ ਕੀਤਾ ਜਾਵੇਗਾ।
