ਸਸਕੈਟੂਨ: ਸਸਕੈਟੂਨ ਪੁਲਿਸ ਨੇ ਐਤਵਾਰ ਦੁਪਿਹਰ ਨੂੰ ਲੋਰਨ ਐਵੇਨਿਊ ਅਤੇ ਜੈਸਪਰ ਐਵੇਨਿਊ ਦੇ ਵਿਚਕਾਰ ਟ੍ਰੈਫਿਕ ਨੂੰ ਸੀਮਿਤ ਕਰ ਦਿਤਾ ਸੀ ,ਜਦੋਂ ਇਕ ਵਾਹਨ ਨੇ ਇਕ ਰਾਹਗੀਰ ਨੂੰ ਟੱਕਰ ਮਾਰ ਦਿੱਤੀ। ਅਧਿਕਾਰੀਆਂ ਨੂੰ ਤਕਰੀਬਨ ਦੁਪਿਹਰ 1:45 ਵਜੇ ਕਾਲ ਕਰਕੇ ਘਟਨਾ ਸਥਾਨ ਤੇ ਬੁਲਾਇਆ ਗਿਆ।
ਪੁਲਿਸ ਨੇ ਦਸਿਆ ਕਿ ਉਨ੍ਹਾਂ ਨੂੰ 67 ਸਾਲਾ ਔਰਤ ਮਿਲੀ, ਜਿਸਨੂੰ ਲੌਰਨ ਐਵੇਨਿਊ ਦੇ 2600 ਬਲਾਕ ‘ਚ ਸਾਈਕਲ ਚਲਾਉਂਦੇ ਸਮੇਂ ਪਿੱਛੇ ਤੋਂ ਵਾਹਨ ਨੇ ਟੱਕਰ ਮਾਰ ਦਿਤੀ ਸੀ। ਉਨ੍ਹਾਂ ਦਸਿਆ ਕਿ ਮੇਡਾਵੀ ਹੈਲਥ ਸਰਵਿਸਿਜ਼ ਵੈਸਟ ਪੈਰਾਮੈਡਿਕਸ ਨੇ ਔਰਤ ਨੂੰ ਗੰਭੀਰ ਜ਼ਖਮੀ ਹਾਲਤ ‘ਚ ਹਸਪਤਾਲ ਪਹੁੰਚਾਇਆ।
ਰਸਤੇ ਨੂੰ ਮੁੜ ਤੋਂ ਖੋਲ ਦਿਤਾ ਗਿਆ ਹੈ। ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ।