ਓਟਾਵਾ : ਓਟਾਵਾ ਦੇ ਪਬਲਿਕ ਹੈਲਥ ਅਧਿਕਾਰੀਆਂ ਨੇ ਕੋਵਿਡ 19 ਦੇ 25 ਹੋਰ ਨਵੇਂ ਕੇਸਾਂ ਦੀ ਪੁਸ਼ਟੀ ਕੀਤੀ ਹੈ। ਜਿਨ੍ਹਾਂ ਵਿੱਚ ਕੁਝ ਸਕੂਲ ਨਾਲ ਜੁੜੇ ਹੋਏ ਹਨ, ਜਦੋਂਕਿ ਆਉਟੌਇਸ (Outaouais) ਵਿੱਚ ਇੱਕ ਨਵੀਂ ਮੌਤ ਦੀ ਪੁਸ਼ਟੀ ਹੋਈ ਹੈ।
ਮਹਾਂਮਾਰੀ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਓਟਾਵਾ ‘ਚ ਕੁਲ ਕੇਸਾਂ ਦੀ ਗਿਣਤੀ 3,098 ਹੋ ਗਈ ਹੈ । ਇਨ੍ਹਾਂ ਮਾਮਲਿਆਂ ਵਿਚੋਂ ਤਕਰੀਬਨ 85 ਪ੍ਰਤੀਸ਼ਤ ਹੱਲ ਕੀਤੇ ਜਾ ਚੁੱਕੇ ਹਨ।
ਓਟਾਵਾ ਪਬਲਿਕ ਹੈਲਥ (ਓਪੀਐਚ) ਦੇ ਅਨੁਸਾਰ, ਸੋਮਵਾਰ ਦੇ ਜ਼ਿਆਦਾਤਰ ਕੇਸ 25 ਚੋਂ 14, 30 ਤੋਂ ਵੱਧ ਉਮਰ ਦੇ ਲੋਕਾਂ ਦੇ ਸਨ।
ਓ.ਪੀ.ਐਚ ਨੇ ਜਾਣਕਾਰੀ ਦਿਤੀ ਕਿ ਇਥੋਂ ਦੇ 5 ਸਕੂਲਾਂ ‘ਚ ਕੋਰੋਨਾ ਵਾਇਰਸ ਦੇ ਮਾਮਲੇ ਸਾਹਮਣੇ ਆਏ ਹਨ। ਫਿਲਹਾਲ ਅਜੇ ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੋਈ ਕਿ ਇਥੇ ਇਹ ਮਾਮਲੇ ਕਿਉਂ ਸਾਹਮਣੇ ਆਏ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਸ ਬਾਰੇ ਜਾਣਕਾਰੀ ਹੈ ਕਿ ਕਿਹੜੇ ਸਕੂਲ ਕੋਰੋਨਾ ਦੀ ਲਪੇਟ ‘ਚ ਆਏ ਹਨ।
ਲੋਰੀਅਰ-ਕੈਰੀਅਰ ਕੈਥੌਲਿਕ ਐਲੀਮੈਂਟਰੀ ਸਕੂਲ, ਸੈਂਟ ਐਨੀ ਕੈਥੋਲਿਕ ਐਲੀਮੈਂਟਰੀ ਸਕੂਲ, ਸੈਂਟ ਫਰੈਂਕੋਇਸ ਐਸੀ ਕੈਥੌਲਿਕ ਐਲੀਮੈਂਟਰੀ ਸਕੂਲ, ਰੋਗਰ ਸੈਂਟ ਡੈਨਿਸ ਕੈਥੋਲਿਕ ਐਲੀਮੈਂਟਰੀ ਸਕੂਲ ਅਤੇ ਕਾਲਜ ਕੈਥੋਲਿਕ ਫਰੈਂਕੋ-ਆਊਸਟ ਹਾਈ ਸਕੂਲ ‘ਚ ਕੋਰੋਨਾ ਵਾਇਰਸ ਦੇ ਕੇਸ ਆਏ ਹਨ। ਉਨ੍ਹਾਂ ਕਿਹਾ ਕਿ ੳਂਟਾਰੀਓ ਪਬਲਿਕ ਹੈਲਥ ਵਿਭਾਗ ਸਕੂਲਾਂ ਦੇ ਪ੍ਰਿੰਸੀਪਲਾਂ ਤੇ ਸਟਾਫ ਦੇ ਸੰਪਰਕ ‘ਚ ਹਨ ਤੇ ਸਕੂਲਾਂ ਬਾਰੇ ਪੂਰੀ ਜਾਣਕਾਰੀ ਰੱਖ ਰਹੇ ਹਨ।