ਬੀ.ਸੀ: ਆਰਸੀਐਮਪੀ ਦਾ ਕਹਿਣਾ ਹੈ ਕਿ ਇਕ ਹਾਈ ਪ੍ਰੋਫਾਈਲ ਸੁਪਰਕਾਰ ਰੈਲੀ ਵਿਚ ਸ਼ਾਮਲ ਇਕ ਲੈਂਬੋਰਗਿਨੀ ਬੀ.ਸੀ. ਦੇ ਸੀ-ਟੂ-ਸਕਾਈ ਹਾਈਵੇ (Sea to Sky highway) ‘ਤੇ ਗੰਭੀਰ ਹਾਦਸੇ ਵਿਚ ਸ਼ਾਮਲ ਵਾਹਨਾਂ ਵਿਚੋਂ ਇਕ ਸੀ। ਇਸ ਹਾਦਸੇ ਦੌਰਾਨ ਦੋ ਬੱਚਿਆਂ ਸਮੇਤ ਛੇ ਲੋਕਾਂ ਨੂੰ ਹਸਪਤਾਲ ‘ਚ ਪਹੁੰਚਾਇਆ ਗਿਆ। ਉਨ੍ਹਾਂ ਕਿਹਾ ਕਿ ਇਹ ਹਾਦਸਾ ਦੁਪਹਿਰ ਦੇ ਕਰੀਬ ਵਿਸਲਰ ਤੋਂ ਸੱਤ ਕਿਲੋਮੀਟਰ ਦੱਖਣ ਵਿਚ ਡੇਜ਼ੀ ਝੀਲ ਦੇ ਨੇੜੇ ਹਾਈਵੇ ਤੇ ਵਾਪਰਿਆ।
ਆਰਸੀਐਮਪੀ ਦਾ ਕਹਿਣਾ ਹੈ ਕਿ ਇੱਕ ਸਿਲਵਰ ਰੰਗ ਦੀ ਲੈਂਬੋਰਗਿਨੀ , ਜੋ ਹੁਬਲੋਤ ਡਾਇਮੰਡ ਰੈਲੀ ( Hublot Diamond Rally) ਦਾ ਹਿੱਸਾ ਸੀ ਅਤੇ ਇੱਕ ਕਾਲੀ ਰੇਂਜ ਰੋਵਰ ਦੋਵੇਂ ਉੱਤਰ ਦੀ ਯਾਤਰਾ ਕਰ ਰਹੇ ਸਨ। ਇਸ ਦੌਰਾਨ ਸੁਪਰਕਾਰ ਨੇ ਆਪਣਾ ਕੰਟਰੋਲ ਗੁਆ ਦਿੱਤਾ ਅਤੇ ਮੀਡੀਅਨ ਨੂੰ ਪਾਰ ਕਰ ਦਿੱਤਾ।
ਪੁਲਿਸ ਨੇ ਕਿਹਾ ਕਿ ਲੈਂਬੋਰਗਿਨੀ ਫਿਰ ਇਕ ਦੱਖਣ-ਪੱਛਮੀ ਟੋਇਟਾ ਨਾਲ ਟਕਰਾ ਗਈ। ਰੇਂਜ ਰੋਵਰ,ਲੈਬੋਂਰਗਿਨੀ ਅਤੇ ਟੋਇਟਾ ਕਾਰਾਂ ਦੀ ਆਪਸ ‘ਚ ਟੱਕਰ ਹੋਣ ਕਾਰਨ ਕਾਫੀ ਸਮੇਂ ਤੱਕ ਰਸਤਾ ਬੰਦ ਰਖਿਆ ਗਿਆ ਅਤੇ ਬਾਅਦ ‘ਚ ਖੋਲ੍ਹ ਦਿਤਾ ਗਿਆ।
ਦਸ ਦਈਏ ਇਹ ਰੈਲੀ ਜੋ ਹਰ ਸਾਲ ਹੁੰਦੀ ਹੈ। ਇਸ ‘ਚ ਦਰਜਨ ਵਾਹਨ ਵੈਨਕੂਵਰ ਅਤੇ ਪੈਮਬਰਟਨ ਵਿਚਾਲੇ ਜਾਂਦੇ ਹਨ ਅਤੇ ਵਾਪਿਸ ਵਿਸਲਰ ਵੱਲ ਜਾਂਦੇ ਹਨ। ਇਹ ਇਕ ਡਾਰਇਵਿੰਗ ਚੈਰਿਟੀ ਰੈਲੀ ਹੈ।
ਪੁਲਿਸ ਨੇ ਕਿਹਾ ਕਿ ਇਹ ਅਜੇ ਸਪਸ਼ਟ ਨਹੀਂ ਹੋ ਸਕਿਆ ਹੈ ਕਿ ਜ਼ਖਮੀ ਬੱਚੇ ਕਿਸ ਵਾਹਨ ਵਿੱਚ ਸਵਾਰ ਸਨ। ਉਨ੍ਹਾਂ ਦੱਸਿਆ ਕਿ ਦੋਵੇਂ ਬੱਚੇ ਸਥਿਰ ਹਾਲਤ ਵਿੱਚ ਹਨ।
ਪੁਲਿਸ ਨੇ ਕਿਹਾ ਹੈ ਕਿ ਮਾਮਲੇ ਦੀ ਜਾਂਚ ਜਾਰੀ ਹੈ। ਸ਼ਨੀਵਾਰ ਨੂੰ ਹਾਈਵੇ ਨੂੰ ਕਰੀਬ 10 ਘੰਟੇ ਲਈ ਬੰਦ ਕਰ ਦਿਤਾ ਹੈ।ਉਨ੍ਹਾਂ ਕਿਹਾ ਕਿ ਜਿਸਨੇ ਵੀ ਕ੍ਰੈਸ਼ ਹੁੰਦੇ ਦੇਖਿਆ ਹੈ ਤਾਂ ਉਹ ਵਿਸਲਰ ਆਰ.ਸੀ.ਐਮ ਪੀ ਨਾਲ ਸਪੰਰਕ ਕਰਨ।
