ਬੈਰੂਤ ‘ਚ ਹੋਏ ਜ਼ਬਰਦਸਤ ਧਮਾਕਿਆਂ ਤੋਂ ਬਾਅਦ ਕੈਨੇਡਾ ਮਦਦ ਲਈ ਆਇਆ ਅੱਗੇ
ਕੈਨਡਾ ਵਲੋੱ ਲੇਬਨਾਨ ਨੂੰ 5 ਮਿਲੀਅਨ ਡਾਲਰ ਦੀ ਸਹਾਇਤਾ ਦਾ ਐਲਾਨ
ਲੈਬਨਾਨ ਨੂੰ ਹਰ ਸੰਭਵ ਮਦਦ ਦਾ ਦਿੱਤਾ ਭਰੋਸਾ
ਕੈਨੇਡਾ ਦੇ ਵਿਦੇਸ਼ ਮੰਤਰੀ ਫ੍ਰਾਂਸਕੋਇਸ – ਫਿਲਿਪ ਸ਼ੈਂਪੇਨ ਨੇ ਕੀਤਾ ਐਲਾਨ
ਬੀਤੇ ਦਿਨ ਬੈਰੂਤ ‘ਚ ਹੋਏ ਧਮਾਕਿਆਂ ਕਾਰਨ 100 ਤੋਂ ਵੱਧ ਲੋਕਾਂ ਦੀ ਗਈ ਜਾਨ
ਮ੍ਰਿਤਕਾਂ ਵਿੱਚ ਕੈਨੇਡੀਅਨ ਨਾਗਰਿਕ ਵੀ ਸ਼ਾਮਲ
ਓਟਾਵਾ : ਬੀਤੇ ਦਿਨ ਲੈਬਨਾਨ ਦੀ ਰਾਜਧਾਨੀ ਬੇਰੂਤ ਵਿਚ ਹੋਏ ਜ਼ਬਰਦਸਤ ਬੰਬ ਧਮਾਕਿਆਂ ਵਿਚ ਸੈਂਕੜੇ ਲੋਕਾਂ ਦੀ ਜਾਨ ਚਲੀ ਗਈ ਜਦੋਂ ਕਿ ਹਜ਼ਾਰਾਂ ਫੱਟੜ ਹੋਏ ਨੇ । ਇਹਨਾਂ ਵਿਚ ਵੱਡੀ ਗਿਣਤੀ ਕੈਨੇਡਾ ਦੇ ਨਾਗਰਿਕ ਵੀ ਹਨ।
ਘਟਨਾ ਤੋਂ ਬਾਅਦ ਹਰ ਪਾਸੇ ਰੋਸ ਦੀ ਲਹਿਰ ਹੈ । ਕੈਨੇਡਾ ਦੇ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਦਾ ਕਹਿਣਾ ਹੈ ਕਿ ਮੰਗਲਵਾਰ ਨੂੰ ਹੋਏ ਧਮਾਕਿਆਂ ਤੋਂ ਬਾਅਦ ਕੈਨੇਡਾ ਲੇਬਨਾਨ ਨੂੰ 5 ਮਿਲੀਅਨ ਡਾਲਰ ਮੁਹੱਈਆ ਕਰਵਾਏਗਾ।
ਬੁੱਧਵਾਰ ਸ਼ਾਮ ਨੂੰ ਇਸ ਸਬੰਧ ਵਿੱਚ ਐਲਾਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਅਸੀਂ ਲੈ ਬਨਾਨਾ ਪੂਰੀ ਹਮਦਰਦੀ ਰੱਖਦੇ ਹਾਂ ਸੰਕਟ ਦੀ ਇਸ ਘੜੀ ਵਿਚ ਅਸੀਂ ਉਹਨਾਂ ਦੇ ਨਾਲ ਹਾਂ । ਇੱਕ ਟਵੀਟ ਵਿੱਚ ਫ੍ਰਾਂਸਕੋਇਸ – ਫਿਲਿਪ ਸ਼ੈਂਪੇਨ ਨੇ ਕਿਹਾ ਕਿ ਕੈਨੇਡਾ “ਲੇਬਨਾਨ ਦੇ ਲੋਕਾਂ ਲਈ ਸ਼ੁਰੂਆਤੀ 5 ਮਿਲੀਅਨ ਡਾਲਰ ਦੀ ਮਨੁੱਖੀ ਸਹਾਇਤਾ ਪ੍ਰਦਾਨ ਕਰ ਰਿਹਾ ਹੈ।”
Following the tragic #BeirutExplosion, 🇨🇦 is providing an initial $5M in humanitarian assist. for the people of #Lebanon. $1.5M will go immediately to partners incl. @redcrossLebanon, via @redcrosscanada, to help meet urgent needs, like food, shelter & emergency medical services. pic.twitter.com/JKMvfvTlA1
— François-Philippe Champagne (FPC) 🇨🇦 (@FP_Champagne) August 5, 2020
ਸ਼ੈਂਪੇਨ ਨੇ ਕਿਹਾ ਕਿ ਲੇਬਨਾਨ ਰੈਡ ਕਰਾਸ ਨੂੰ ਭੋਜਨ, ਪਨਾਹ ਅਤੇ ਐਮਰਜੈਂਸੀ ਡਾਕਟਰੀ ਸੇਵਾਵਾਂ ਵਰਗੀਆਂ ਜ਼ਰੂਰੀ ਜ਼ਰੂਰਤਾਂ ਪੂਰੀਆਂ ਕਰਨ ਲਈ 1.5 ਮਿਲੀਅਨ ਡਾਲਰ ਦਿੱਤੇ ਜਾਣਗੇ। ਸ਼ੈਂਪੇਨ ਅਨੁਸਾਰ,’ਕੈਨੇਡਾ ਸਥਿਤੀ ਉੱਤੇ ਨੇੜਿਓਂ ਨਜ਼ਰ ਰੱਖਦਾ ਰਹੇਗਾ ਅਤੇ ਢੁਕਵੇਂ ਤੌਰ ‘ਤੇ ਵਾਧੂ ਸਹਾਇਤਾ ਪ੍ਰਦਾਨ ਕਰੇਗਾ।’
We will continue to monitor the situation on the ground closely. We stand ready to provide additional assistance, as appropriate.
🇨🇦 stands with the people of Lebanon in this harrowing time, which I reaffirmed to my counterpart Charbel Wehbe during our call today.@karinagould
— François-Philippe Champagne (FPC) 🇨🇦 (@FP_Champagne) August 5, 2020
ਹੁਣ ਇਸ ਪੂਰੇ ਮਾਮਲੇ ਦੇ ਸਬੰਧ ਵਿੱਚ ਲੈਬਨਾਨ ਦੇ ਵਿਦੇਸ਼ ਮੰਤਰੀ ਨਾਲ ਸੰਪਰਕ ਵਿਚ ਹੋਣ ਦੀ ਗੱਲ ਆਖੀ ।
ਦੱਸਣਯੋਗ ਹੈ ਕਿ ਬੀਤੇ ਦਿਨ ਲੇਬਨਾਨ ਦੀ ਰਾਜਧਾਨੀ ਬੇਰੂਤ ਵਿਚ ਹੋਏ ਜ਼ਬਰਦਸਤ ਧਮਾਕਿਆਂ ਕਾਰਨ 100 ਤੋਂ ਵੱਧ ਲੋਕਾਂ ਦੀ ਜਾਨ ਚਲੀ ਗਈ, ਜਦੋਂ ਕਿ ਹਜ਼ਾਰਾਂ ਹੋਰ ਫੱਟੜ ਹੋਏ ਨੇ । ਧਮਾਕੇ ਬੇਰੂਤ ਦੀ ਬੰਦਰਗਾਹ ਅਤੇ ਕੇਂਦਰੀ ਜ਼ਿਲੇ ਦੇ ਨੇੜੇ ਹੋਏ ਸਨ । ਇਸ ਮੰਦਭਾਗੀ ਘਟਨਾ ਵਿਚ ਕੈਨੇਡਾ ਦੇ ਕਈ ਨਾਗਰਿਕਾਂ ਦੇ ਮਾਰੇ ਜਾਣ ਦੀ ਪੁਸ਼ਟੀ ਹੋਈ ਹੈ।