ਨਵੇਂ ਸਾਲ ਵਾਲੇ ਦਿਨ ਇਕ ਡਾਉਨਟਾਉਨ ਰੈਸਟਰੋਰੈਂਟ ‘ਚ ਕੋਵਿਡ 19 ਦੀ ਉਲੰਘਣਾ ਕਰਨ ਦੇ ਦੋਸ਼ ‘ਚ ਭਾਰੀ ਜ਼ੁਰਮਾਨਾ ਲਗਾਇਆ ਗਿਆ ਹੈ। ਵੈਨਕੂਵਰ ਪੁਲਿਸ ਵਿਭਾਗ ਨੇ 1 ਜਨਵਰੀ ਨੂੰ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਇੱਕ ਰੈਸਟੋਰੈਂਟ ਨੂੰ ਰਾਤ 11 ਵਜੇ ਇੱਕ ਵੱਡੀ, ਨਿਜੀ ਪਾਰਟੀ ਦੀ ਮੇਜ਼ਬਾਨੀ ਕਰਨ ਲਈ 2,300 ਡਾਲਰ ਦਾ ਜ਼ੁਰਮਾਨਾ ਲਗਾਇਆ ਗਿਆ ਹੈ। ਪੁਲਿਸ ਅਨੁਸਾਰ ਪਾਰਟੀ ‘ਚ ਲਗਭਗ 100 ਲੋਕ ਮੌਜੂਦ ਸਨ। ਉਥੇ ਖਾਣਾ ਅਤੇ ਸ਼ਰਾਬ ਦਿਤੀ ਜਾ ਰਹੀ ਸੀ। ਉਸ ਰਾਤ ਸ਼ਰਾਬ ਪੀਣ ਲਈ ਕਟੌਫ
ਰਾਤ 8 ਵਜੇ ਸੀ ਅਤੇ ਸਾਰੇ ਰੈਸਟੋਰੈਂਟਾਂ ਨੂੰ 10 ਵਜੇ ਤੱਕ ਬੰਦ ਕਰਨ ਦਾ ਆਦੇਸ਼ ਦਿੱਤਾ ਗਿਆ ਸੀ।
ਕੋਲਡ ਟੀ ਰੈਸਟੋਰੈਂਟ ਲਈ ਬੋਲਣ ਵਾਲੀ ਮੈਡੇਲੇਨ ਪਾਸੀਨੀ ਨੇ ਇੱਕ ਈਮੇਲ ਵਿੱਚ ਲਿਖਿਆ ਕਿ ਇਥੇ 38 ਲੋਕ ਸਨ, ਉਹ ਸਮਾਜਿਕ ਤੌਰ ‘ਤੇ ਦੂਰੀਆਂ ਤੇ ਟੇਬਲ ਤੇ ਬੈਠੇ ਸਨ। “ਬਦਕਿਸਮਤੀ ਨਾਲ ਜਦੋਂ ਪੁਲਿਸ ਨੇ ਪਿਛਲੇ ਦਰਵਾਜ਼ੇ ਰਾਹੀਂ ਰੈਸਟੋਰੈਂਟ ਵਿਚ ਐਂਟਰੀ ਕੀਤੀ ਤਾਂ ਆਪਟਿਕਸ ਚੰਗੇ ਨਹੀਂ ਸਨ, ਕਿਉਂਕਿ ਸਮੂਹ ਇਕਠੇ ਹੋਏ, ਮਾਸਕ ਰਹਿਤ ਤਸਵੀਰਾਂ ਖਿੱਚ ਰਹੇ ਸਨ। ਉਸਨੇ ਇਹ ਵੀ ਕਿਹਾ ਕਿ ਮਿਹਮਾਨ ਜਾਣ ਦੀ ਤਿਆਰੀ ‘ਚ ਸਨ ਅਤੇ ਉਸ ਸਮੇਂ 10 ਵਜੇ ਸਨ। ਉਸਨੇ ਕਿਹਾ ਕਿ ਜੁਰਮਾਨਾ ਦੀਆਂ ਖ਼ਬਰਾਂ ਤੋਂ ਬਾਅਦ ਕੋਲਡ ਟੀ ਰੈਸਟੋਰੈਂਟ ਦੀ ਭੰਨਤੋੜ ਕੀਤੀ ਗਈ ਹੈ।
ਸੀਐਸਟੀ ਤਾਨੀਆ ਵਿਸਟੀਨ ਨੇ ਈਮੇਲ ‘ਚ ਲਿਖਿਆ ਕਿ ਵੀਪੀਡੀ ਅਧਿਕਾਰੀ ਗੈਰਕਾਨੂੰਨੀ ਇਕੱਠ ਹੋਣ ਦੀ ਸ਼ਿਕਾਇਤ ਦੇ ਜਵਾਬ ਵਿਚ ਉਥੇ ਗਏ ਸਨ, ਅਤੇ ਉਨ੍ਹਾਂ ਦੀ ਜਾਂਚ ਦੇ ਅਧਾਰ ‘ਤੇ ਪਬਲਿਕ ਹੈਲਥ ਆਰਡਰ ਦੇ ਤਹਿਤ 2,300 ਡਾਲਰ ਦੀ ਟਿਕਟ ਜਾਰੀ ਕੀਤੀ ਗਈ ਸੀ। ਉਥੇ ਇੱਕ ਪ੍ਰਾਈਵੇਟ ਪਾਰਟੀ ਹੁੰਦੀ ਹੋਈ ਦਿਖਾਈ ਦਿੱਤੀ। ਮਿਉਜ਼ਿਕ ਵੀ ਚਲ ਰਿਹਾ ਸੀ , ਲੋਕ ਬਿਨਾਂ ਕਿਸੇ ਸਮਾਜਕ ਦੂਰੀ ਦੇ ਇਧਰ-ਉਧਰ ਘੁੰਮ ਰਹੇ ਸਨ, ਸ਼ਰਾਬ ਅਤੇ ਭੋਜਨ ਨੂੰ ਪਰੋਸਿਆ ਜਾ ਰਿਹਾ ਸੀ।