ਕਿਊਬਿਕ ਸੂਬੇ ਵੱਲੋਂ ਇਕ ਵਾਰ ਮੁੜ ਤੋਂ ਤਾਲਾਬੰਦੀ ਦੀ ਤਿਆਰੀ ਕਰ ਲਈ ਗਈ ਹੈ। ਕਿਊਬਿਕ ਕ੍ਰਿਸਮਿਸ ਡੇਅ ਤੋਂ ਬਾਅਦ ਦੋ ਹਫ਼ਤਿਆਂ ਲਈ ਗੈਰ ਜ਼ਰੂਰੀ ਕਾਰੋਬਾਰ ਬੰਦ ਕਰ ਦੇਵੇਗਾ, ਜਿਸ ਦਾ ਉਦੇਸ਼ ਕੋਵਿਡ ਦੀ ਰਫ਼ਤਾਰ ਨੂੰ ਘੱਟ ਕਰਨਾ ਹੈ ।
ਕੋਵਿਡ -19 ਕੇਸਾਂ ਅਤੇ ਹਸਪਤਾਲਾਂ ਵਿੱਚ ਹੋ ਰਹੇ ਕੋਰੋਨਾ ਪ੍ਰਭਾਵਿਤਾਂ ਦੇ ਦਾਖਲੇ ਨੇ ਸਰਕਾਰ ਨੂੰ ਹੁਣ ਵੀ ਚਿੰਤਾ ਵਿਚ ਰੱਖਿਆ ਹੋਇਆ ਹੈ । ਉਧਰ ਕੋਰੋਨਾ ਵੈਕਸੀਨ ਦੇ ਵੰਡੇ ਜਾਣ ਤੋਂ ਬਾਅਦ ਮੰਨਿਆ ਜਾ ਰਿਹਾ ਹੈ ਕਿ ਕੁਝ ਸੂਬਿਆਂ ਵਿਚ ਸਿਲਸਿਲੇਵਾਰ ਤਾਲਾਬੰਦੀ ਕਰਕੇ ਕੋਰੋਨਾ ਦੀ ਰਫਤਾਰ ਨੂੰ ਹੌਲੀ ਕਰਨ ਦੀ ਕੋਸ਼ਿਸ਼ ਸਭ ਤੋਂ ਵੱਡੀ ਪਹਿਲ ਹੋਵੇਗੀ । ਇਹ ਉਪਾਅ ਜਨਤਕ ਸਿਹਤ ਦੇ ਕਈ ਨਵੇਂ ਆਦੇਸ਼ਾਂ ਵਿਚੋਂ ਇਕ ਸੀ ਜੋ ਪ੍ਰੀਮੀਅਰ ਫ੍ਰਾਂਸੋ ਲੇਗੌਲਟ ਨੇ ਮੰਗਲਵਾਰ ਦੀ ਸ਼ਾਮ ਨੂੰ ਘੋਸ਼ਿਤ ਕੀਤਾ । ਦੇਸ਼ ਦੇ ਦੋ ਸਭ ਤੋਂ ਵੱਧ ਪ੍ਰਭਾਵਿਤ ਸੂਬਿਆਂ ਵਿਚ ਫਾਈਜ਼ਰ-ਬਾਇਓਨਟੈਕ ਕੋਵੀਡ -19 ਟੀਕਾ ਲਗਵਾਉਣ ਦੇ ਇਕ ਦਿਨ ਬਾਅਦ ਮੰਗਲਵਾਰ ਦੀ ਸ਼ਾਮ ਨੂੰ ਇਹ ਐਲਾਨ ਕੀਤਾ ਗਿਆ ।
ਉਧਰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਇਹ ਵੀ ਜ਼ਾਹਰ ਕੀਤਾ ਗਿਆ ਕਿ ਦਸੰਬਰ ਦੇ ਅੰਤ ਤੱਕ ਕੈਨੇਡਾ ਨੂੰ ਮੋਡੇਰਨਾ ਟੀਕੇ ਦੀਆਂ 168,000 ਖੁਰਾਕਾਂ ਮਿਲਣ ਦੀ ਉਮੀਦ ਹੈ।
ਕਿਊਬੈਕ ਵਿੱਚ ਨਵੀਆਂ ਪਾਬੰਦੀਆਂ ਵਿੱਚ 17 ਦਸੰਬਰ ਤੋਂ 11 ਜਨਵਰੀ ਤੱਕ ਲਾਗੂ ਰਹਿਣਗੀਆਂ । ਐਲੀਮੈਂਟਰੀ ਸਕੂਲ 4 ਜਨਵਰੀ ਨੂੰ ਮੂਲ ਰੂਪ ਵਿੱਚ ਯੋਜਨਾ ਅਨੁਸਾਰ ਦੁਬਾਰਾ ਨਹੀਂ ਖੁੱਲ੍ਹਣਗੇ । ਲੇਗਲਟ ਨੇ ਕਿਹਾ ਕਿ ਸਕੂਲ ਵਿਦਿਆਰਥੀਆਂ ਨੂੰ ਅਧਿਆਪਕ ਆਨਲਾਈਨ ਹੋਮਵਰਕ ਦੇਣਗੇ । ਸਾਰੇ ਵਿਦਿਆਰਥੀ, ਐਲੀਮੈਂਟਰੀ ਅਤੇ ਹਾਈ ਸਕੂਲ ਦੇ, 11 ਜਨਵਰੀ ਦੀ ਕਲਾਸ ਵਿਚ ਵਾਪਸ ਆਉਣੇ ਚਾਹੀਦੇ ਹਨ।
ਇਸ ਦੇ ਨਾਲ ਹੀ 17 ਦਸੰਬਰ ਅਤੇ 11 ਜਨਵਰੀ ਦੇ ਦਰਮਿਆਨ, ਸੂਬੇ ਦੇ ਪੀਲੇ ਜ਼ੋਨ ਨੂੰ ਸੰਤਰੀ ਅਤੇ ਸੰਤਰੀ ਜੋਨ ਨੂੰ ਲਾਲ ਵਿੱਚ ਉੱਚਾ ਕੀਤਾ ਜਾਏਗਾ । ਇਹ ਸਭ ਤੋਂ ਉੱਚ ਚੇਤਾਵਨੀ ਪੱਧਰ ਹੈ, ਜਿਸਦਾ ਅਰਥ ਹੈ ਕਿ ਰੈਸਟੋਰੈਂਟ ਦੇ ਖਾਣੇ ਦੇ ਕਮਰੇ, ਜਿੰਮ, ਅਜਾਇਬ ਘਰ ਅਤੇ ਥੀਏਟਰਾਂ ‘ਤੇ ਸਖਤ ਪਾਬੰਦੀਆਂ ਲਾਗੂ ਹੋਣਗੀਆਂ ।
Après des discussions avec les responsables de la santé publique, je vous annonce qu’on va faire une pause du temps des fêtes jusqu’au 11 janvier.
On va pouvoir profiter du ralentissement des fêtes pour casser la 2e vague.
Voici les détails de l’annonce d’aujourd’hui : pic.twitter.com/ChSXbkuMsy
— François Legault (@francoislegault) December 15, 2020