ਕੁਈਨ ਐਲਿਜ਼ਾਬੈਥ ਪਾਰਕ ਨੇੜੇ ਇੱਕ ਘਰ ਵਿੱਚ 78 ਸਾਲਾ ਔਰਤ ਊਸ਼ਾ ਸਿੰਘ ‘ਤੇ ਜਾਨਲੇਵਾ ਹਮਲਾ ਕਰਨ ਦੇ ਦੋਸ਼ ‘ਚ 2 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਬੀਤੇ ਐਤਵਾਰ ਨੂੰ ਦੋ ਵਿਅਕਤੀ ਜ਼ਬਰੀ ਉਨ੍ਹਾਂ ਦੇ ਘਰ ਵਿੱਚ ਦਾਖ਼ਲ ਹੋ ਗਏ ਅਤੇ ਉਨ੍ਹਾਂ ਨੇ ਊਸ਼ਾ ਸਿੰਘ ’ਤੇ ਹਮਲਾ ਕਰ ਦਿੱਤਾ। ਗੰਭੀਰ ਜ਼ਖਮੀ ਹਾਲਤ ਵਿੱਚ ਉਸ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ, ਜਿੱਥੇ ਉਸਦੀ ਮੌਤ ਹੋ ਗਈ।
ਵੀਪੀਡੀ Sgt. Steve Addison ਨੇ ਕਿਹਾ ਕਿ ਇਹ ਇੱਕ ਦੁਖਦਾਈ ਅਤੇ ਬੇਵਕੂਫੀ ਭਰਿਆ ਜੁਰਮ ਸੀ ਜਿਸਦੀ ਵਜ੍ਹਾ ਨਾਲ ਇੱਕ ਮਾਸੂਮ ਔਰਤ ਦੀ ਜਾਨ ਚਲੀ ਗਈ, ਅਤੇ ਭਾਈਚਾਰੇ ਵਿੱਚ ਡਰ ਅਤੇ ਚਿੰਤਾ ਫੈਲ ਗਈ। ਇਸ ਮਾਮਲੇ ਵਿੱਚ ਵੈਨਕੁਵਰ ਪੁਲਿਸ ਨੇ 41 ਸਾਲਾ ਪਾਸਕਲ ਬੌਥੀਲੈਟ ਅਤੇ 47 ਸਾਲਾ ਸੈਂਡੀ ਪੈਰਸੀਅਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਜਿਨ੍ਹਾਂ ’ਚੋਂ ਪਾਸਕਲ ’ਤੇ ਸੈਕਿੰਡ ਡਿਗਰੀ ਮਰਡਰ ਅਤੇ ਸੈਂਡੀ ਪੈਰਸੀਅਨ ’ਤੇ ਕਤਲ ਦੇ ਦੋਸ਼ ਲਗਾਏ ਗਏ ਹਨ।
#VPDNews: Vancouver Police have arrested two suspects in the violent west-side home invasion of an elderly woman on Sunday. https://t.co/EwxkiWztV3 pic.twitter.com/1nv1rBtYcn
— Vancouver Police (@VancouverPD) February 3, 2021
ਪੁਲਿਸ ਅਜੇ ਵੀ ਸਬੂਤ ਇਕੱਠੇ ਕਰ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਜੇਕਰ ਕਿਸੇ ਵੀ ਵਿਅਕਤੀ ਨੂੰ ਹਮਲੇ ਬਾਰੇ ਜਾਣਕਾਰੀ ਹੋਵੇ ਤਾਂ ਉਹ 604-717-2500 ‘ਤੇ ਮੇਜਰ ਕ੍ਰਾਈਮ ਯੂਨਿਟ ਜਾਂ ਕ੍ਰਾਈਮ ਸਟਾਪਰਜ਼ ਨੂੰ 1-800-222-8477’ ਤੇ ਸਪੰਰਕ ਕਰਨ।
