ਕੈਨੇਡਾ ਵਿਚ 792 ਨਵੇਂ ਕੋਰੋਨਾਵਾਇਰਸ ਸੰਕਰਮਣ ਦੇ ਮਾਮਲੇ
ਆਲਮੀ ਮਾਮਲੇ 30 ਮਿਲੀਅਨ ਦੇ ਨੇੜੇ ਪੁੱਜੇ
ਲਗਾਤਾਰ ਵਧ ਰਹੀ ਹੈ ਪਰ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ
ਓਟਾਵਾ : ਕੈਨੇਡਾ ਨੇ ਮੰਗਲਵਾਰ ਨੂੰ 792 ਨਵੇਂ ਨਾਵਲ ਕੋਰੋਨਾਵਾਇਰਸ ਦੀ ਲਾਗ ਦੇ ਮਾਮਲੇ ਦਰਜ ਕੀਤੇ ਗਏ । ਜਿਸ ਨਾਲ ਕੋਰੋਨਾ ਪ੍ਰਭਾਵਿਤਾਂ ਦੀ ਦੇਸ਼ ਦੀ ਕੁਲ ਕੇਸ ਗਿਣਤੀ 138,695 ਹੋ ਗਈ। ਸੂਬਾਈ ਸਿਹਤ ਅਥਾਰਟੀਆਂ ਨੇ ਇਹ ਵੀ ਕਿਹਾ ਸੀ ਕਿ ਕੋਵਿਡ-19 ਨਾਲ ਸਬੰਧਤ ਨੌਂ ਨਵੀਂਆਂ ਮੌਤਾਂ ਹੋਈਆਂ ਹਨ। ਨਵੀਂਆਂ ਮੌਤਾਂ ਕੈਨੇਡਾ ਦੀ ਮੌਤ ਦੀ ਕੁੱਲ ਗਿਣਤੀ 9,188 ਹੋ ਗਈ ਹੈ।
ਓਨਟਾਰੀਓ ਵਿੱਚ ਮੰਗਲਵਾਰ ਨੂੰ ਵਾਇਰਸ ਦੇ 251 ਨਵੇਂ ਕੇਸ ਸਾਹਮਣੇ ਆਏ ਅਤੇ ਸੂਬੇ ਦੇ ਸਿਹਤ ਅਧਿਕਾਰੀਆਂ ਨੇ ਫ਼ਿਲਹਾਲ ਸਥਿਤੀ ਨੂੰ ਕਾਬੂ ਹੇਠ ਦੱਸਿਆ ਹੈ । ਮਹਾਂਮਾਰੀ ਦੀ ਸ਼ੁਰੂਆਤ ਹੋਣ ਤੋਂ ਬਾਅਦ, ਕੋਵਿਡ-19 ਦੇ ਪ੍ਰਭਾਵਿਤ 40,091 ਠੀਕ ਹੋ ਗਏ ਹਨ, ਅਤੇ ਸੂਬੇ ਵਿਚ ਵਾਇਰਸ ਦੇ 3,369,802 ਟੈਸਟ ਕਰਵਾਏ ਗਏ ਹਨ।
ਕਿਊਬਿਕ ਵਿੱਚ, 292 ਨਵੇਂ ਸੰਕਰਮਣ ਲੱਭੇ ਗਏ, ਇਸ ਨਾਲ ਪ੍ਰਾਂਤ ਦੀ ਕੁੱਲ ਗਿਣਤੀ 65,554 ਹੋ ਗਈ। ਸਿਹਤ ਅਧਿਕਾਰੀਆਂ ਨੇ ਪੰਜ ਮੌਤਾਂ ਦੀ ਖਬਰ ਦਿੱਤੀ ਹੈ ।
ਕੈਨੇਡਾ ਦੀ ਸਿਹਤ ਅਧਿਕਾਰੀ ਡਾਕਟਰ ਥੈਰੇਸਾ ਟਾਮ ਅਨੁਸਾਰ ਹੁਣ ਤੱਕ 57,428 ਬਿਮਾਰ ਪੈਣ ਤੋਂ ਬਾਅਦ ਠੀਕ ਹੋ ਚੁੱਕੇ ਹਨ ਅਤੇ ਕਿਊਬਿਕ ਵਿੱਚ 1,932,847 ਟੈਸਟ ਕਰਵਾਏ ਗਏ ਹਨ। ਬਰੱਨਸਵਿਕ ਵਿਚ, ਕੋਵਿਡ -19 ਦੇ ਕੋਈ ਨਵੇਂ ਕੇਸ ਸਾਹਮਣੇ ਨਹੀਂ ਆਏ ।
