ਸ਼ਾਰਲਟਨ/ਟੋਰਾਂਟੋ: ਕੈਨੇਡਾ ਦੇ ਕੁਝ ਸੂਬਿਆਂ ‘ਚ ਕੋਰੋਨਾ ਦੇ ਮਾਮਲੇ ਅਚਾਨਕ ਵਧਣ ਕਾਰਨ ਸਖ਼ਤ ਅਹਿਤਿਆਤੀ ਕਦਮ ਚੁੱਕੇ ਜਾ ਰਹੇ ਹਨ। ਪ੍ਰਿੰਸ ਐਡਵਰਡ ਟਾਪੂ ਵਿਖੇ ਬੀਤੇ ਪੰਜ ਦਿਨਾਂ ਦੌਰਾਨ ਕੋਰੋਨਾ ਦੇ 17 ਮਾਮਲੇ ਪਾਏ ਗਏ। ਲਗਾਤਾਰ ਸਾਹਮਣੇ ਆ ਰਹੇ ਮਾਮਲਿਆਂ ਤੋਂ ਬਾਅਦ ਪ੍ਰਸ਼ਾਸਨ ਨੇ ਇਥੇ ਅਗਲੇ ਤਿੰਨ ਦਿਨਾਂ ਲਈ ਤਾਲਾਬੰਦੀ ਦਾ ਐਲਾਨ ਕਰ ਦਿੱਤਾ ਹੈ। ਤਾਲਾਬੰਦੀ ਸਬੰਧੀ ਫੈਸਲੇ ਦਾ ਐਤਵਾਰ ਦੁਪਹਿਰ ਸਮੇਂ ਐਲਾਨ ਕੀਤਾ ਗਿਆ।
Over the next 72 hours, we have asked Islanders to hunker down as we continue to navigate this current outbreak in #PEI
Please, if you have any symptoms at all – get tested. Continue to follow public health guidelines
We will get through this together. pic.twitter.com/snUeEvbaOz
— Dennis King (@dennyking) March 1, 2021
ਸਿਹਤ ਅਧਿਕਾਰੀਆਂ ਨੇ ਸਮਰਸਾਈਡ ਅਤੇ ਸ਼ਾਰਲਟਨ ਵਿਖੇ ਕੋਵਿਡ-19 ਦੇ ਦੋ ਕਲਸਟਰਾਂ ਦੀ ਪਛਾਣ ਕਰ ਲਏ ਜਾਣ ਤੋਂ ਬਾਅਦ ਕਿਹਾ ਕਿ ਇਹਨਾਂ ਥਾਵਾਂ ਤੋਂ ਵਾਇਰਸ ਅੱਗੇ ਕਮਿਊਨਿਟੀ ਵਿਚ ਫੈਲਣ ਦਾ ਖ਼ਦਸ਼ਾ ਹੈ ਇਸ ਲਈ ਅਹਿਤਿਆਤੀ ਕਦਮ ਚੁੱਕਦੇ ਹੋਏ ਤਾਲਾਬੰਦੀ ਦਾ ਫ਼ੈਸਲਾ ਲਿਆ ਗਿਆ ਹੈ। ਉਹਨਾਂ ਕਿਹਾ ਕਿ ਲਾਗਾਂ ਨੂੰ ਸਿਰਫ ਯਾਤਰਾ ਨਾਲ ਨਹੀਂ ਜੋੜਿਆ ਜਾ ਸਕਦਾ।
ਉਧਰ ਓਂਂਟਾਰੀਓ ਵਿੱਚ ਕੋਰੋਨਾ ਪ੍ਰਭਾਵਿਤਾਂ ਦਾ ਅੰਕੜਾ 3 ਲੱਖ ਤੋਂ ਪਾਰ ਪਹੁੰਚ ਗਿਆ। ਓਂਟਾਰੀਓ ਵਿਚ ਐਤਵਾਰ ਨੂੰ 1,062 ਨਵੇਂ ਕੇਸ ਦਰਜ ਕੀਤੇ ਗਏ। 20 ਹੋਰ ਮੌਤਾਂ ਦੀ ਰਿਪੋਰਟ ਤੋਂ ਬਾਅਦ ਐਤਵਾਰ ਨੂੰ ਕੁੱਲ ਕੇਸਾਂ ਦੀ ਗਿਣਤੀ 3,00,000 ਦੇ ਅੰਕੜੇ ਨੂੰ ਪਾਰ ਕਰ ਗਈ। ਐਤਵਾਰ ਤੱਕ ਇਹ ਅੰਕੜਾ 3 ਲੱਖ 816 ਤਕ ਜਾ ਪਹੁੰਚਿਆ। ਓਂਂਟਾਰੀਓ ਵਿੱਚ ਕੋਰੋਨਾ ਕਾਰਨ ਜਾਨ ਗੁਆਉਣ ਵਾਲਿਆਂ ਦੀ ਗਿਣਤੀ 6980 ਤੱਕ ਪਹੁੰਚ ਗਈ।
Based on recent trends, Ontario is moving 9 #PublicHealth regions to new levels in the #COVID19 Response Framework.
The actions of everyone over the coming weeks will be critical to maintaining the progress we have made.
Learn more:https://t.co/7it0gMm0Zw pic.twitter.com/WzIDTuo2Wr
— Doug Ford (@fordnation) February 27, 2021
ਅਲਬਰਟਾ ਵਿੱਚ ਐਤਵਾਰ ਨੂੰ COVID-19 ਦੇ 301 ਨਵੇਂ ਮਾਮਲੇ ਸਾਹਮਣੇ ਆਏ। ਇੱਥੇ ਤਿੰਨ ਲੋਕਾਂ ਦੀ ਜਾਨ ਚਲੀ ਗਈ।
ਸਸਕੈਚਵਨ ਨੇ 141 ਨਵੇਂ ਕੇਸਾਂ ਦੀ ਪੁਸ਼ਟੀ ਕੀਤੀ ਪਰ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ।
ਮੈਨੀਟੋਬਾ ਵਿਚ 50 ਨਵੇਂ ਕੇਸ ਦਰਜ ਕੀਤੇ ਗਏ ਅਤੇ ਦੋ ਹੋਰ ਮੌਤਾਂ ਦੀ ਖਬਰ ਹੈ। ਮੈਨੀਟੋਬਾ ਵਿੱਚ ਕੋਰੋਨਾ ਦੇ ਮਾਮਲੇ ਵਿਚ ਆਈ ਲਗਾਤਾਰ ਗਿਰਾਵਟ ਦੇ ਨਾਲ ਸੂਬਾਈ ਸਰਕਾਰ COVID-19 ਪਾਬੰਦੀਆਂ ‘ਚ ਨਰਮੀ ਲਿਆਉਣ ‘ਤੇ ਵਿਚਾਰ ਕਰ ਰਹੀ ਹੈ ।
