ਓਟਾਵਾ : ਕੈਨੇਡਾ ਵਿੱਚ ਕੋਰੋਨਾ ਵਾਇਰਸ ਦੀ ਲਹਿਰ ਹੁਣ ਲਗਾਤਾਰ ਜ਼ੋਰ ਫੜਦੀ ਜਾ ਰਹੀ ਹੈ। ਕੈਨੇਡਾ ਵਿੱਚ ਮੰਗਲਵਾਰ ਨੂੰ ਨਾਵਲ ਕੋਰੋਨਾਵਾਇਰਸ ਦੇ 1,241 ਨਵੇਂ ਕੇਸ ਸ਼ਾਮਲ ਕੀਤੇ ਗਏ । ਜਿਸ ਦੇ ਸਿੱਧੇ ਤੌਰ ‘ਤੇ ਚੌਥੇ ਦਿਨ ਦੇਸ਼’ ਚ ਰੋਜ਼ਾਨਾ 1000 ਤੋਂ ਜ਼ਿਆਦਾ ਦਾ ਵਾਧਾ ਹੋਇਆ ਹੈ। ਨਵੀਆਂ ਲਾਗਾਂ ਨਾਲ ਕੈਨੇਡਾ ਦੀ ਕੁੱਲ ਕੇਸ ਗਿਣਤੀ 146,527 ਹੋ ਗਈ ਹੈ । ਸੂਬਾਈ ਸਿਹਤ ਅਥਾਰਟੀਆਂ ਨੇ ਇਹ ਵੀ ਕਿਹਾ ਕਿ ਕੋਵਿਡ-19 ਨਾਲ ਛੇ ਹੋਰ ਲੋਕਾਂ ਦੀ ਮੌਤ ਹੋ ਗਈ ਹੈ। ਦੇਸ਼ ਦੀ ਮੌਤ ਦੀ ਗਿਣਤੀ ਹੁਣ 9,234 ਹੈ ਇਹ ਨਵੀਂ ਲਾਗ ਵੱਧ ਰਹੀ ਚਿੰਤਾ ਦੇ ਵਿੱਚ ਆਈ ਹੈ ਕਿ ਸ਼ਾਇਦ ਕੈਨੇਡਾ ਵਾਇਰਸ ਦੀ ਦੂਜੀ ਲਹਿਰ ਦਾ ਅਨੁਭਵ ਕਰ ਰਿਹਾ ਹੈ ।
ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਕੈਨੇਡਾ ਦੀ ਚੀਫ ਮੈਡੀਕਲ ਅਫਸਰ ਡਾ. ਥੈਰੇਸਾ ਟਾਮ ਨੇ ਕਿਹਾ ਕਿ ਜਦ ਤੱਕ ਜਨਤਕ ਸਿਹਤ ਅਤੇ ਵਿਅਕਤੀਗਤ ਰੋਕਥਾਮ ਉਪਾਅ ਮਜ਼ਬੂਤ ਨਹੀਂ ਕੀਤੇ ਜਾਂਦੇ, ਸਥਿਤੀ ਇਸੇ ਤਰ੍ਹਾਂ ਗੰਭੀਰ ਹੁੰਦੀ ਜਾਵੇਗੀ । ਉਹਨਾਂ ਲੋਕਾਂ ਨੂੰ ਸਿਹਤ ਵਿਭਾਗ ਵੱਲੋਂ ਦਿੱਤੀਆਂ ਹਦਾਇਤਾਂ ਦੀ ਸੁਚੱਜੇ ਢੰਗ ਨਾਲ ਪਾਲਣਾ ਕਰਨ ਲਈ ਮੁੜ ਅਪੀਲ ਕੀਤੀ।
