ਕੋਰੋਨਾ ਵਾਇਰਸ ਦੀ ਦੂਜੀ ਲਹਿਰ ਨੇ ਕੈਨੇਡਾ ਵਿੱਚ ਇਸ ਕਦਰ ਤੇਜ਼ੀ ਫੜੀ ਹੋਈ ਹੈ ਕਿ ਸਿਹਤ ਵਿਭਾਗ ਦੇ ਅਧਿਕਾਰੀ ਵੀ ਹੈਰਾਨ ਹਨ। ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਕੋਰੋਨਾ ਸਿਉਂਕ ਵਾਂਗ ਅੱਗੇ ਤੋਂ ਅੱਗੇ ਵਧਦਾ ਜਾ ਰਿਹਾ ਹੈ। ਇਸ ਸਭ ਦੇ ਬਾਵਜੂਦ ਕੈਨੇਡਾ ਦਾ ਸਿਹਤ ਵਿਭਾਗ ਆਸਵੰਦ ਹੈ ਕਿ ਛੇਤੀ ਹੀ ਸਥਿਤੀਆਂ ਕਾਬੂ ਹੇਠ ਹੋਣਗੀਆਂ।
ਕੈਨੇਡੀਅਨ ਸਿਹਤ ਅਧਿਕਾਰੀਆਂ ਨੇ ਐਤਵਾਰ ਨੂੰ ਨਾਵਲ ਕੋਰੋਨਾ ਵਾਇਰਸ ਦੇ ਰਿਕਾਰਡ 4,060 ਹੋਰ ਮਾਮਲਿਆਂ ਦੀ ਪੁਸ਼ਟੀ ਕੀਤੀ । ਨਾਲ ਹੀ ਦੱਸਿਆ ਕਿ 32 ਹੋਰ ਲੋਕਾਂ ਦੀ ਜਾਨ ਕੋਰੋਨਾ ਕਾਰਨ ਚਲੀ ਗਈ।
ਮਹਾਂਮਾਰੀ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਦੇਸ਼ ਵਿਚ 263,275 ਸੰਕਰਮਣ ਅਤੇ 10,521 ਮੌਤਾਂ ਹੋਈਆਂ ਹਨ, ਜਦੋਂ ਕਿ 2,15,005 ਲੋਕ ਠੀਕ ਹੋਏ ਹਨ । ਕੈਨੇਡਾ ਵਿੱਚ ਹੁਣ ਤਕ 12.3 ਮਿਲੀਅਨ ਤੋਂ ਵੱਧ ਟੈਸਟ ਕਰਵਾਏ ਗਏ ਹਨ ।
ਐਤਵਾਰ ਨੂੰ ਪਹਿਲੀ ਵਾਰ ਕੈਨੇਡਾ ਵਿਚ ਰੋਜ਼ਾਨਾ ਨਵੇਂ COVID-19 ਕੇਸਾਂ ਦੀ ਗਿਣਤੀ 4,000 ਤੋਂ ਪਾਰ ਹੋ ਗਈ ।
ਹਲਾਂਕਿ ਜਾਰੀ ਕੀਤਾ ਅੰਕੜਾ ਅਧੂਰਾ ਹੈ, ਕਿਉਂਕੀ ਬ੍ਰਿਟਿਸ਼ ਕੋਲੰਬੀਆ, ਪ੍ਰਿੰਸ ਐਡਵਰਡ ਆਈਲੈਂਡ ਅਤੇ ਕੈਨੇਡਾ ਦੇ ਤਿੰਨ ਹੋਰ ਪ੍ਰਦੇਸ਼ਾਂ ਨੇ ਵੀਕੈਂਡ ਦੇ ਦੌਰਾਨ ਅਪਡੇਟਸ ਪ੍ਰਦਾਨ ਨਹੀਂ ਕੀਤਾ।
ਕਿਊਬੈਕ ਵਿੱਚ, ਹੁਣ ਤੱਕ 114,820 ਲੋਕਾਂ ਨੂੰ ਕੋਵਿਡ-19 ਨਾਲ ਨਿਦਾਨ ਕੀਤਾ ਗਿਆ ਹੈ – ਇਹ ਦੇਸ਼ ਦੇ ਲਗਭਗ ਅੱਧੇ ਸੰਕਰਮਿਤ ਲਾਗਾਂ ਦੇ ਬਰਾਬਰ ਹੈ।
ਕਿਊਬਿਕ ਦੇ ਸੰਘਣੀ ਆਬਾਦੀ ਵਾਲੇ ਖੇਤਰਾਂ ਵਿੱਚ ਵਧਾਈ ਗਈ ਕੋਵਿਡ-19 ਜਾਂਚ ਦੇ ਬਾਵਜੂਦ ਸੰਕਰਮਣ ਫੈਲਦਾ ਜਾ ਰਿਹਾ ਹੈ। ਇੱਥੇ ਨੌਂ ਮੌਤਾਂ ਹੋਈਆਂ, ਜਿਨ੍ਹਾਂ ਵਿੱਚੋਂ ਦੋ ਪਿਛਲੇ 24 ਘੰਟਿਆਂ ਵਿੱਚ ਹੋਈਆਂ।
ਮੁੱਖ ਜਨਤਕ ਸਿਹਤ ਅਧਿਕਾਰੀ ਡਾ. ਥੇਰੇਸਾ ਟਾਮ ਦੀ ਸਾਲਾਨਾ ਰਿਪੋਰਟ ਵਿਚ, ਉਹਨਾਂ ਨੋਟ ਕੀਤਾ ਕਿ ਕਿਊਬਿਕ ਵਿਚ ਐਂਟੀਬਾਡੀ ਟੈਸਟ ਕਰਨ ਦੇ ਨਤੀਜਿਆਂ ਨੇ ਦਿਖਾਇਆ ਕਿ ਆਬਾਦੀ ਵਿਚ ਕੋਵਿਡ-19 ਕੇਸਾਂ ਦੀ ਕੁੱਲ ਸੰਖਿਆ “ਜੁਲਾਈ ‘ਚ ਰਿਪੋਰਟ ਕੀਤੇ ਗਏ ਮਾਮਲਿਆਂ ਨਾਲੋਂ ਤਿੰਨ ਗੁਣਾ ਜ਼ਿਆਦਾ ਹੋਣ ਦਾ ਅਨੁਮਾਨ ਹੈ। ”
ਸਿਹਤ ਅਧਿਕਾਰੀਆਂ ਨੇ ਦੱਸਿਆ ਕਿ ਐਤਵਾਰ ਤੱਕ, ਕਿਊਬਿਕ ਵਿੱਚ ਕੋਵਿਡ-19 ਵਿੱਚ 6,440 ਲੋਕਾਂ ਦੀ ਮੌਤ ਹੋ ਗਈ ਸੀ, ਜਦੋਂ ਕਿ 3.3 ਮਿਲੀਅਨ ਤੋਂ ਵੱਧ ਦਾ ਟੈਸਟ ਕੀਤਾ ਗਿਆ ਅਤੇ 97,789 ਮਾਮਲਿਆਂ ‘ਚ ਲੋਕ ਸਿਹਤਯਾਬ ਹੋਏ ਹਨ।
ਓਂਟਾਰੀਓ ਵਿੱਚ ਵਾਇਰਸ ਦੇ 1,328 ਨਵੇਂ ਕੇਸਾਂ ਦਾ ਪਤਾ ਲਗਾਇਆ ਗਿਆ, ਜਿਸ ਨਾਲ ਪ੍ਰੋਵਿੰਸ਼ੀਅਲ ਅੰਕੜੇ 84,153 ਹੋ ਗਏ। ਸਿਹਤ ਅਧਿਕਾਰੀਆਂ ਨੇ ਦੱਸਿਆ ਕਿ 13 ਹੋਰ ਲੋਕਾਂ ਦੀ ਮੌਤ ਵਾਇਰਸ ਨਾਲ ਹੋਈ ਹੈ ਅਤੇ ਮਰਨ ਵਾਲਿਆਂ ਦੀ ਗਿਣਤੀ 3,233 ਹੋ ਗਈ ਹੈ। ਸੂਬੇ ਦੇ ਪੁਸ਼ਟੀ ਕੀਤੇ ਮਾਮਲਿਆਂ ਵਿਚੋਂ 71,815 ਸਿਹਤਯਾਬ ਹੋਏ ਹਨ ਜਦੋਂ ਕਿ 5.3 ਮਿਲੀਅਨ ਤੋਂ ਵੱਧ ਟੈਸਟ ਕੀਤੇ ਗਏ ਹਨ।
ਅਲਬਰਟਾ ਦੇ ਸਿਹਤ ਅਧਿਕਾਰੀਆਂ ਨੇ ਐਤਵਾਰ ਨੂੰ ਕਿਹਾ ਕਿ ਕੋਵਿਡ-19 ਤੋਂ ਛੇ ਹੋਰ ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ, ਜਿਸ ਨਾਲ ਸੂਬਾਈ ਕੁੱਲ ਗਿਣਤੀ 363 ਹੋ ਗਈ ਹੈ। ਅਧਿਕਾਰੀਆਂ ਨੇ ਵਾਇਰਸ ਦੇ 727 ਹੋਰ ਮਾਮਲਿਆਂ ਦੀ ਜਾਂਚ ਤੋਂ ਬਾਅਦ ਸੂਬੇ ਦੀ ਸਮੁੱਚੀ ਕੇਸ ਗਿਣਤੀ 33,507 ਹੋ ਗਈ। ਹੁਣ ਤਕ ਸਾਰੇ ਸੂਬੇ ਵਿਚ ਤਕਰੀਬਨ 1.9 ਮਿਲੀਅਨ ਟੈਸਟ ਕੀਤੇ ਜਾ ਚੁੱਕੇ ਹਨ ਜਦਕਿ 26,000 ਤੋਂ ਵੱਧ ਲੋਕ ਬੀਮਾਰ ਪੈਣ ਤੋਂ ਬਾਅਦ ਠੀਕ ਹੋ ਚੁੱਕੇ ਹਨ।
ਸਸਕੈਚਵਨ ਵਿਚ, ਸੂਬਾਈ ਸਿਹਤ ਅਧਿਕਾਰੀਆਂ ਨੇ 114 ਨਵੇਂ ਲਾਗ ਦਾ ਪਤਾ ਲਗਾਇਆ ਅਤੇ ਇਕ ਨਵੀਂ ਮੌਤ ਦਰਜ ਕੀਤੀ ਗਈ । ਅੱਜ ਤਕ ਸੂਬੇ ਵਿਚ 3,897 ਲੋਕ ਵਾਇਰਸ ਨਾਲ ਸੰਕਰਮਿਤ ਹੋਏ ਹਨ ਅਤੇ 28 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਸਿਹਤ ਅਧਿਕਾਰੀਆਂ ਨੇ 2,81,516 ਟੈਸਟ ਕੀਤੇ ਹਨ ਅਤੇ 2,747 ਕੇਸਾਂ ਨੂੰ ਹੁਣ ਹੱਲ ਮੰਨਿਆ ਗਿਆ ਹੈ ।
