ਓਟਾਵਾ : ਫੈਡਰਲ ਅਤੇ ਸੂਬਾ ਸਰਕਾਰਾਂ ਦੀਆਂ ਤਮਾਮ ਕੋਸ਼ਿਸ਼ਾਂ ਦੇ ਬਾਵਜੂਦ ਕੈਨੇਡਾ ਵਿੱਚ ਕੋਰੋਨਾ ਸੰਕਰਮਣ ਦੇ ਮਾਮਲੇ ਲਗਾਤਾਰ ਸਾਹਮਣੇ ਆ ਰਹੇ ਹਨ। ਸੋਮਵਾਰ ਤੋਂ ਕੋਰੋਨਾ ਤੋਂ ਪ੍ਰਭਾਵਿਤ ਸੂਬਿਆਂ ਵਿੱਚ ਵੈਕਸੀਨ ਵੰਡਣ ਦਾ ਕੰਮ ਜਾਰੀ ਹੋ ਚੁੱਕਾ ਹੈ। ਇਸ ਵਿਚਾਲੇ ਪਹਿਲਾਂ ਵਾਂਗ ਹੀ ਕੋਰੋਨਾ ਕਵਿਤਾ ਦਾ ਅੰਕੜਾ ਓਸੇ ਗਤੀ ਨਾਲ ਵਧ ਰਿਹਾ ਹੈ, ਜਿਹੜੀ ਹੁਣ ਤੋਂ ਚਾਰ ਹਫਤੇ ਪਹਿਲਾਂ ਸੀ । ਸ਼ਨੀਵਾਰ ਨੂੰ ਕੋਵਿਡ-19 ਦੇ ਪੁਸ਼ਟੀ ਕੀਤੇ ਕੇਸਾਂ ਦੀ ਗਿਣਤੀ 500,000 ਨੂੰ ਪਾਰ ਕਰ ਗਈ ਹੈ।
ਕੋਵਿਡ-19 ਲਈ ਟੀਕਾਕਰਨ ਹੁਣ ਅਧਿਕਾਰਤ ਤੌਰ ‘ਤੇ ਸਾਰੇ ਸੂਬਿਆਂ’ ਚ ਚੱਲ ਰਹੇ ਹਨ । ਸਾਸਕੈਚਵਾਨ ਵਿਖੇ 252 ਨਵੇਂ ਕੇਸ ਸਾਹਮਣੇ ਆਉਣ ਤੋਂ ਬਾਅਦ ਕੈਨੇਡਾ ਵਿੱਚ ਅੱਧੀ ਮਿਲੀਅਨ ਦੀ ਥ੍ਰੈਸ਼ਹੋਲਡ ਨੂੰ ਪਾਸ ਕੀਤਾ ਗਿਆ । ਪ੍ਰਾਂਤ ਵਿੱਚ ਨਾਵਲ ਕੋਰੋਨਾਵਾਇਰਸ ਨਾਲ ਸਬੰਧਤ ਅੱਠ ਹੋਰ ਮੌਤਾਂ ਵੀ ਦਰਜ ਹੋਈਆਂ।
ਕੈਨੇਡਾ ਦੀ ਮੁੱਖ ਜਨ ਸਿਹਤ ਅਧਿਕਾਰੀ ਡਾ. ਥੈਰੇਸਾ ਟਾਮ ਨੇ ਸ਼ਨੀਵਾਰ ਨੂੰ ਇਕ ਬਿਆਨ ਵਿਚ ਕਿਹਾ ਕਿ ਤਾਜ਼ਾ ਲੰਬੀ ਦੂਰੀ ਦੇ ਅਨੁਮਾਨਾਂ ਵਿਚ ਜਨਵਰੀ 2021 ਦੇ ਸ਼ੁਰੂ ਵਿਚ ਦੇਸ਼ ਵਿਚ ਇਕ ਦਿਨ ਵਿਚ 8,000 ਤੋਂ ਵੱਧ ਨਵੇਂ ਕੇਸ ਆਉਣ ਦੀ ਭਵਿੱਖਬਾਣੀ ਕੀਤੀ ਗਈ ਹੈ। ਹਾਲਾਂਕਿ ਪਿਛਲੇ ਹਫਤੇ ਕੀਤੇ ਗਏ ਅਨੁਮਾਨਾਂ ਨਾਲੋਂ ਇਹ ਅਨੁਮਾਨ ਘੱਟ ਹਨ । ਉਹਨਾਂ ਚੇਤਾਵਨੀ ਦਿੱਤੀ ਕਿ ਉਹ “ਅਜੇ ਵੀ ਮਹੱਤਵਪੂਰਣ ਹਨ ਅਤੇ ਅਗਲੇ ਦੋ ਮਹੀਨਿਆਂ ਲਈ ਇੱਕ ਮਜ਼ਬੂਤ ਪੁਨਰ-ਉਭਾਰ ਲਈ ਸਾਨੂੰ ਪੂਰੀ ਤਰ੍ਹਾਂ ਸੁਚੇਤ ਰਹਿਣਾ ਹੋਵੇਗਾ।”
ਦੱਸਣਯੋਗ ਹੈ ਕਿ ਨਵੰਬਰ ਮਹੀਨੇ ਵਿੱਚ ਵੀ ਕੁਝ ਇਸੇ ਤਰ੍ਹਾਂ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਸੀ, ਜਿਸ ਵਿਚ ਕਿਹਾ ਗਿਆ ਸੀ ਕਿ ਜੇਕਰ ਲੋਕਾਂ ਨੇ ਸਾਵਧਾਨੀਆਂ ਨਹੀਂ ਵਰਤੀਆਂ ਤਾਂ ਕੈਨੇਡਾ ਵਿੱਚ ਦਸੰਬਰ ਮਹੀਨੇ ਦੌਰਾਨ ਰੋਜ਼ਾਨਾ 10 ਹਜ਼ਾਰ ਪ੍ਰਭਾਵਿਤ ਸਾਹਮਣੇ ਆਉਣਗੇ।
2/3 The latest longer range @SFU modelling, forecasts we could have >8,000 cases daily by Jan 2021. Although lower than last week, the numbers are significant, keeping us on a trajectory for strong resurgence over the next 2 months.
— Dr. Theresa Tam (@CPHO_Canada) December 19, 2020
ਡਾ਼. ਟਾਮ ਨੇ ਕਿਹਾ,’ਇਹ ਦਰਸਾਉਂਦਾ ਹੈ ਕਿ ਜਨਤਕ ਸਿਹਤ ਅਤੇ ਵੱਡੇ ਪੱਧਰ ‘ਤੇ ਜਨਤਾ ਦੀ ਭਾਈਵਾਲੀ ਅਜੇ ਵੀ ਲਾਗ ਦਰ ਨੂੰ ਘਟਾਉਣ ਲਈ ਬਹੁਤ ਮਹੱਤਵਪੂਰਨ ਹੈ।’ ਉਹਨਾਂ ਮੁੜ ਤੋਂ ਕੈਨੇਡੀਅਨਾਂ ਨੂੰ ਸਿਹਤ ਸੇਧ ਦੀ ਪਾਲਣਾ ਕਰਨ ਦੀ ਅਪੀਲ ਕੀਤੀ।
As the end of 2020 approaches 👏🏾👏🏼 👏🏿👏🏻 and the prospect of #COVID19 vaccines bring us hope, we must do everything we can to plan to celebrate safely over the #holidays. #COVIDsafe https://t.co/fHtNWscAG4 pic.twitter.com/FsDAQ1yLTi
— Dr. Theresa Tam (@CPHO_Canada) December 19, 2020
ਇਸ ਦੌਰਾਨ, ਆਪਣੇ ਟੀਕਾਕਰਣ ਪ੍ਰੋਗਰਾਮ ਦੀ ਸ਼ੁਰੂਆਤ ਕਰਨ ਵਾਲੇ ਪ੍ਰਾਂਤ, ਨਿਊ ਬਰੱਨਸਵਿਕ ਨੇ ਸ਼ਨੀਵਾਰ ਸਵੇਰੇ ਆਪਣੀ ਪਹਿਲੀ ਕੋਵਿਡ-19 ਟੀਕਾ ਇੱਕ ਲੰਬੇ ਸਮੇਂ ਦੀ ਦੇਖਭਾਲ ਸਹੂਲਤ ਦੇ ਇੱਕ 84 ਸਾਲਾ ਨਿਵਾਸੀ ਨੂੰ ਦਿੱਤੀ ਗਈ।
