ਓਟਾਵਾ : ਓਂਟਾਰੀਓ ਦੇ ਕੋਵਿਡ-19 ਹਾਟ-ਸਪਾਟਸ ਖੇਤਰਾਂ ਵਿੱਚ ਡਾਂਸ ਸਟੂਡੀਓ ਦੇ ਮਾਲਕਾਂ ਨੂੰ ਆਪਣੇ ਕਾਰੋਬਾਰ ਨੂੰ ਦੁਬਾਰਾ ਖੋਲ੍ਹਣ ਦੀ ਆਗਿਆ ਦੇਣ ਦਾ ਫੈਸਲਾ ਕੀਤਾ ਗਿਆ ਹੈ। ਓਂਟਾਰੀਓ ਵਿਰਾਸਤ, ਖੇਡ, ਸੈਰ ਸਪਾਟਾ ਅਤੇ ਸਭਿਆਚਾਰ ਮੰਤਰੀ ਲੀਜ਼ਾ ਮੈਕਲੌਡ ਨੇ ਸੋਮਵਾਰ ਸ਼ਾਮੀਂ ਟਵਿੱਟਰ ‘ਤੇ ਇਹ ਐਲਾਨ ਕੀਤਾ।
ਆਪਣੇ ਭਵਿਖ ਵਿਚ ਲੀਜ਼ਾ ਮੈਕਲੋਡ ਨੇ ਲਿਖਿਆ,’ਮੈਂ ਇਸ ਗੱਲ ਦੀ ਪੁਸ਼ਟੀ ਕਰ ਸਕਦੀ ਹਾਂ ਕਿ ਸਾਡੀ ਸਰਕਾਰ ਦੁਆਰਾ (ਸਿਹਤ ਦੇ ਮੁੱਖ ਮੈਡੀਕਲ ਅਫਸਰ) ਅਤੇ ਸਿਹਤ ਮੰਤਰਾਲੇ ਦੀ ਸਲਾਹ ਨਾਲ ਲਏ ਗਏ ਫੈਸਲੇ ਤੋਂ ਬਾਅਦ ਇਨਡੋਰ ਡਾਂਸ ਕਲਾਸਾਂ ਸੰਸ਼ੋਧਿਤ ਪੜਾਅ-2 ਖੇਤਰਾਂ ਵਿੱਚ ਮੁੜ ਤੋਂ ਸ਼ੁਰੂ ਹੋ ਸਕਦੀਆਂ ਹਨ।’
NEW👇
I can confirm that indoor dance classes can resume in modified Stage 2 regions after a decision taken by our government with the advice of the CMOH and the Ministry of Health. All participants must be pre-registered and maintain at least two metres apart.
— Lisa MacLeod (@MacLeodLisa) October 19, 2020
ਉਧਰ ਡਾਂਸ ਸਟੂਡੀਓ ਮੁੜ ਖੋਲ੍ਹਣ ਦੇ ਫੈਸਲੇ ਦਾ ਟੋਰਾਂਟੋ ਦੇ ਮੇਅਰ ਜੋਹਨ ਟੇਰੀ ਨੇ ਸੁਆਗਤ ਕੀਤਾ ਹੈ।
Glad provincial officials have found a way for dance studios to reopen in Toronto and other areas in modified Stage 2. Thank you to Minister @MacLeodLisa for working on this issue and thank you to the residents who reached out to identify the need for a change. https://t.co/zajGfVXLDu
— John Tory (@JohnTory) October 19, 2020
ਹਾਲਾਂਕਿ ਖੁੱਲਣ ਵਾਲੇ ਡਾਂਸ ਸਟੂਡੀਓ ਵਿੱਚ ਪਾਬੰਦੀਆਂ ਨੂੰ ਸਖ਼ਤੀ ਨਾਲ ਲਾਗੂ ਕਰਨ ਦੀ ਸ਼ਰਤ ਰੱਖੀ ਗਈ ਹੈ। ਏਸ ਬਾਰੇ ਮੈਕਲੋਡ ਨੇ ਕਿਹਾ ਕਿ, ‘ਸਾਰੇ ਭਾਗੀਦਾਰਾਂ ਨੂੰ ਪਹਿਲਾਂ ਤੋਂ ਰਜਿਸਟਰਡ ਹੋਣਾ ਚਾਹੀਦਾ ਹੈ ਅਤੇ ਘੱਟੋ ਘੱਟ ਦੋ ਮੀਟਰ ਦੀ ਦੂਰੀ ਤੇ ਰੱਖਣਾ ਚਾਹੀਦਾ ਹੈ।’
ਇਸ ਮਹੀਨੇ ਦੇ ਸ਼ੁਰੂ ਵਿਚ ਟੋਰਾਂਟੋ, ਪੀਲ ਰੀਜਨ, ਯੌਰਕ ਖੇਤਰ ਅਤੇ ਓਟਾਵਾ ਲਈ ਐਲਾਨ ਕੀਤੇ ਗਏ ਪੜਾਅ-2 ਦੇ ਇਕ ਸੰਸ਼ੋਧਿਤ ਸੰਸਕਰਣ ਦੇ ਹਿੱਸੇ ਵਜੋਂ, ਡਾਂਸ ਸਟੂਡੀਓਜ਼ ਨੂੰ ਸ਼ੁਰੂ ‘ਚ ਹਾਟ-ਸਪਾਟ ਖੇਤਰਾਂ ਵਿੱਚ ਬੰਦ ਕਰਨ ਲਈ ਮਜਬੂਰ ਕੀਤਾ ਗਿਆ ਸੀ।