ਟੋਰਾਂਟੋ : ਕੈਨੇਡਾ ਦੇ ਸੂਬੇ ਅਲਬਰਟਾ ਵਿਚ ਇਕ ਵਾਰ ਫਿਰ ਤੋਂ ਸਖ਼ਤ ਪਾਬੰਦੀਆਂ ਲਾਗੂ ਕੀਤੀਆਂ ਗਈਆਂ ਹਨ । ਰੋਜ਼ਾਨਾ ਵਧ ਰਹੇ ਕੋਰੋਨਾ ਦੇ ਮਾਮਲਿਆਂ ਨੂੰ ਲੈ ਕੇ ਕੈਨੇ ਸਰਕਾਰ ਨੇ ਸਖ਼ਤੀ ਕਰਨ ਦਾ ਫੈਸਲਾ ਲਿਆ ਹੈ।
ਅਲਬਰਟਾ ਵਿਚ ਮੰਗਲਵਾਰ ਨੂੰ ਕੋਰੋਨਾ ਵਾਇਰਸ ਦੇ 1,727 ਨਵੇਂ ਮਾਮਲੇ ਸਾਹਮਣੇ ਆਏ ਅਤੇ ਹੁਣ ਤੱਕ ਇੱਥੇ 72,028 ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਸਰਕਾਰ ਨੇ ਕਿਸੇ ਵੀ ਤਰ੍ਹਾਂ ਦੀ ਭੀੜ ਇਕੱਠੀ ਕਰਨ ‘ਤੇ ਵੀ ਰੋਕ ਲਗਾ ਦਿੱਤੀ ਹੈ। ਇਸਦੇ ਨਾਲ ਹੀ ਸੂਬਾ ਸਰਕਾਰ ਨੇ ਕ੍ਰਿਸਮਿਸ ਸਬੰਧੀ ਵੀ ਕੁਝ ਪਾਬੰਦੀਆਂ ਦਾ ਐਲਾਨ ਕੀਤਾ ਹੈ।
I did not get into public service to make these kinds of decisions. But they are absolutely needed to protect lives directly from COVID-19 & for thousands more, the healthcare they need to survive.
I thank all Albertans for what they've done, and will do, to help stop the spread pic.twitter.com/hj7TK6gkrX
— Jason Kenney (@jkenney) December 9, 2020
ਸੂਬੇ ਦੇ ਪ੍ਰੀਮੀਅਰ ਜੈਸਨ ਕੈਨੇ ਨੇ ਇਸ ਸਬੰਧੀ ਦੀ ਜਾਣਕਾਰੀ ਦਿੱਤੀ ਹੈ। 13 ਦਸੰਬਰ ਤੋਂ ਕੈਸੀਨੋ, ਜਿੰਮ ਬੰਦ ਰਹਿਣਗੇ ਅਤੇ ਰੈਸਟੋਰੈਂਟਾਂ, ਕੈਫੇ ਤੇ ਬਾਰਜ਼ ਵਿਚ ਬੈਠ ਕੇ ਖਾਣ-ਪੀਣ ਦੀ ਮਨਾਹੀ ਰਹੇਗੀ। ਹੇਅਰ ਤੇ ਨੇਲ ਸੈਲੂਨ ਵੀ ਬੰਦ ਰਹਿਣਗੇ। ਲੋਕਾਂ ਨੂੰ ਘਰਾਂ ਤੋਂ ਹੀ ਕੰਮ ਕਰਨਾ ਪਵੇਗਾ।
ਪ੍ਰੀਮੀਅਰ ਜੈਸਨ ਕੈਨੇ ਅਨੁਸਾਰ ਬਾਹਰ ਭੀੜ ਇਕੱਠੀ ਕਰਨ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਸੂਬੇ ਦੇ ਸਿਹਤ ਮੰਤਰੀ ਟਾਈਲਰ ਸ਼ਾਂਦਰੋ ਨੇ ਕਿਹਾ ਕਿ ਜੋ ਲੋਕ ਇਕੱਲੇ ਰਹਿੰਦੇ ਹਨ ਉਹ ਦੋ ਨੇੜਲੇ ਲੋਕਾਂ ਨਾਲ ਬਾਹਰ ਨਿਕਲ ਸਕਦੇ ਹਨ। ਇਹ ਨਿਯਮ 4 ਹਫ਼ਤਿਆਂ ਤੱਕ ਜਾਰੀ ਰਹੇਗਾ ਅਤੇ ਅਲਬਰਟਾ ਦੇ ਲੋਕਾਂ ਨੂੰ ਕ੍ਰਿਸਮਿਸ ਵੀ ਆਪਣੇ ਘਰਾਂ ਵਿਚ ਹੀ ਮਨਾਉਣੀ ਪਵੇਗੀ। ਜਿਹੜੇ ਲੋਕ ਇਕੱਲੇ ਰਹਿ ਰਹੇ ਹਨ, ਉਹ ਦੋ ਕਰੀਬੀ ਲੋਕਾਂ ਨਾਲ ਕ੍ਰਿਸਮਿਸ ਮਨਾ ਸਕਦੇ ਹਨ।
ਕੈਨੇਡਾ ਵਿਚ ਕੋਰਨਾ ਵਾਇਰਸ ਪੀੜਤਾਂ ਦੀ ਗਿਣਤੀ 4,30,000 ਤੋਂ ਪਾਰ ਪੁੱਜ ਗਈ ਹੈ ।