ਸ਼ਨੀਵਾਰ ਨੂੰ ਲਿਨ ਵੈਲੀ ਲਾਇਬ੍ਰੇਰੀ ਦੇ ਨੇੜੇ ਚਾਕੂ ਮਾਰਨ ਦੇ ਮਾਮਲੇ ਵਿਚ ਇਕ 28 ਸਾਲਾ ਵਿਅਕਤੀ ਨੂੰ ਸੈਕਿੰਡ ਡਿਗਰੀ ਕਤਲ ਦੇ ਦੋਸ਼ ‘ਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਯੈਨਿਕ ਬੰਡਾਗੋ ਜੋ ਕਿ ਪੁਲਿਸ ਨੂੰ ਜਾਣਦਾ ਹੈ, ਨੂੰ ਮੌਕੇ ‘ਤੇ ਹੀ ਗ੍ਰਿਫਤਾਰ ਕਰ ਲਿਆ ਗਿਆ ਸੀ। ਉਹ ਪੁਲਿਸ ਹਿਰਾਸਤ ਵਿਚ ਹੈ।
ਇਨਟੇਗਰੇਟਿਡ ਹੋਮੇਸਾਈਡ ਇਨਵੈਸਟੀਗੇਸ਼ਨ ਟੀਮ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਪੀੜਤ ਔਰਤ ਜਿਸਦੀ ਗੰਭੀਰ ਸੱਟਾਂ ਲੱਗਣ ਕਾਰਨ ਮੌਤ ਹੋ ਗਈ ਉਹ 20 ਸਾਲਾ ਦੀ ਸੀ। IHIT ਨੇ ਅੱਗੇ ਕਿਹਾ, ਛੇ ਵਿਅਕਤੀ ਜਿਨ੍ਹਾਂ ਨੂੰ ਹਸਪਤਾਲ ਭੇਜਿਆ ਗਿਆ ਸੀ, ਦੇ ਵੱਖ-ਵੱਖ ਗੰਭੀਰ ਸੱਟਾਂ ਦੇ ਜ਼ਖਮ ਹਨ।
IHIT ਦੇ ਕਾਰਜਕਾਰੀ ਅਧਿਕਾਰੀ ਇੰਚਾਰਜ ਇੰਸਪੈਕਟਰ ਮਿਸ਼ੇਲ ਤਾਨਸੀ ਨੇ ਇਕ ਬਿਆਨ ਜਾਰੀ ਕਰਦਿਆਂ ਕਿਹਾ, “ਇਹ ਇਕ ਡੂੰਘੀ ਅਤੇ ਦੁਖਦਾਈ ਘਟਨਾ ਹੈ ਜਿਸ ਨੇ ਸਾਨੂੰ ਸਾਰਿਆਂ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਸਾਡੇ ਤਫ਼ਤੀਸ਼ਕਾਰਾਂ ਅਤੇ ਭਾਈਵਾਲਾਂ ਦੀ ਉਨ੍ਹਾਂ ਦੇ ਕਮਾਲ ਦੇ ਕੰਮ ਲਈ ਪ੍ਰਸ਼ੰਸਾ ਕਰਦਾ ਹਾਂ। ਪੀੜਤਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਅਤੇ ਉਨ੍ਹਾਂ ਸਾਰਿਆਂ ਲਈ ਜੋ ਇਸ ਜੁਰਮ ਨਾਲ ਪ੍ਰਭਾਵਿਤ ਹੋਏ ਹਨ, ਲਈ ਮੇਰੀ ਦਿਲੀ ਹਮਦਰਦੀ ਹੈ।