ਕੈਲਗਰੀ : ਕੈਨੇਡਾ ਦੇ ਸੂਬੇ ਅਲਬਰਟਾ ਵਲੋਂ ਤਾਲਾਬੰਦੀ ਦੌਰਾਨ ਥੋੜੀ ਢਿੱਲ ਦੇਣ ਜਾ ਰਿਹਾ ਹੈ। ਇਸ ਢਿੱਲ ਦੇ ਨਾਲ ਸੋਮਵਾਰ ਤੋਂ ਕੁਝ ਵਪਾਰਕ ਅਦਾਰੇ ਜੋ ਦਸੰਬਰ ਤੋਂ ਬੰਦ ਕਰਵਾਏ ਗਏ ਹਨ, ਹੁਣ ਆਪਣੇ ਗਾਹਕਾਂ ਨੂੰ ਸੇਵਾ ਦੇ ਸਕਣਗੇ।
ਅਲਬਰਟਾ ਸਰਕਾਰ ਨੇ ਕਿਹਾ ਕਿ 18 ਜਨਵਰੀ ਤੋਂ ਨਿੱਜੀ ਅਤੇ ਕੁਝ ਹੋਰ ਸੁਵਿਧਾਵਾਂ ਆਮ ਲੋਕ ਲੈ ਸਕਣਗੇ, ਪਰ ਇਸ ਤੋਂ ਪਹਿਲਾਂ ਲੋਕਾਂ ਨੂੰ ਸਮਾਂ ਲੈਣਾ ਪਵੇਗਾ ਤਾਂ ਕਿ ਉਨ੍ਹਾਂ ਨੂੰ ਦੁਕਾਨਾਂ ‘ਤੇ ਇੰਤਜ਼ਾਰ ਨਾ ਕਰਨਾ ਪਵੇ। ਜਿਹੜੇ ਵਪਾਰਕ ਅਦਾਰਿਆਂ ਨੂੰ ਕੁਝ ਛੋਟ ਮਿਲਣ ਵਾਲੀ ਹੈ, ਉਨ੍ਹਾਂ ਵਿਚ- ਹੇਅਰ ਸੈਲੂਨ, ਨਾਈ ਦੀਆਂ ਦੁਕਾਨਾਂ, ਮੈਨੀਕਿਊਰ ਤੇ ਪੈਡੀਕਿਊਰ ਅਤੇ ਟੈਟੂ ਵਾਲੀਆਂ ਦੁਕਾਨਾਂ ਖਾਸ ਹਨ।
Today, we announced provincewide changes to restrictions around personal services, and capacity limits on outdoor social gatherings and funerals.
The COVID situation remains serious in Alberta – we must all keep doing our part to reduce the spread.https://t.co/MNRz3WW5QU pic.twitter.com/9nyF3yAGPp
— Jason Kenney (@jkenney) January 14, 2021
ਇਸ ਦੇ ਇਲਾਵਾ ਘਰੋਂ ਬਾਹਰ 10 ਲੋਕ ਇਕੱਠੇ ਹੋ ਸਕਦੇ ਹਨ। ਅੰਤਿਮ ਸੰਸਕਾਰ ਮੌਕੇ 20 ਲੋਕ ਇਕੱਠੇ ਹੋ ਸਕਣਗੇ। ਇਸ ਦੌਰਾਨ ਲੋਕਾਂ ਨੂੰ ਸਮਾਜਕ ਦੂਰੀ ਬਣਾ ਕੇ ਰੱਖਣੀ ਪਵੇਗੀ ਅਤੇ ਮਾਸਕ ਲਗਾ ਕੇ ਰੱਖਣੇ ਪੈਣਗੇ।
ਅਲਬਰਟਾ ਦੇ ਮੁੱਖ ਮੰਤਰੀ ਜੈਸਨ ਕੈਨੀ ਨੇ ਕਿਹਾ ਕਿ ਪਿਛਲੇ ਹਫ਼ਤਿਆਂ ਤੋਂ ਅਲਬਰਟਾ ਵਾਸੀਆਂ ਨੇ ਹਿਦਾਇਤਾਂ ਦੀ ਪਾਲਣਾ ਕਰਨ ਵਿਚ ਕਾਫੀ ਸਹਿਯੋਗ ਦਿੱਤਾ। ਅਲਬਰਟਾ ਦੀ ਮੁੱਖ ਸਿਹਤ ਅਧਿਕਾਰੀ ਡਾਕਟਰ ਡੀਨਾ ਹਿਨਸ਼ਾਅ ਨੇ ਕਿਹਾ ਕਿ ਜਨਵਰੀ ਵਿਚ ਕੋਰੋਨਾ ਮਾਮਲੇ ਘਟੇ ਹਨ ਤੇ ਇਹ ਇਕ ਚੰਗਾ ਸੰਕੇਤ ਹੈ। ਉਨ੍ਹਾਂ ਕਿਹਾ ਕਿ ਜਿਵੇਂ ਹੀ ਕੋਰੋਨਾ ਮਾਮਲੇ ਘੱਟਦੇ ਜਾਣਗੇ, ਲੋਕਾਂ ਲਈ ਹਿਦਾਇਤਾਂ ਖ਼ਤਮ ਕਰ ਦਿੱਤੀਆਂ ਜਾਣਗੀਆਂ।