Channel Punjabi
Canada International News North America

ਵੈਸਟਜੈੱਟ ਏਅਰਲਾਈਨਜ਼ ਲਿਮਟਿਡ ਵੱਲੋਂ ਪਾਇਲਟਸ ਦੀ ਕੀਤੀ ਜਾ ਰਹੀ ਹੈ ਛਾਂਗੀ

ਵੈਸਟਜੈੱਟ ਏਅਰਲਾਈਨਜ਼ ਲਿਮਟਿਡ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਅਣਦੱਸੇ ਕਾਰਨਾਂ ਕਰਕੇ ਕਈ ਪਾਇਲਟਸ ਦੀ ਛਾਂਗੀ ਕੀਤੀ ਜਾ ਰਹੀ ਹੈ।ਇਹ ਖੁਲਾਸਾ ਇਨ੍ਹਾਂ ਪਾਇਲਟਸ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨਾਲ ਚੱਲ ਰਹੀ ਗੱਲਬਾਤ ਦੌਰਾਨ ਕੀਤਾ ਗਿਆ।

ਏਅਰਲਾਈਨ ਦੀ ਤਰਜ਼ਮਾਨ ਮੌਰਗਨ ਬੈੱਲ ਦਾ ਕਹਿਣਾ ਹੈ ਕਿ 31 ਮਾਰਚ ਨੂੰ ਸਮਝੌਤਾ ਖ਼ਤਮ ਹੋਣ ਤੋਂ ਪਹਿਲਾਂ ਇਹ ਪਾਇਲਟਸ ਨੂੰ ਉਨ੍ਹਾਂ ਦੀ ਛਾਂਗੀ ਸਬੰਧੀ ਨੋਟਿਸ ਭੇਜੇ ਜਾਣਗੇ, ਹਾਲਾਂਕਿ ਅਜੇ ਵੀ ਗੱਲਬਾਤ ਜਾਰੀ ਹੈ।ਬੈੱਲ ਨੇ ਪ੍ਰਭਾਵਿਤ ਪਾਇਲਟਸ ਦੀ ਗਿਣਤੀ ਦਾ ਕੋਈ ਖੁਲਾਸਾ ਨਹੀਂ ਕੀਤਾ। 5 ਫਰਵਰੀ ਨੂੰ ਏਅਰਲਾਈਨ ਨੇ ਇਹ ਐਲਾਨ ਕੀਤਾ ਸੀ ਕਿ ਉਹ 2 ਮਾਰਚ ਤੱਕ 120 ਕੈਬਿਨ ਕ੍ਰਿਊ ਮੈਂਬਰਜ਼ ਦੀ ਛਾਂਗੀ ਕਰੇਗੀ।

ਇਸ ਲਈ ਏਅਰਲਾਈਨ ਵੱਲੋਂ ਮੈਕਸਿਕੋ ਤੇ ਕੈਰੇਬੀਅਨ ਉਡਾਨਾਂ ਵਿੱਚ ਆਈ ਕਮੀ ਨੂੰ ਜਿ਼ੰਮੇਵਾਰ ਦੱਸਿਆ ਗਿਆ ਸੀ।ਫੈਡਰਲ ਸਰਕਾਰ ਦੀ ਬੇਨਤੀ ਉੱਤੇ ਕੋਵਿਡ-19 ਦੇ ਪਸਾਰ ਨੂੰ ਰੋਕਣ ਲਈ ਵੈਸਟਜੈੱਟ ਤੇ ਹੋਰ ਕੈਨੇਡੀਅਨ ਕੈਰੀਅਰਜ਼ ਨੇ 30 ਅਪਰੈਲ ਤੱਕ ਮੈਕਸਿਕੋ ਤੇ ਕੈਰੇਬੀਅਨ ਉਡਾਨਾਂ ਨੂੰ ਮੁਲਤਵੀ ਕਰਨ ਲਈ ਸਹਿਮਤੀ ਦਿੱਤੀ ਸੀ।

Related News

ਪੁਤਿਨ ਦੀ ਸ਼ਾਨਦਾਰ ਜਿੱਤ, 2036 ਤੱਕ ਆਪਣਾ ਰਾਜ ਵਧਾਉਣ ਦਾ ਜਿੱਤਿਆ ਹੱਕ

team punjabi

ਬੀ.ਸੀ ‘ਚ ਰੁਜ਼ਗਾਰ ਦੀ ਸੰਖਿਆ 98.7 ਫੀਸਦ ‘ਤੇ ਆਈ ਵਾਪਸ, ਨੌਕਰੀਆਂ ‘ਚ ਹੋਇਆ ਵਾਧਾ: ਰਵੀ ਕਾਹਲੋਂ

Rajneet Kaur

ਓਂਂਟਾਰੀਓ ਦੇ ਹਸਪਤਾਲਾਂ ਦੀ ਮਦਦ ਲਈ ਫੋਰਡ ਸਰਕਾਰ ਨੇ ਐਲਾਨੇ 1·2 ਬਿਲੀਅਨ ਡਾਲਰ

Vivek Sharma

Leave a Comment

[et_bloom_inline optin_id="optin_3"]