ਮਿਸੀਸਾਗਾ ਦੇ ਅੱਗ ਬੁਜਾਉ ਵਿਭਾਗ ਵਿਚ ਕੋਵਿਡ 19 ਪਾਜ਼ੀਟਿਵ ਕੇਸ ਮਿਲੇ ਹਨ। ਇਸ ਗੱਲ ਦੀ ਪੁਸ਼ਟੀ ਇਕ ਪ੍ਰੈਸ ਬਿਆਨ ਵਿਚ ਕੀਤੀ ਗਈ ਹੈ। ਜਿਥੇ ਦੱਸਿਆ ਗਿਆ ਕੇ 11 ਪਾਜ਼ੀਟਿਵ ਮਾਮਲੇ ਸਾਹਮਣੇ ਆਏ ਹਨ ਤੇ 36 ਸਟਾਫ ਮੈਂਬਰਾਂ ਨੂੰ ਇਕਾਂਤਵਾਸ ਕਰ ਦਿੱਤਾ ਗਿਆ। ਦਸ ਦਈਏ ਇਸ ਨਾਲ ਚਾਰ ਫਾਇਰ ਸਟੇਸ਼ਨ ਪ੍ਰਭਾਵਿਤ ਹੋਏ ਹਨ। ਸ਼ਹਿਰ ਦੇ ਬੁਲਾਰੇ ਕਾਰਲੇ ਸਮਿੱਥ ਨੇ ਇਕ ਈਮੇਲ ਰਾਹੀਂ ਦੱਸਿਆ ਹੈ ਕਿ ਪਰਾਈਵੇਸੀ ਦੇ ਕਾਰਨਾਂ ਸਦਕਾ ਅਸੀਂ ਪ੍ਰਭਾਵਿਤ ਕਰਮਚਾਰੀਆਂ ਦੀਆਂ ਅਸਾਮੀਆਂ ਦਾ ਖੁਲਾਸਾ ਨਹੀਂ ਕਰਾਂਗੇ ਪਰ ਉਹ ਸਾਡੇ ਐਮਐਫਈਐਸ ਭਾਵ ਮਿਸੀਸਾਗਾ ਫਾਇਰ ਐਂਡ ਐਮਰਜੈਂਸੀ ਸਰਵਿਸਿਜ਼ ਆਪ੍ਰੇਸ਼ਨ ਸਮੂਹ ਦਾ ਹਿੱਸਾ ਹਨ।
ਮੀਡੀਆ ਰਿਲੀਜ਼ ਵਿੱਚ ਸ਼ਹਿਰ ਦੀ ਕਾਰਜਕਾਰੀ ਅੱਗ ਬੁਝਾਉ ਮੁਖੀ ਨੈਨਸੀ ਮੈਕਡੋਨਲਡ ਡੰਕਨ ਨੇ ਕਿਹਾ ਕਿ ਵਿਭਾਗ ਜਵਾਬ ਦੇਹੀ ਹੈ ਤੇ ਅੱਗ ਬੁਝਾਊ ਸੁਰੱਖਿਆਂਵਾਂ ਪ੍ਰਧਾਨ ਕਰਨ ਲਈ ਵੀ ਤਿਆਰ ਹੈ।
