channel punjabi
Canada International News North America

ਕੈਨੇਡਾ ‘ਚ ਬੱਚੇ ਹੁਣ ਮੁੜ ਸੱਦ ਸਕਣਗੇ ਆਪਣੇ ਮਾਂਪਿਆ ਨੂੰ, ਹੋਇਆ ਤਾਰੀਖ ਦਾ ਐਲਾਨ

ਕੈਨੇਡਾ ‘ਚ ਰਹਿਣ ਵਾਲੇ ਲੋਕਾਂ ਲਈ ਆਈ ਇਕ ਖੁਸ਼ੀ ਵਾਲੀ ਖਬਰ ਹੈ ਕਿ ਉਹ ਹੁਣ ਆਪਣੇ ਪਰਿਵਾਰ ਵਾਲਿਆਂ ਨੂੰ ਹੁਣ ਬੁਲਾ ਸਕਣਗੇ। ਇਮੀਗ੍ਰੇਸ਼ਨ, ਰਿਫਊਜੀਜ਼ ਅਤੇ ਸਿਟੀਜ਼ਨਸ਼ਿਪ ਕੈਨੇਡਾ ਦੇ ਮੰਤਰੀ, ਮਾਰਕੋ ਈ. ਐਲ. ਮੈਂਡੀਸਿਨੋ ਨੇ ਸਰਕਾਰਾਂ ਵੱਲੋਂ ਪਰਿਵਾਰਾਂ ਨੂੰ ਮੁੜ ਜੋੜਨ ਦੀ ਵਚਨਬੱਧਤਾ ਨੂੰ ਹੋਰ ਅੱਗੇ ਵਧਾਉਂਦਿਆਂ, 2020 ਦੇ ਮਾਪਿਆਂ ਅਤੇ ਦਾਦਾ-ਦਾਦੀ (PGP) ਪ੍ਰੋਗਰਾਮ ਦੇ ਉਦਘਾਟਨ ਲਈ ਵੇਰਵਿਆਂ ਦਾ ਐਲਾਨ ਕੀਤਾ।

13 ਅਕਤੂਬਰ ਤੋਂ 3 ਨਵੰਬਰ ਤੱਕ ਮਾਂਪਿਆਂ/ਦਾਦਕਿਆਂ/ਨਾਨਕਿਆਂ ਨੂੰ ਪੱਕੀ ਇਮੀਗ੍ਰੇਸ਼ਨ ਲਈ ਅਪਲਾਈ ਕਰਨ ਵਾਲੇ ਪ੍ਰੋਗਰਾਮ ਨੂੰ ਮੁੜ ਖੋਲਿਆ ਗਿਆ ਹੈ।

ਇਮੀਗ੍ਰੇਸ਼ਨ ਮੰਤਰੀ ਨੇ ਦਸਿਆ ਕਿ ਬੀਤੇ ਸਾਲ ਲਾਟਰੀ ਸਿਸਟਮ ਖਤਮ ਕਰਕੇ ਪਹਿਲਾਂ ਅਪਲਾਈ ਕਰਨ ਵਾਲੇ ਦੀ ਅਰਜ਼ੀ ਨੂੰ ਪਹਿਲ ਦੇ ਆਧਾਰ ‘ਤੇ ਨਿਪਟਾਉਣ ਦਾ ਸਿਸਟਮ ਲਿਆਂਦਾ ਗਿਆ ਸੀ ਪਰ ਉਹ ਸਿਸਟਮ ਕਾਮਯਾਬ ਨਹੀਂ ਹੋ ਸਕਿਆ। ਇਸ ਦਾ ਕਾਰਨ ਇਹ ਹੈ ਕਿ ਲੋਕ ਵੈਬਸਾਈਟ ‘ਤੇ ਅਪਲਾਈ ਕਰਨ ਲਈ ਤਿਆਰ ਬੈਠੇ ਰਹਿੰਦੇ ਸਨ ਇਸ ਕਾਰਨ ਕੁਝ ਮਿੰਟਾਂ ‘ਚ ਹੀ ਕੋਟਾ ਪੂਰਾ ਹੋ ਜਾਂਦਾ ਸੀ ਤੇ ਬਾਕੀ ਲੋਕ ਨਿਰਾਸ਼ ਹੋ ਜਾਂਦੇ ਸਨ । ਇਸ ਲਈ ਲਾਟਰੀ ਸਿਸਟਮ ਦੁਬਾਰਾ ਲਾਗੂ ਕਰ ਦਿਤਾ ਗਿਆ ਹੈ।

ਬਿਨੈਕਾਰਾਂ ਲਈ ਇੱਕ ਨਿਰਪੱਖ, ਪਾਰਦਰਸ਼ੀ ਅਤੇ ਬਰਾਬਰ ਅਵਸਰ ਨੂੰ ਯਕੀਨੀ ਬਣਾਉਣ ਲਈ, ਇਮੀਗ੍ਰੇਸ਼ਨ, ਰਿਫਊਜੀਜ਼ ਐਂਡ ਸਿਟੀਜ਼ਨਸ਼ਿਪ ਕੈਨੇਡਾ (ਆਈਆਰਸੀਸੀ) ਬੇਤਰਤੀਬੇ ਸੰਭਾਵਤ ਪ੍ਰਾਯੋਜਕਾਂ ਦੀ ਚੋਣ ਕਰੇਗਾ ਅਤੇ ਉਨ੍ਹਾਂ ਨੂੰ ਬਿਨੈ ਪੱਤਰ ਦਾਖਲ ਕਰਨ ਲਈ ਇੱਕ ਸੱਦਾ ਭੇਜ ਦੇਵੇਗਾ। ਚੁਣੇ ਬਿਨੈਕਾਰਾਂ ਕੋਲ ਆਪਣੀ ਬਿਨੈ ਜਮ੍ਹਾ ਕਰਨ ਲਈ 60 ਦਿਨ ਹੋਣਗੇ।

ਅਪਾਹਜ ਵਿਅਕਤੀ ਜੋ ਆਨਲਾਈਨ ਫਾਰਮ ਦੀ ਵਰਤੋਂ ਕਰਨ ਦੇ ਅਯੋਗ ਹਨ। ਉਹ 1-888-242-2100 ‘ਤੇ IRCC ਕਲਾਇੰਟ ਸਪੋਰਟ ਸੈਂਟਰ ਨਾਲ ਸੰਪਰਕ ਕਰਕੇ ਜਾਂ 3 ਨਵੰਬਰ, 2020 ਤਕ ਈਮੇਲ ਰਾਹੀਂ ਬਦਲਵੇਂ ਫਾਰਮੈਟ (ਪੇਪਰ ਕਾੱਪੀ, ਬ੍ਰੇਲ ਜਾਂ ਵੱਡਾ ਪ੍ਰਿੰਟ) ਵਿਚ ਫਾਰਮ ਸਪਾਂਸਰ ਕਰਨ ਦੀ ਰੁਚੀ ਲਈ ਬੇਨਤੀ ਕਰ ਸਕਦੇ ਹਨ।

13 ਅਕਤੂਬਰ ਤੋਂ ਬਾਅਦ ਅਗਲੇ 3 ਕੁ ਹਫਤਿਆਂ ਦੌਰਾਨ ਆਨਲਈਨ ਮਿਲਣ ਵਾਲੇ ਫਾਰਮਾਂ ‘ਚੋਂ ਕੰਪਿਊਟਰ ਰਾਹੀਂ ਡਰਾਅ ਕੱਢ ਕੇ 10,000 ਵਿਅਕਤੀਆਂ ਨੂੰ ਅਪਲਾਈ ਕਰਨ ਦਾ ਮੌਕਾ ਦਿਤਾ ਜਾਵੇਗਾ।

ਸਰਕਾਰ ਜਾਣਦੀ ਹੈ ਕਿ ਪਰਿਵਾਰਾਂ ਦਾ ਇਕੱਠੇ ਹੋਣਾ ਕਿੰਨਾ ਮਹੱਤਵਪੂਰਣ ਹੈ, ਖ਼ਾਸਕਰ ਮੁਸ਼ਕਲ ਸਮੇਂ ਦੌਰਾਨ।

Related News

Oxford University ਵੀ ਛੇਤੀ ਹੀ ਉਪਲਬਧ ਕਰਵਾਏਗੀ ਕੋਰੋਨਾ ਦੀ ਵੈਕਸੀਨ, ਟ੍ਰਾਇਲ ਦੇ ਨਤੀਜੇ ਰਹੇ ਸ਼ਾਨਦਾਰ

Vivek Sharma

ਏਅਰਫੋਰਸ ਵਨ ‘ਤੇ ਚੜ੍ਹਦੇ ਹੋਏ ਕਈ ਵਾਰ ਡਿੱਗੇ President Joe Biden, ਵ੍ਹਾਈਟ ਹਾਊਸ ਨੇ ਤੇਜ਼ ਹਵਾਵਾਂ ਨੂੰ ਠਹਿਰਾਇਆ ਜ਼ਿੰਮੇਵਾਰ !

Vivek Sharma

ਡਾਊਨਟਾਊਨ ਓਸ਼ਵਾ ‘ਚ ਵਾਪਰੀ ਦੋਹਰੀ ਸ਼ੂਟਿੰਗ ਦੀ ਘਟਨਾ ‘ਚ ਇੱਕ ਵਿਅਕਤੀ ਦੀ ਮੌਤ

Rajneet Kaur

Leave a Comment