ਅਜੈਕਸ ਵਿਚ ਇਕ ਵਾਹਨ ਹਾਦਸੇ ਤੋਂ ਬਾਅਦ ਇਕ 78 ਸਾਲਾ ਓਸ਼ਾਵਾ ਵਿਅਕਤੀ ਦੀ ਮੌਤ ਹੋ ਗਈ ਹੈ। ਇਹ ਇਹ ਹਾਦਸਾ ਵੀਰਵਾਰ ਸਵੇਰੇ ਕਰੀਬ 10:30 ਵਜੇ ਦੱਖਣ ਵਿਚ ਹਾਰਡਵਡ ਐਵੇਨਿਉ ਅਤੇ 401 ਦੇ ਦੱਖਣ ਵਿਚ ਐਚਲਿਸ ਰੋਡ ਵਿਖੇ ਵਾਪਰਿਆ।
ਇੱਕ ਗਰੇਅ ਸ਼ੇਵਰਲੇਟ ਕੋਬਾਲਟ ਪਹਿਲਾਂ ਇਕ ਗਰੇਅ ਜੀਪ ਨਾਲ ਟਕਰਾਈ। ਫਿਰ ਕੋਬਾਲਟ ਦੀ ਟੱਕਰ ਇਕ ਡਿਲੀਵਰੀ ਵੈਨ ਨਾਲ ਹੋਈ। ਇਸ ਟੱਕਰ ਵਿੱਚ ਕੋਬਾਲਟ ਦਾ ਡਰਾਈਵਰ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਿਆ। ਪੀੜਿਤ ਵਿਅਕਤੀ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ ਪਰ ਬਾਅਦ ‘ਚ ਉਸਨੂੰ ਹਸਪਤਾਲ ‘ਚ ਮ੍ਰਿਤਕ ਐਲਾਨਿਆ ਗਿਆ। ਉਸਦੇ ਪਰਿਵਾਰ ਦੇ ਕਹਿਣ ਤੇ ਮ੍ਰਿਤਕ ਵਿਅਕਤੀ ਦਾ ਨਾਮ ਨਹੀਂ ਦਸਿਆ ਗਿਆ।
ਇਸ ਭਿਆਨਕ ਹਾਦਸੇ ‘ਚ ਕਿਸੇ ਹੋਰ ਦੇ ਜ਼ਖਮੀ ਹੋਣ ਦੀ ਖਬਰ ਨਹੀਂ ਮਿਲੀ। ਪੁਲਿਸ ਦਾ ਕਹਿਣਾ ਹੈ ਕਿ ਜਾਂਚ ਕਰਨ ਲਈ ਚੌਰਾਹੇ ਨੂੰ ਕਈ ਘੰਟਿਆਂ ਲਈ ਬੰਦ ਕਰ ਦਿੱਤਾ ਗਿਆ ਹੈ।
This is now a fatal collision. Our Collision Investigators are on their way to the scene. Roadways will remain closed for the investigation. Media officer will be heading to the scene. https://t.co/IXSuUNgFlp
— Durham Regional Police (@DRPS) December 17, 2020
