ਟੋਰਾਂਟੋ: ਅਜਕਲ ਹਰ ਦਿਨ ਪੁਲਿਸ ਦੀ ਧੱਕੇਸ਼ਾਹੀ ਦੇਖਣ ਨੂੰ ਮਿਲ ਰਹੀ ਹੈ, ਜਿਸ ਲਈ ਲੋਕਾਂ ਵੱਲੋਂ ਕਈ ਪ੍ਰਦਰਸ਼ਨ ਵੀ ਕੀਤੇ ਜਾ ਰਹੇ ਹਨ। ਹੁਣ ਇਕ ਹੋਰ ਵੀਡੀਓ ਸੋਸ਼ਲ ਮੀਡੀਆ ਤੇ ਖੂਬ ਵਾਇਰਲ ਹੋ ਰਹੀ ਹੈ। ਇਹ ਵੀਡੀਓ ਓਕਵਿਲੇ ਦੀ ਹੈ, ਜਿਥੇ ਇਕ ਪੁਲਿਸ ਅਧਿਕਾਰੀ ਨੌਜਵਾਨ ਨੂੰ ਧੱਕਾ ਦੇ ਰਿਹਾ ਹੈ ਅਤੇ ਉਸਦਾ ਬੈਗ ਵੀ ਸੁੱਟ ਰਿਹਾ ਹੈ ।
Video surfacing online shows @HaltonPolice officers and sergeant from @HRPSOak assaulting civilian who was reportedly treaspassing at a plaza in the area of Third Line/ Dundas. Police say their looking into the incident. #Oakville @ChiefTanner @DeputyWilkie @OakvilleMayor pic.twitter.com/F5yqHxexeC
— Andrew Collins (@ACollinsPhoto) June 20, 2020
ਇਹ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਪੁਲਿਸ ਅਧਿਕਾਰੀ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਹੈਲਟਨ ਦੇ ਪੁਲਿਸ ਅਧਿਕਾਰੀ ਸਟੀਫਨ ਟੈਨਰ ਨੇ ਕਿਹਾ ਹੈ ਕਿ ਇਸ ਘਟਨਾ ਬਾਰੇ ਪਤਾ ਲਗਦਿਆਂ ਹੀ , ਪੁਲਿਸ ਅਧਿਕਾਰੀ ਨੂੰ ਤਨਖਾਹ ਸਮੇਤ ਮੁਅੱਤਲ ਕਰ ਦਿਤਾ ਗਿਆ ਹੈ ।ਦੱਸ ਦਈਏ ਵੀਡੀਓ ‘ਚ ਤਿੰਨ ਹੋਰ ਅਧਿਕਾਰੀ ਵੀ ਨਜ਼ਰ ਆ ਰਹੇ ਹਨ ਪਰ ਉਨ੍ਹਾਂ ਨੇ ਇਸ ‘ਚ ਕੋਈ ਦਖਲਅੰਦਾਜ਼ੀ ਨਹੀਂ ਕੀਤੀ। ਇਹ ਸਭ ਵੀਡੀਓ ਦੇਖਦੇ ਹੋਏ ਟੈਨਰ ਨੇ ਇਹ ਵੀ ਕਿਹਾ ਕਿ “ ਮੈਂ ਇਸ ਵੀਡੀਓ ਵਿੱਚ ਜੋ ਦੇਖਿਆ ਹੈ ਉਸ ਨੂੰੰ ਲੈ ਕੇ ਮੈਂ ਬਹੁਤ ਚਿੰਤਤ ਗਾਂ,ਖ਼ਾਸਕਰ ਉਨ੍ਹਾਂ ਅਧਿਕਾਰੀਆਂ ਦੀਆਂ ਕਾਰਵਾਈਆਂ ਜੋ ਘਟਨਾ ਦੇ ਸਮੇਂ ਮੌਜੂਦ ਸਨ”।
ਹੈਲਟਨ ਦੀ ਪੁਲਿਸ ਨੇ ਦੱਸਿਆਂ ਹੈ ਕਿ ਇਹ ਘਟਨਾ ਅਪ੍ਰੈਲ ਵਿੱਚ ਕਿਸੇ ਸਮੇਂ ਓਕਵਿਲੇ ‘ਚ ਵਾਪਰੀ ਸੀ, ਪਰ ਇਹ ਵੀਡੀਓ ਹੁਣ ਸੋਸ਼ਲ ਮੀਡੀਆ ਦੇ ਜ਼ਰੀਏ ਸਾਰਿਆਂ ਸਾਹਮਣੇ ਆਈ ਹੈ।ਇਸ ਮੌਕੇ ਓਕਵਿਲੇ ਦੇ ਮੇਅਰ ਰੋਬ ਬਰਟਨ ਦਾ ਕਹਿਣਾ ਹੈ ਕਿ ਉਹ ਤਾਰਫ ਕਰਦਾ ਹੈ ਹਾਲਟਨ ਪੁਲਿਸ ਮੁੱਖੀ ਦੀ ਜਿਸਨੇ ਅਧਿਕਾਰੀ ਨੂੰ ਮੁਅੱਤਲ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
