ਮਾਂਟਰੀਅਲ: ਪ੍ਰੀਮੀਅਰ ਫ੍ਰੈਨੋਇਸ ਲੀਗਾਲਟ ਨੇ ਸੋਮਵਾਰ ਨੂੰ ਸੂਬੇ ਵਿੱਚ ਕੋਵਿਡ-19 ਦੇ ਵੱਧ ਰਹੇ ਮਾਮਲਿਆਂ ਬਾਰੇ ਖਦਸ਼ਾ ਜ਼ਾਹਰ ਕੀਤਾ ਅਤੇ ਕਿਊਬੀਸਰਜ਼ (Quebecers) ਨੂੰ ਚੇਤਾਵਨੀ ਦਿੱਤੀ ਕਿ ਜੇ ਉਹ ਜਨਤਕ ਸਿਹਤ ਨਿਯਮਾਂ ਦੀ ਪੂਰੀ ਤਨਦੇਹੀ ਨਾਲ ਪਾਲਣਾ ਨਹੀਂ ਕਰਦੇ ਤਾਂ ਉਹ ਤਾਲਾਬੰਦੀ ਉਪਾਅ ਦੁਬਾਰਾ ਲਾਗੂ ਕਰਨ ਲਈ ਮਜਬੂਰ ਹੋਣਗੇ।
ਉਨ੍ਹਾਂ ਕਿਹਾ ਕਿ ਕਿਉਬਿਕ ‘ਚ ਦੋ ਹਫਤਿਆਂ ਤੋਂ ਨਵੇਂ ਕੇਸਾਂ ਦੀ ਗਿਣਤੀ ਵੱਧ ਦੀ ਜਾ ਰਹੀ ਹੈ। ਲੀਗਾਲਟ ਨੇ ਸਕੂਲ ਬੰਦ ਕਰਨ ਦੀ ਸੰਭਾਵਨਾ ਨੂੰ ਵੀ ਵਧਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਨਵੇਂ ਕੇਸਾਂ ਦੀ ਗਿਣਤੀ ਲਗਾਤਾਰ ਵਧਦੀ ਰਹੀ ਤਾਂ ਸਕੂਲ ਖੋਲ੍ਹਣ ਦਾ ਫੈਸਲਾ ਬਦਲ ਲਿਆ ਜਾਵੇਗਾ। ਦਸ ਦਈਏ ਬਹੁਤ ਸਾਰੇ ਸਕੂਲ ਮਾਰਚ ਤੋਂ ਬਾਅਦ ਹੁਣ ਖੁਲ੍ਹਣ ਜਾ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਲੋਕ ਬੁਖਾਰ ਹੋਣ ਦੇ ਬਾਵਜੂਦ ਵੀ ਘਰਾਂ ਚੋਂ ਨਿਕਲ ਰਹੇ ਹਨ। ਕਈ ਰੈਸਟੋਰੈਂਟਾਂ, ਬਾਰਜ਼ ‘ਚ ਜਾ ਰਹੇ ਹਨ। ਜਿਸ ਕਾਰਨ ਕੋਵਿਡ 19 ਦੇ ਮਾਮਲੇ ਲਗਾਤਾਰ ਵਧ ਜਰ ਰਹੇ ਹਨ। ਬਹੁਤੇ ਲੋਕਾਂ ਨੇ ਕੋਵਿਡ 19 ਦੇ ਨਿਯਮਾਂ ਨੂੰ ਤੋੜਿਆਂ ਹੈ ਜਿਸ ਕਾਰਨ ਹੋਰ ਲੋਕਾਂ ਨੂੰ ਖਤਰੇ ‘ਚ ਪਾਇਆ ਹੈ।
ਦਸ ਦਈਏ ਕਿਊਬਿਕ ‘ਚ ਕੋਰੋਨਾ ਵਾਇਰਸ ਦੇ 62,492 ਕੇਸ ਸਾਹਮਣੇ ਆ ਚੁੱਕੇ ਹਨ ਜਿੰਨ੍ਹਾਂ ਚੋਂ 5,760 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
