ਮੁੱਖ ਵਿਰੋਧੀ ਪਾਰਟੀ ਦੇ ਆਗੂ ਐਰਿਨ ਓ ਟੂਲ ਨੇ ਆਪਣੀ ਨਵੀਂ ਟੀਮ ਦਾ ਕੀਤਾ ਗਠਨ
ਸਿੱਖ ਐੱਮ.ਪੀ. ਟਿਮ ਉੱਪਲ ਨੂੰ ਸੌਂਪੀ ਗਈ ਅਹਿਮ ਜ਼ਿੰਮੇਵਾਰੀ
ਟਿਮ ਉੱਪਲ ਨੂੰ ਦਿੱਤਾ ਗਿਆ ‘ਕਮਿਊਨੀਕੇਸ਼ਨ ਅਫ਼ਸਰ’ ਦਾ ਅਹੁਦਾ
ਓਟਾਵਾ- ਕੈਨੇਡਾ ਵਿਚ ਬੀਤੇ ਦਿਨੀਂ ਮੁੱਖ ਵਿਰੋਧੀ ਪਾਰਟੀ ਦੇ ਆਗੂ ਵਜੋਂ ਚੁਣੇ ਗਏ ਐਰਿਨ ਓ ਟੂਲ ਵਲੋਂ ਆਪਣੀ ਨਵੀਂ ਟੀਮ ਦਾ ਗਠਨ ਕੀਤਾ ਗਿਆ ਹੈ। ਟੂਲ ਨੇ ਨਵੀਂ ‘ਹਾਊਸ ਲੀਡਰਸ਼ਿਪ ਟੀਮ’ ਵਿੱਚ ਸਿੱਖ ਐੱਮ.ਪੀ. ਟਿਮ ਉੱਪਲ ਨੂੰ ਅਹਿਮ ਜ਼ਿੰਮੇਵਾਰੀ ਸੌਂਪੀ ਹੈ। ਟਿਮ ਐਡਮਿੰਟਨ ਮਿਲ ਵੁਡਜ਼ ਤੋਂ ਮੈਂਬਰ ਆਫ ਪਾਰਲੀਮੈਂਟ ਹਨ। ਉਨ੍ਹਾਂ ਟਵਿੱਟਰ ‘ਤੇ ਆਪਣੀ ਤੇ ਟੂਲ ਦੀ ਤਸਵੀਰ ਸਾਂਝੀ ਕਰਦਿਆਂ ਕਿਹਾ ਕਿ ਉਹ ਹਾਊਸ ਲੀਡਰਸ਼ਿਪ ਟੀਮ ਦੇ ਇਕ ਹਿੱਸੇ ਵਜੋਂ ਅਤੇ ਸੰਸਦ ਮੈਂਬਰ ਵਜੋਂ ਕੈਨੇਡੀਅਨਾਂ ਦੇ ਮਸਲਿਆਂ ਲਈ ਰੋਜ਼ਾਨਾ ਲੜਦੇ ਰਹਿਣਗੇ। ਟਿਮ ਉੱਪਲ ਨੇ ਭਰੋਸਾ ਦਿੱਤਾ ਕਿ ਉਹ ਪਾਰਟੀ ਆਗੂ ਵੱਲੋਂ ਉਨ੍ਹਾਂ ਉੱਤੇ ਜਤਾਏ ਗਏ ਵਿਸ਼ਵਾਸ ‘ਤੇ ਖਰੇ ਉੱਤਰਣਗੇ ਅਤੇ ਪਾਰਟੀ ਦੀ ਵਿਚਾਰਧਾਰਾ ਨੂੰ ਵੱਧ ਤੋਂ ਵੱਧ ਲੋਕਾਂ ਤੱਕ ਲੈ ਕੇ ਜਾਣਗੇ ।
I'm pleased to be a part of @ErinOTooleMP's House Leadership team.
I look forward to working with Mr. O'Toole and our leadership team, and to continue fighting for Canadians everyday both as a part of the house leadership team and MP for Edmonton Mill Woods. pic.twitter.com/VyDnbnpbxv
— Tim S. Uppal (@TimUppal) September 2, 2020
MP ਐਰਿਨ ਓ ਟੂਲ ਵਲੋਂ ਟਵੀਟ ਕਰਦੇ ਹੋਏ ਟਿਮ ਉੱਪਲ ਨੂੰ ਨਵੀਂ ਜ਼ਿੰਮੇਵਾਰੀ ਦੀ ਵਧਾਈ ਦਿੱਤੀ
Today, it is with great pride that I am announcing the appointment of the Hon. @TimUppal to the position of Caucus-Party Liaison. Join me in congratulating him! pic.twitter.com/W3zOzYhs50
— Erin O'Toole (@ErinOTooleMP) September 2, 2020
ਟੂਲ ਨੇ ਐੱਮ.ਪੀ. ਟਿਮ ਉੱਪਲ ਨੂੰ ‘ਕਮਿਊਨੀਕੇਸ਼ਨ ਅਫ਼ਸਰ’ ਦਾ ਅਹੁਦਾ ਸੌਂਪਿਆ ਹੈ ਜਦਕਿ ਮੈਨੀਟੋਬਾ ਤੋਂ ਐੱਮ.ਪੀ. ਕੈਂਡਿਸ ਬਰਗੇਨ ਨੂੰ ਡਿਪਟੀ ਲੀਡਰ ਚੁਣਿਆ ਹੈ। ਕੈਂਡਿਸ ਬਰਗੇਨ ਇਸ ਤੋਂ ਪਹਿਲਾਂ ਵੀ ਕੰਜ਼ਰਵੇਟਿਵ ਹਾਊਸ ਲੀਡਰ ਵਜੋਂ ਸੇਵਾਵਾਂ ਨਿਭਾਅ ਰਹੇ ਸਨ। ਉਨ੍ਹਾਂ ਨੇ ਹਾਊਸ ਆਫ਼ ਕਾਮਨਜ਼ ਵਿਚ ਕਾਰਜਸ਼ੀਲ ਕੰਮਾਂ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਉਨ੍ਹਾਂ ਦੀ ਚੋਣ ਪਹਿਲੀ ਵਾਰ 2008 ਵਿਚ ਹੋਈ ਸੀ। ਬਰਗੇਨ ਦੀ ਥਾਂ ਹਾਊਸ ਲੀਡਰ ਦੀ ਜ਼ਿੰਮੇਵਾਰੀ ਹੁਣ ਕਿਊਬਿਕ ਤੋਂ ਐੱਮ.ਪੀ. ਗੇਰਾਰਡ ਡੈਲਟੈਲ ਨੂੰ ਸੌਂਪੀ ਗਈ ਹੈ।
