ਸਸਕਾਟੂਨ ਪੁਲਿਸ ਸਰਵਿਸ ਅਨੁਸਾਰ ਐਤਵਾਰ ਨੂੰ ਇੱਕ 19 ਸਾਲਾ ਕੁੜੀ ਨੂੰ ਗੰਭੀਰ ਜ਼ਖਮੀ ਹਾਲਤ ਦੇ ਚਲਦਿਆਂ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ । ਇਸ ਕੁੜੀ ‘ਤੇ ਚਾਕੂਆਂ ਨਾਲ ਜਾਨਲੇਵਾ ਹਮਲਾ ਕੀਤਾ ਗਿਆ ਸੀ।
ਸ਼ੁਰੂਆਤੀ ਜਾਂਚ ਵਿਚ ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਚਾਕੂ ਮਾਰਨ ਦੀ ਘਟਨਾ ਇਸ ਥਾਂ ਤੋਂ ਕਿਤੇ ਦੂਰ ਵਾਪਰੀ ਹੈ ।
ਇਸ ਘਟਨਾ ਦਾ ਪੁਲਿਸ ਨੂੰ ਉਸ ਸਮੇਂ ਪਤਾ ਲੱਗਾ, ਜਦੋਂ ਸਵੇਰੇ ਕਰੀਬ 11:45 ਵਜੇ ਸਟੈਨਲੇ ਪਲੇਸ ਤੋਂ ਇਕ ਫੋਨ ਰਾਹੀਂ ਉਨ੍ਹਾਂ ਨੂੰ ਇਸ ਬਾਰੇ ਸੂਚਿਤ ਕੀਤਾ ਗਿਆ। ਪੁਲਿਸ ਦਾ ਕਹਿਣਾ ਹੈ ਕਿ 19 ਸਾਲਾ ਕੁੜੀ ਬੁਰੀ ਤਰ੍ਹਾਂ ਨਾਲ ਜ਼ਖਮੀ ਸੀ। ਉਸ ਨੂੰ ਜ਼ਖ਼ਮਾਂ ਦਾ ਇਲਾਜ ਕਰਨ ਲਈ ਹਸਪਤਾਲ ਲਿਜਾਇਆ ਗਿਆ।
Stabbing – Stanley Pl https://t.co/lhSnJ4XLvt
— Saskatoon Police (@SaskatoonPolice) October 18, 2020
ਇਸ ਘਟਨਾ ਦੇ ਮੁਲਜ਼ਮਾ/ਮੁਲਜ਼ਮਾਂ ਨੂੰ ਫੜਨ ਲਈ ਪੁਲਿਸ ਨੇ ਲੋਕਾਂ ਤੋਂ ਸਹਿਯੋਗ ਦੀ ਮੰਗ ਕੀਤੀ ਹੈ ।
ਇਸ ਘਟਨਾ ਦੀ ਜਾਣਕਾਰੀ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਸਸਕੈਟੂਨ ਪੁਲਿਸ ਸਰਵਿਸ (306) 975-8300 ਜਾਂ ਕ੍ਰਾਈਮ ਜਾਫੀ ਨੂੰ 1 (800) 222-8477 ‘ਤੇ ਸੰਪਰਕ ਕਰਨ ਦੀ ਅਪੀਲ ਕੀਤੀ ਗਈ ਹੈ।
