ਸਿਡਨੀ : ਭਾਰਤ-ਆਸਟ੍ਰੇਲੀਆ ਵਨ ਡੇ ਸੀਰੀਜ਼ ਦੇ ਪਹਿਲੇ ਮੁਕਾਬਲੇ ਲਈ ਦੋਵੇਂ ਟੀਮਾਂ ਮੈਦਾਨ ਵਿੱਚ ਉੱਤਰ ਚੁੱਕੀਆਂ ਹਨ। ਟਾਸ ਅਸਟ੍ਰੇਲੀਆ ਨੇ ਜਿੱਤੀ ਹੈ। ਪਹਿਲੇ ਇੱਕ ਦਿਨਾਂ ਮੈਚ ‘ਚ ਮੇਜ਼ਬਾਨ ਆਸਟ੍ਰੇਲੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫ਼ੈਸਲਾ ਲਿਆ ਹੈ। ਇਹ ਮੈਚ ਸਿਡਨੀ ਵਿਖੇ ਹੋ ਰਿਹਾ ਹੈ।
ਵਿਰਾਟ ਕੋਹਲੀ ਦੀ ਅਗਵਾਈ ‘ਚ ਟੀਮ ਇੰਡੀਆ ਲਗਪਗ 8 ਮਹੀਨਿਆਂ ਬਾਅਦ ਵਨ ਡੇ ਮੁਕਾਬਲਾ ਖੇਡਣ ਲਈ ਮੈਦਾਨ ‘ਚ ਉਤਰੀ ਹੈ । ਆਸਟ੍ਰੇਲੀਆ ਦੇ ਖ਼ਿਲਾਫ਼ ਟੀਮ ਇੰਡੀਆ ਤਿੰਨ ਮੈਚਾਂ ਦੀ ਵਨ ਡੇ ਸੀਰੀਜ਼ ਦਾ ਇਹ ਪਹਿਲਾ ਮੁਕਾਬਲਾ ਖੇਡ ਰਹੀ ਹੈ ।
ਇਸ ਮੁਕਾਬਲੇ ਲਈ ਟੀਮ ਇੰਡੀਆ ਨੇ ਖਾਸੀਆਂ ਤਿਆਰੀਆਂ ਕੀਤੀਆਂ ਹਨ । ਕਪਤਾਨ ਵਿਰਾਟ ਕੋਹਲੀ ਕਾਫੀ ਵਧੀਆ ਲੈਅ ‘ਚ ਨਜ਼ਰ ਆ ਰਹੇ ਹਨ।
ਦੱਸ ਦਈਏ ਕਿ ਵਿਰਾਟ ਕੋਹਲੀ ਅਤੇ ਭਾਰਤੀ ਟੀਮ ਦੇ ਕਈ ਖਿਲਾੜੀ ਆਸਟ੍ਰੇਲੀਆ ‘ਚ ਕ੍ਰਿਕਟ ਸੀਰੀਜ਼ ਤੋਂ ਪਹਿਲਾਂ ਯੂਏਈ ‘ਚ ਆਈ.ਪੀ.ਐੱਲ.-13 ਖੇਡ ਕੇ ਆਏ ਹਨ ਤੇ ਇਹ ਸੀਜ਼ਨ ਤਿਆਰੀਆਂ ਦੇ ਲਿਹਾਜ਼ ਨਾਲ ਕਾਫੀ ਵਧੀਆ ਰਿਹਾ। IPL ‘ਚ ਵਿਰਾਟ ਨੇ ਕੁਝ ਵਧੀਆ ਪਾਰੀਆਂ ਖੇਡੀਆਂ ਤਾਂ ਕੁਝ ਪਾਰੀਆਂ ਨੇ ਨਿਰਾਸ਼ ਵੀ ਕੀਤਾ। ਹੁਣ ਇਕ ਵਾਰ ਫਿਰ ਤੋਂ ਕਪਤਾਨ ਤੇ ਬੱਲੇਬਾਜ਼ ਦੇ ਤੌਰ ‘ਤੇ ਵਿਰਾਟ ਕੋਹਲੀ ਦੀ ਵੱਡੀ ਪ੍ਰੀਖਿਆ ਹੋਣ ਜਾ ਰਹੀ ਹੈ। ਆਸਟ੍ਰੇਲੀਆ ਦੇ ਖ਼ਿਲਾਫ਼ ਵਨਡੇ ਸੀਰੀਜ਼ ‘ਚ ਜਿੱਤ ਦਰਜ ਕਰਨ ਲਈ ਕਪਤਾਨ ਵਿਰਾਟ ਕੋਹਲੀ ਦਾ ਬੱਲਾ ਚੱਲਣਾ ਜ਼ਰੂਰੀ ਹੈ।
