ਵੈਨਕੂਵਰ : ਕਰੀਬ 100 ਦਿਨਾਂ ਤੋਂ ਵੱਧ ਸਮਾਂ ਬੰਦ ਰਹਿਣ ਤੋਂ ਬਾਅਦ ਫ਼ਿਲਮ ਥੀਏਟਰਾਂ ਵਿੱਚ ਹੁਣ ਰੌਣਕ ਨਜ਼ਰ ਆਉਣੀ ਸ਼ੁਰੂ ਹੋ ਗਈ ਹੈ।
ਹੁਣ ਜਦੋਂ ਬ੍ਰਿਟਿਸ਼ ਕੋਲੰਬੀਆ ਆਪਣੀ ‘ਮੁੜ ਚਾਲੂ ਯੋਜਨਾ’ ਦੇ ਤੀਜੇ ਪੜਾਅ ਵਿਚ ਆ ਗਿਆ ਹੈ, ਫਿਲਮਾਂ ਦੇ ਥੀਏਟਰ ਦੁਬਾਰਾ ਖੁੱਲ੍ਹ ਰਹੇ ਹਨ, ਪਰ ਇਹਨਾਂ ਨੂੰ ਸਮਾਜਿਕ ਦੂਰੀ ਅਤੇ ਹੋਰ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਸਮਰੱਥਾ ਤੋਂ ਘੱਟ ਦਰਸ਼ਕਾਂ ਨਾਲ ਹੀ ਸ਼ੁਰੂ ਕੀਤਾ ਗਿਆ ਹੈ।
ਬੀ.ਸੀ. ਵਿਚ ਸ਼ੁੱਕਰਵਾਰ ਤੋਂ 13 ਥਾਵਾਂ ‘ਤੇ ਲੈਂਡਮਾਰਕ ਸਿਨੇਮਾਜ਼ ਖੋਲ ਦਿੱਤੇ ਗਏ। ਥੀਏਟਰ ਖੋਲ੍ਹੇ ਜਾਣ ‘ਤੇ ਲੈਂਡਮਾਰਕ ਸਿਨੇਮਾਜ਼ (ਕੈਨੇਡਾ) ਦੇ ਸੀਈਓ ਬਿੱਲ ਵਾਕਰ ਨੇ ਕਿਹਾ, “ਅਸੀਂ ਅਲਬਰਟਾ ਵਿਚ ਸਪਤਾਹੰਤ ਹਫਤੇ ਦੀ ਮੰਗ ਤੋਂ ਹੈਰਾਨ ਹੋਏ ਹਾਂ। ਅਲਬਰਟਾ ਵਿੱਚ ਚੋਣਵੇਂ ਸਥਾਨਾਂ ‘ਤੇ 26 ਜੂਨ ਤੋਂ ਥੀਏਟਰ ਖੋਲ੍ਹੇ ਜਾ ਚੁੱਕੇ ਹਨ in ਸਿਨੇਘਰਾਂ ਦੇ ਅੰਦਰ ਅਤੇ ਬਾਹਰ ਸਮਾਜਿਕ ਦੂਰੀ ਨਿਯਮ ਦੀ ਪਾਲਣਾ ਕੀਤੀ ਜਾ ਰਹੀ ਹੈ । ਥੀਏਟਰ ਦੇ ਅੰਦਰ ਬੈਠਣ ਸਮੇਂ ਇਸ ਤਰ੍ਹਾਂ ਵਿਵਸਥਾ ਕੀਤੀ ਗਈ ਹੈ ਕਿ ਸਰੀਰਕ ਦੂਰੀ ਬਣਾ ਕੇ ਰੱਖੀ ਜਾ ਸਕੇ ।
“ਪਹਿਲੇ ਚਾਰ ਦਿਨਾਂ ਦੌਰਾਨ ਉਪਲੱਬਧ ਸੀਟਾਂ ਵਿਚੋਂ ਲਗਭਗ 60 ਪ੍ਰਤੀਸ਼ਤ ਦੀ ਵਿਕਰੀ ਹੋਈ। ਵਾਕਰ ਨੇ ਦੱਸਿਆ ਕਿ ਹਰ ਇਕ ਆਡੀਟੋਰੀਅਮ ਦੀਆਂ ਕੁੱਲ ਉਪਲਬਧ ਸੀਟਾਂ ਦੀਆਂ ਸਿਰਫ 45 ਪ੍ਰਤੀਸ਼ਤ ਸੀਟਾਂ ਹੀ ਵਿਕਰੀ ਲਈ ਉਪਲਬਧ ਹਨ। ਥੀਏਟਰ ਮੁੜ ਤੋਂ ਸ਼ੁਰੂ ਹੋਣ ਨਾਲ ਇਸ ਪੇਸਕਨਾਲ ਜੁੜੇ ਮੁਲਾਜ਼ਮਾਂ ਨੂੰ ਰੁਜ਼ਗਾਰ ਵੀ ਮਿਲ ਗਿਆ ਹੈ ।
ਵਾਕਰ ਦਾ ਅੰਦਾਜ਼ਾ ਹੈ ਕਿ ਲੈਂਡਮਾਰਕ ਨੇ ਬੀ.ਸੀ. ਵਿਚ 400 ਲੋਕਾਂ ਨੂੰ ਨੌਕਰੀ ਦਿੱਤੀ ਸੀ, ਅਤੇ ਸਰਕਾਰੀ ਤਨਖਾਹ ਦੀਆਂ ਸਬਸਿਡੀਆਂ ਦੇ ਬਦਲੇ ਆਪਣਾ ਪੂਰਾ ਸਮਾਂ ਕੰਮ ਕਰਨ ਵਾਲੇ ਕਰਮਚਾਰੀਆਂ ਨੂੰ ਕਾਇਮ ਰੱਖਣ ਵਿਚ ਕਾਮਯਾਬ ਰਿਹਾ ਸੀ। ਹੁਣ ਥੀਏਟਰ ਖੁੱਲ੍ਹਣ ਨਾਲ ਪਾਰਟ-ਟਾਈਮ ਕਰਮਚਾਰੀਆਂ ਨੂੰ ਦੁਬਾਰਾ ਨੌਕਰੀ ‘ਤੇ ਆਉਣ ਦੀ ਆਗਿਆ ਦਿੱਤੀ ਗਈ ਹੈ। ਫ਼ਿਲਹਾਲ ਸਿਨੇਮਾ ਮਾਲਕ ਅਗਸਤ ਮਹੀਨੇ ਵੱਲ ਵੇਖ ਰਹੇ ਹਨ, ਜਦੋਂ ਨਵੀਂਆਂ ਫ਼ਿਲਮਾਂ ਰਿਲੀਜ਼ ਹੋਣਗੀਆਂ।
