ਕੈਨੇਡਾ ਵਿੱਚ ਕੋਰੋਨਾ ਵਾਇਰਸ ਦੀ ਮਾਰ ਜਾਰੀ
ਬੀਤੇ ਦਿਨ 4 ਦੀ ਗਈ ਜਾਨ, 267 ਨਵੇਂ ਪ੍ਰਭਾਵਿਤ ਆਏ ਸਾਹਮਣੇ
ਕੋਰੋਨਾ ਦਾ ਫੈਲਾਅ ਰੁਕਿਆ, ਪ੍ਰਭਾਵਿਤਾਂ ਦਾ ਵਾਧਾ ਲਗਾਤਾਰ ਜਾਰੀ
ਕੋਰੋਨਾ ਪ੍ਰਭਾਵਿਤਾਂ ਦੇ ਸਿਹਤਯਾਬ ਹੋਣ ਦੀ ਦਰ 88 ਫੀਸਦੀ
ਓਟਾਵਾ : ਕੋਰੋਨਾ ਵਾਇਰਸ ਦਾ ਪ੍ਰਭਾਵ ਕੈਨੇਡਾ ਵਿੱਚ ਘਟਿਆ ਜਰੂਰ ਹੈ ਪਰ ਇਸ ਕਾਰਨ ਜਾਨ ਗੁਆਉਣ ਵਾਲਿਆਂ ਦੀ ਗਿਣਤੀ ਚ ਵਾਧਾ ਲਗਾਤਾਰ ਜਾਰੀ ਹੈ । ਕੈਨੇਡਾ ਵਿਖੇ ਐਤਵਾਰ ਨੂੰ ਨਾਵਲ ਕੋਰੋਨਾ ਵਾਇਰਸ ਦੇ ਘੱਟੋ ਘੱਟ 267 ਕੇਸ ਦਰਜ ਕੀਤੇ ਗਏ ਜਿਨ੍ਹਾਂ ਦੀ ਪੁਸ਼ਟੀ ਲੈਬ ਟੈਸਟ ਰਾਹੀਂ ਹੋਈ, ਇਸ ਦੇ ਨਾਲ ਹੀ ਚਾਰ ਹੋਰ ਲੋਕਾਂ ਦੀ ਜਾਨ ਕੋਰੋਨਾ ਵਾਇਰਸ ਕਾਰਨ ਚਲੀ ਗਈ।
ਤਾਜ਼ਾ ਅੰਕੜਿਆਂ ਅਨੁਸਾਰ ਦੇਸ਼ ਦੀ ਕੁੱਲ ਕੋਵਿਡ-19 ਕੇਸ ਗਿਣਤੀ 116,884 ਜਾ ਪੁੱਜੀ ਹੈ ਜਦੋਂ ਕਿ ਕੋਰੋਨਾ ਕਾਰਨ ਜਾਨ ਗੁਆਉਣ ਵਾਲਿਆਂ ਦੀ ਗਿਣਤੀ 8,945 ਹੋ ਗਈ ਹੈ।
ਕੁੱਲ 101,574 ਲੋਕ ਕੈਨੇਡਾ ਵਿੱਚ ਕੋਰੋਨਾ ਨੂੰ ਹਰਾ ਕੇ ਸਿਹਤਯਾਬ ਹੋਏ ਹਨ, ਇਸ ਤਰ੍ਹਾਂ ਕੋਰੋਨਾ ਪ੍ਰਭਾਵਿਤਾਂ ਦੇ ਸਿਹਤਯਾਬ ਹੋਣ ਦੀ ਦਰ 88 ਫੀਸਦੀ ਤੱਕ ਪੁੱਜ ਗਈ ਹੈ
ਕੈਨੇਡਾ ਵਿੱਚ 4.8 ਮਿਲੀਅਨ ਤੋਂ ਵੱਧ ਕੋਵਿਡ ਟੈਸਟ ਕਰਵਾਏ ਗਏ ਹਨ।
ਕੈਨੇਡਾ ਦੀ ਮੁੱਖ ਜਨ ਸਿਹਤ ਅਧਿਕਾਰੀ ਡਾ. ਥੇਰੇਸਾ ਟਾਮ ਲਗਾਤਾਰ ਲੋਕਾਂ ਨੂੰ ਕੋਰੋਨਾ ਖਿਲਾਫ਼ ਜਾਗਰੂਕ ਕਰ ਰਹੇ ਨੇ ਅਤੇ ਉਨਾਂ ਨਾਲ ਕੋਰੋਨਾ ਦੇ ਅੰਕੜਿਆਂ ਦੀ ਸਾਂਝ ਪਾ ਰਹੇ ਨੇ।
#COVID19 Safety Tip: avoid or strictly limit time spent in Closed spaces, Crowded Places and Close Contacts situations. Less is best – don’t double or triple dip into the high-risk 3-Cs! pic.twitter.com/oQCktpxVHx
— Dr. Theresa Tam (@CPHO_Canada) August 2, 2020
ਇਸ ਤੋ ਪਹਿਲਾਂ ਐਤਵਾਰ ਨੂੰ ਇੱਕ ਬਿਆਨ ਵਿੱਚ, ਡਾ. ਥੇਰੇਸਾ ਟਾਮ ਨੇ ਮਹਾਂਮਾਰੀ ਦੇ ਦੌਰਾਨ ਕੈਨੇਡੀਅਨਾਂ ਨੂੰ ਉਨ੍ਹਾਂ ਦੀ ਮਾਨਸਿਕ ਸਿਹਤ ਦਾ ਖਿਆਲ ਰੱਖਣ ਲਈ ਉਤਸ਼ਾਹਤ ਕੀਤਾ।
8/8 The health impacts of the #COVID19 pandemic go beyond the illness itself. By taking steps to care for our #MentalHealth, we can improve our overall health. #TakeThatStep
— Dr. Theresa Tam (@CPHO_Canada) August 2, 2020
ਡਾ. ਥੇਰੇਸਾ ਟਾਮ ਨੇ ਆਪਣੇ ਸੰਦੇਸ਼ ਵਿਚ ਲਿਖਿਆ,
“ਕੋਵਿਡ -19 ਦੇ ਨਤੀਜੇ ਵਜੋਂ ਸਾਡੀ ਰੋਜ਼ਮਰ੍ਹਾ ਦੀ ਜ਼ਿੰਦਗੀ ਵਿੱਚ ਬਹੁਤ ਤਬਦੀਲੀਆਂ ਆਈਆਂ ਹਨ। ਟਾਮ ਵੱਲੋਂ ਸ਼ੇਅਰ ਕੀਤੀ ਗਏ ਇੱਕ ਟਵੀਟ ਵਿੱਚ ਲਿਖਿਆ ਗਿਆ,
“ਤੁਸੀਂ ਇਕੱਲੇ ਨਹੀਂ ਹੋ ਜੇ ਤੁਸੀਂ ਆਪਣੀ ਭਾਵਨਾਤਮਕ ਅਤੇ ਮਨੋਵਿਗਿਆਨਕ ਤੰਦਰੁਸਤੀ ਨੂੰ ਕਾਇਮ ਰੱਖਣ ਵਿੱਚ ਚੁਣੌਤੀ
ਨੂੰ ਮਹਿਸੂਸ ਕਰ ਰਹੇ ਹੋ – ਅਸੀਂ ਇਕੱਠੇ ਹੋ ਕੇ ਇਨ੍ਹਾਂ ਚੁਣੌਤੀਆਂ ਨੂੰ ਪਾਰ ਕਰ ਸਕਦੇ ਹਾਂ.
“ਆਪਣੀ ਮਾਨਸਿਕ ਸਿਹਤ ਦਾ ਖਿਆਲ ਰੱਖਣ ਲਈ ਅਸੀਂ ਬਹੁਤ ਸਾਰੀਆਂ ਚੀਜ਼ਾਂ ਕਰ ਸਕਦੇ ਹਾਂ ਅਤੇ ਮਹਾਂਮਾਰੀ ਦੇ ਦੌਰਾਨ ਅਜਿਹਾ ਕਰਨਾ ਵਿਸ਼ੇਸ਼ ਤੌਰ ‘ਤੇ ਮਹੱਤਵਪੂਰਨ ਹੈ.”
ਫਿਲਹਾਲ ਡਾਕਟਰੀ ਅਮਲੇ ਦੀ ਵਧੀਆ ਕਾਰਗੁਜ਼ਾਰੀ ਦੇ ਚਲਦਿਆਂ ਕੋਰੋਨਾ ਦੇ ਮਾਮਲੇ ਹੌਲੀ ਹੌਲੀ ਕਾਬੂ ਹੇਠ ਆਉਣੇ ਸ਼ੁਰੂ ਹੋ ਗਏ ਹਨ।