ਕੋਰੋਨਾ ਵਾਇਰਸ ਮਹਾਂਮਾਰੀ ਨਾਲ ਪੂਰੀ ਦੁਨੀਆ ਜੂਝ ਰਹੀ ਹੈ ਅਤੇ ਹੁਣ ਤੱਕ ਲੱਖਾਂ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ ਜਦੋਂਕਿ ਕਰੋੜਾਂ ਲੋਕ ਇਸ ਮਹਾਂਮਾਰੀ ਨਾਲ ਲੜ ਰਹੇ ਹਨ। ਇਹ ਮਹਾਂਮਾਰੀ ਵਿਸ਼ਵ ਸਿਹਤ ਸੰਗਠਨ ‘ਚ ਵੀ ਪਹੁੰਚ ਗਈ ਹੈ। ਦਸ ਦਈਏ WHO ‘ਚ 65 ਕਰਮਚਾਰੀਆਂ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ।
WHO ਨੇ ਟਵੀਟ ਕਰ ਕੇ ਇਹ ਜਾਣਕਾਰੀ ਸਾਂਝੀ ਕੀਤੀ ਹੈ। ਸੰਗਠਨ ਦਾ ਕਹਿਣਾ ਹੈ ਕਿ ਮਹਾਮਾਰੀ ਦੀ ਸ਼ੁਰੂਆਤ ਤੋਂ ਬਾਅਦ ਜੇਨੇਵਾ ਸਥਿਤ WHO ਦਫ਼ਤਰ ‘ਚ ਤਾਇਨਾਤ 65 ਕਰਮਚਾਰੀ ਘਰ ਤੋਂ ਕੰਮ ਕਰ ਰਹੇ ਹਨ। ਇਨ੍ਹਾਂ ‘ਚੋਂ WHO ਦੇ 32 ਕਰਮਚਾਰੀ ਅਜਿਹੇ ਹਨ ਜੋ ਮੁੱਖ ਦਫਤਰ ਭਵਨ ਕੰਪਲੈਕਸ ‘ਚ ਕੰਮ ਕਰਦੇ ਹਨ।
Since the start of the pandemic, a total 65 WHO staff stationed in Geneva – working from home and onsite – have tested positive for #COVID19. We have not yet established whether any transmission has occurred on campus, but are looking into the matter.
— World Health Organization (WHO) (@WHO) November 16, 2020
ਸੰਗਠਨ ਦਾ ਕਹਿਣਾ ਹੈ ਕਿ ਹਾਲੇ ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੋ ਸਕੀ ਹੈ ਕੋਰੋਨਾ ਵਾਇਰਸ ਦਾ ਇਹ ਪਸਾਰ WHO ਕੰਪਲੈਕਸ ਤੋਂ ਹੋਇਆ ਹੈ। ਇਸ ਦੀ ਪੜਤਾਲ ਕੀਤੀ ਜਾ ਰਹੀ ਹੈ। ਇਸ ਟਵੀਟ ‘ਚ ਕਿਹਾ ਗਿਆ ਹੈ ਕਿ WHO ਦਫਤਰ ‘ਚ ਕੋਰੋਨਾ ਪਾਜ਼ੀਟਿਵ ਕੇਸ ਮਿਲਣ ਤੋਂ ਬਾਅਦ ਇੱਥੇ ਤਾਇਨਾਤ ਲੋਕਾਂ ਦੇ ਮੈਡੀਕਲ ਦਾ ਖਾਸ ਖਿਆਲ ਰੱਖਿਆ ਜਾ ਰਿਹਾ ਹੈ। ਦਫਤਰ ਕੰਪਲੈਕਸ ਦੀ ਸਫਾਈ ਨਾਲ ਕੋਰੋਨਾ ਪ੍ਰੋਟੋਕੋਲ ਦਾ ਵੀ ਵਿਸ਼ੇਸ਼ ਧਿਆਨ ਰੱਖਿਆ ਜਾ ਰਿਹਾ ਹੈ।
WHO staff who were confirmed positive with #COVID19 in Geneva have received the necessary medical attention. WHO carried out full contact tracing and related protocols. Enhanced cleaning protocols were implemented in relevant offices.
— World Health Organization (WHO) (@WHO) November 16, 2020
