Channel Punjabi
Canada International News North America

 ਓਟਾਵਾ ਦੇ 5 ਸਕੂਲਾਂ ਦੇ 200 ਸਟਾਫ ਤੇ ਵਿਦਿਆਰਥੀਆਂ ਨੂੰ ਭੇਜਿਆ ਸੈਲਫ ਆਈਸੋਲੇਸ਼ਨ ‘ਚ

ਸਕੂਲ ਖੁੱਲਣ ਤੇ ਬਚਿਆਂ ਤੇ ਅਧਿਆਪਕਾਂ ਲਈ ਸਭ ਤੋਂ ਵੱਡੀ ਚਿੰਤਾ ਬਣੀ ਹੋਈ ਹੈ। ਅਜਿਹੇ ਦੇ ਵਿਚ ਇੱਕ ਪਾਸੇ ਜਿਥੇ ਪ੍ਰਸ਼ਾਸ਼ਨ ਵਲੋਂ ਸੁਰਖਿਆ ਦੀਆਂ ਤਿਆਰੀਆਂ ਮੁਕੰਮਲ ਹੋਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ ਦੂਜੇ ਪਾਸੇ ਕੈਨੇਡਾ ਦੇ ਕੁਝ ਸਕੂਲਾਂ ਦੀਆਂ ਅਜਿਹੀਆਂ ਖਬਰਾਂ ਸਾਹਮਣੇ ਆ ਰਹੀਆਂ ਨੇ ਜਿਸ ਨਾਲ ਮਾਪਿਆਂ ਦੀ ਚਿੰਤਾ ਹੋਰ ਵਧਦੀ ਜਾ ਰਹੀ ਹੈ।

ਓਟਾਵਾ ਦੇ ਇੱਕ ਉੱਚ ਡਾਕਟਰ ਦੀ ਜਾਣਕਾਰੀ ਮੁਤਾਬਕ 190 ਵਿਦਿਆਰਥੀਆਂ ਤੇ 10 ਅਧਿਆਪਕਾਂ ਨੂੰ ਕੋਰੋਨਾ ਪੀੜਿਤ ਦੇ ਸਪੰਰਕ ‘ਚ ਆਉਣ ਕਾਰਨ ਆਈਸੋਲੇਟ ਹੋਣਾ ਪਿਆ ਹੈ। ਇਹ ਓਟਾਵਾ ਦੇ ਪੰਜ ਸਕੂਲਾਂ ਨਾਲ ਸਬੰਧਿਤ ਦਸੇ ਜਾ ਰਹੇ ਹਨ।

ਮੈਡੀਕਲ ਅਧਿਕਾਰੀ ਡਾਕਟਰ ਵੇਰਾ ਐਚਜ਼ (Dr. Vera Etches ) ਨੇ ਦਸਿਆ ਕਿ ਇਹ ਲੋਕ ਸਕੂਲ ਵਿਚ ਕੋਰੋਨਾ ਦੇ ਸ਼ਿਕਾਰ ਨਹੀਂ ਹੋਏ ਭਾਵ ਉਹ ਬਾਹਰੋਂ ਹੀ ਕੋਰੋਨਾ ਦੇ ਸ਼ਿਕਾਰ ਹੋਏ ਹਨ। ਦੱਸ ਦਈਏ ਕਿ 200 ਸਟਾਫ ਮੈਂਬਰ ਤੇ 5 ਫ੍ਰੈਂਚ ਕਥੋਲਿਕ ਸਕੂਲਾਂ ਦੇ ਵਿਦਿਆਰਥੀਆਂ ਨੂੰ ਅਲਗ ਥਲਗ ਹੋਣ ਲਈ ਕਿਹਾ ਗਿਆ ਹੈ।

ਸਿਹਤ ਤੇ ਮੈਡੀਕਲ ਅਧਿਕਾਰੀ ਦਾ ਕਹਿਣਾ ਹੈ ਕਿ ਸੰਭਾਵਤ ਕੋਰੋਨਾ ਵਾਇਰਸ ਦਾ ਸਾਹਮਣਾ ਕਰਨ ਦੀ ਸੰਭਾਵਨਾ ਸਕੂਲ ਬੱਸਾ ਤੇ ਸਵਾਰ ਹੋ ਗਈ ਹੈ।ਐਚਜ਼ ਨੇ ਕਿਹਾ ਹੈ ਕਿ ਅਲਗ ਥਲ਼ਗ ਰਹਿਣ ਵਾਲੇ ਵਿਦਿਆਰਥੀਆਂ ਦੀ ਵਧੇਰੇ ਗਿਣਤੀ ਸਕੂਲ ਬੱਸਾਂ ਵਿਚ ਸਵਾਰ ਹੋ ਰਹੇ ਸੰਭਾਵਤ ਐਕਸਪੋਜਰ ਦੇ ਕਾਰਨ ਹੈ ਨਾ ਕੀ ਕਲਾਸਰੂਮ ਦੇ ਵਿੱਚ। ਐਚਜ਼ ਨੇ ਇਹ ਜ਼ਰੂਰ ਕਿਹਾ ਹੈ ਕਿ ਅਸੀ ਇਹ ਸੁਨਿਸ਼ਚਿਤ ਕਰਨ ਦੀ ਪੂਰੀ ਪਹੁੰਚ ਕਰ ਰਹੇ ਹਾਂ ਕਿ ਬੱਸ ਚ ਸਵਾਰ ਹਰ ਵਿਅਕਤੀ ਜਦੋਂ ਉਹ ਕਿਸੇ ਦੇ ਨਾਲ ਸੀ ਜਿਸਨੇ ਸਕਾਰਾਤਮਕ ਟੈਸਟ ਦਿਤਾ ਹੈ ਕਿ ਉਨਾਂ ਸਾਰਿਆਂ ਨੂੰ ਘਰ ਤੋਂ ਅਲਗ ਥਲਗ ਕਰ ਦਿਤਾ ਗਿਆ ਹੈ। ਉਨਾਂ ਕਿਹਾ ਕਿ ਜਨਤਕ ਸਿਹਤ ਅਧਿਕਾਰੀ ਇਹ ਭਰੋਸਾ ਨਹੀਂ ਕਰਦੇ ਕਿ ਵਿਦਿਆਰਥੀਆਂ ਨੂੰ ਬੱਸ ਚ ਸਵਾਰੀਆਂ ਤੋਂ ਦੂਰੀ ਦਿਤੀ ਗਈ ਸੀ। ਇਸ ਲਈ ਸਾਰਿਆਂ ਨੂੰ ਹੀ ਅਲਗ ਥਲਗ ਕਰਨ ਲਈ ਕਿਹਾ ਹੈ। ਐਚਜ ਨੇ ਕਿਹਾ ਕਿ 200 ਲੋਕਾਂ ਨੂੰ ਆਖਰੀ ਸੰਭਾਵਤ ਐਕਸਪੋਜਰ ਤੋਂ ਸ਼ੁਰੂ ਕਰਦਿਆਂ 14 ਦਿਨਾਂ ਲਈ ਵਖ ਰਹਿਣਾ ਪਵੇਗਾ। ਓਟਾਵਾ ਪਬਲਿਕ ਹੈਲਥ ਨੇ ਕਿਹਾ ਕਿ ਸਾਰੇ ਉੱਚ ਜੋਖਮ ਵਾਲੇ ਸਪੰਰਕਾਂ ਨੂੰ ਸਵੈ ਅਲਗ ਥਲ਼ਗ ਹੋਣਾ ਚਾਹੀਦਾ ਹੈ ਭਾਵੇਂ ਉਨਾਂ ਦਾ ਟੈਸਟ ਦਾ ਨਾਕਾਰਾਤਮਕ ਨਤੀਜਾ ਕਿਉਂ ਨਾ ਹੋਵੇ।

ਐਚਜ਼ ਨੇ ਕਿਹਾ ਹੈ ਕਿ ਲੋਕਾਂ ਨੂੰ ਸੰਭਾਵਤ ਐਕਸਪੋਜਰ ਦੇ ਪੰਜ ਦਿਨਾਂ ਤੋਂ ਜਲਦੀ ਟੈਸਟ ਨਹੀਂ ਕਰਵਾਉਣਾ ਚਾਹੀਦਾ, ਕਿਉਕਿ ਇਹ ਵਾਇਰਸ ਦੇ ਪੱਧਰ ਤੱਕ ਵਧਣ ਲਈ ਲਗਭਗ ਪੰਜ ਦਿਨ ਲੈਂਦਾ ਹੈ। ਏਚਜ਼ ਨੇ ਖਬਰਾਂ ਮੁਤਾਬਕ 6 ਮਾਮਲਿਆਂ ਦੀ ਪੁਸ਼ਟੀ ਵਿਚ ਸਕੂਲ ਤੋਂ ਵਾਇਰਸ ਦਾ ਸੰਕਰਮਣ ਨਾ ਹੋਣ ਦੀ ਗੱਲ ਆਖੀ। ਉਨ੍ਹਾਂ ਕਿਹਾ ਕਿ ਆਮ ਤੌਰ ਤੇ ਸਕੂਲ ਵਾਪਿਸ ਜਾਣ ਤੇ ਜੁਕਾਮ ਹੁੰਦਾ ਸੀ ਕੁਝ ਅਜਿਹੀਆਂ ਚੀਜ਼ਾਂ ਹੁੰਦੀਆਂ ਸਨ ਜੋ ਜਾਰੀ ਰਹਿੰਦਿਆਂ ਨੇ ਪਰ ਗੰਭੀਰ ਨਹੀਂ ਹੁੰਦੀਆਂ। ਦੱਸ ਦਈਏ ਕਿ ਕਈ ਹਾਈ ਸਕੂਲ ਵਿਦਿਆਰਥੀ ਵੀ ਕਲਾਸਾਂ ਚ ਪਰਤ ਆਏ ਹਨ। ਪਬਲਿਕ ਬੋਰਡ ਚ ਐਲੀਮੈਂਟਰੀ ਵਿਦਿਆਰਥੀ ਅਗਲੇ ਹਫਤੇ ਸਕੂਲ ਵਾਪਿਸ ਆਉਣਗੇ। ਕੁਲ ਮਿਲਾ ਕੇ ਪੰਜ ਸਥਾਨਕ ਬੋਰਡ ਸਕੂਲ ਖੁਲ੍ਹ ਰਹੇ ਨੇ ਪਰ ਕੈਨੇਡਾ ਡਿਸਟ੍ਰਿਕਚ ਸਕੂਲ ਬੋਰਡ ਇਸ ਖੇਤਰ ਚ ਇੱਕੋ ਇਕ ਹੈ ਜੋ ਬਿਨਾਂ ਵਿਦਿਆਰਥੀਆਂ ਤੋਂ ਵਾਪਿਸ ਪਰਤਿਆ। ਓਟਾਵਾ ਕੈਥੋਲਿਕ ਸਕੂਲ ਬੋਰਡ ਦੇ ਸਭ ਤੋਂ ਛੋਟੇ ਵਿਦਿਆਰਥੀ ਮੰਗਲਵਾਰ ਨੂੰ ਕਲਾਸ ਵਿਚ ਵਾਪਿਸ ਪਰਤੇ ਹਨ। ਫਿਲਹਾਲ ਓਟਾਵਾ ਤੋਂ ਇਲਾਵਾ ਹੋਰ ਕਈ ਸਕੂਲਾਂ ਲਈ ਚਿੰਤਾ ਵਧੀ ਹੋਈ ਹੈ।

Related News

ਟੋਰਾਂਟੋ: ਉੱਤਰੀ ਸਿਰੇ ‘ਤੇ ਸ਼ੂਟਿੰਗ ਤੋਂ ਬਾਅਦ ਇਕ ਔਰਤ ਨੂੰ ਗੰਭੀਰ ਹਾਲਤ ‘ਚ ਪਹੁੰਚਾਇਆ ਗਿਆ ਹਸਪਤਾਲ

Rajneet Kaur

ਅਮਰੀਕਾ ਵਿਚ ਲਗਾਤਾਰ ਗੋਲੀਬਾਰੀ ਦੀਆਂ ਘਟਨਾਵਾਂ ਕਾਰਨ ਜੋਅ ਬਾਇਡਨ ਨੇ ਕਾਰਵਾਈ ਦੇ ਦਿੱਤੇ ਆਦੇਸ਼

Rajneet Kaur

ਬੀ.ਸੀ. ਵਿਚ ‘double mutant’ ਕੋਵਿਡ -19 ਰੂਪ ਦੇ ਦਰਜਨਾਂ ਮਾਮਲਿਆਂ ਦੀ ਪੁਸ਼ਟੀ

Rajneet Kaur

Leave a Comment

[et_bloom_inline optin_id="optin_3"]