ਸੰਯੁਕਤ ਰਾਸ਼ਟਰ (ਯੂਐੱਨ) ਦੇ ਅਗਲੇ ਸਕੱਤਰ ਜਨਰਲ ਦੀ ਚੋਣ ਦੀ ਦੌੜ ਵਿਚ ਭਾਰਤੀ ਮੂਲ ਦੀ ਇਕ ਮਹਿਲਾ ਸ਼ਾਮਲ ਹੋ ਗਈ ਹੈ। ਸੰਯੁਕਤ ਰਾਸ਼ਟਰ (ਯੂਐੱਨ) ਵਿਚ ਕੰਮ ਕਰ ਰਹੀ ਅਕਾਂਕਸ਼ਾ ਅਰੋੜਾ ਨੇ ਇਸ ਅਹੁਦੇ ਲਈ ਆਪਣੀ ਉਮੀਦਵਾਰੀ ਐੇਲਾਨ ਕੀਤੀ ਹੈ। ਉਹ ਸੰਯੁਕਤ ਰਾਸ਼ਟਰ ਵਿਕਾਸ ਪ੍ਰਰੋਗਰਾਮ ਵਿਚ ਆਡਿਟ ਕੋਆਰਡੀਨੇਟਰ ਦੇ ਤੌਰ ‘ਤੇ ਕੰਮ ਕਰ ਰਹੀ ਹੈ। ਅਕਾਂਕਸ਼ਾ ਮੌਜੂਦਾ ਸਕੱਤਰ ਜਨਰਲ ਐਂਟੋਨੀਓ ਗੁਤਰਸ ਖ਼ਿਲਾਫ਼ ਉਮੀਦਵਾਰੀ ਦਾ ਐਲਾਨ ਕਰਨ ਵਾਲੀ ਪਹਿਲੀ ਹਸਤੀ ਹੈ। ਗੁਤਰਸ ਦੂਜੇ ਕਾਰਜਕਾਲ ਲਈ ਆਪਣੀ ਉਮੀਦਵਾਰੀ ਪਹਿਲੇ ਹੀ ਪੇਸ਼ ਕਰ ਚੁੱਕੇ ਹਨ। ਯੂਐੱਨ ਸਕੱਤਰ ਜਨਰਲ ਦਾ ਕਾਰਜਕਾਲ ਪੰਜ ਸਾਲ ਦਾ ਹੁੰਦਾ ਹੈ।
Thank you for your support! Please go on https://t.co/Gb2t2vrh3L and vote for a #UNThatWorks. We the people are more powerful than any system. pic.twitter.com/nVzS6hYHuo
— Arora Akanksha (@arora4people) February 12, 2021
34 ਸਾਲਾਂ ਦੀ ਅਕਾਂਕਸ਼ਾ ਅਨੁਸਾਰ ਉਹ ਦੁਨੀਆ ਦੇ ਚੋਟੀ ਦੇ ਡਿਪਲੋਮੈਟਿਕ ਅਹੁਦੇ ਲਈ ਚੋਣ ਵਿਚ ਉਤਰੇਗੀ। ਇਸ ਲਈ ਉਹ ‘ਅਰੋੜਾ ਫਾਰ ਐੱਸਜੀ’ ਮੁਹਿੰਮ ਇਸੇ ਮਹੀਨੇ ਸ਼ੁਰੂ ਕਰੇਗੀ। ਉਨ੍ਹਾਂ ਨੇ ਆਪਣੇ ਢਾਈ ਮਿੰਟ ਦੇ ਵੀਡੀਓ ਸੰਦੇਸ਼ ਵਿਚ ਕਿਹਾ ਕਿ ਮੇਰੇ ਵਰਗੇ ਅਹੁਦਿਆਂ ‘ਤੇ ਕੰਮ ਕਰਨ ਵਾਲਿਆਂ ਤੋਂ ਮੁੱਖ ਅਹੁਦਾ ਸੰਭਾਲ ਰਹੇ ਲੋਕਾਂ ਖ਼ਿਲਾਫ਼ ਖੜ੍ਹੇ ਹੋਣ ਦੀ ਆਸ ਨਹੀਂ ਕੀਤੀ ਜਾਂਦੀ । ਸਾਡੇ ਤੋਂ ਇਹ ਆਸ ਕੀਤੀ ਜਾਂਦੀ ਹੈ ਕਿ ਅਸੀਂ ਆਪਣੀ ਵਾਰੀ ਦਾ ਇੰਤਜ਼ਾਰ ਕਰੀਏ। ਪੁਰਾਣੀ ਪ੍ਰਕਿਰਿਆ ਤਹਿਤ ਕੰਮ ਕਰਦੇ ਰਹੀਏ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਤੋਂ ਪਹਿਲੇ ਆਏ ਲੋਕ ਸੰਯੁਕਤ ਰਾਸ਼ਟਰ ਨੂੰ ਜਵਾਬਦੇਹ ਬਣਾਉਣ ਵਿਚ ਨਾਕਾਮ ਰਹੇ ਹਨ। ਇਸ ਲਈ ਉਹ ਸੰਯੁਕਤ ਰਾਸ਼ਟਰ ਦੇ ਸਕੱਤਰ ਜਨਰਲ ਅਹੁਦੇ ਲਈ ਚੋਣ ਵਿਚ ਖੜ੍ਹੀ ਹੋ ਰਹੀ ਹੈ।
ਪਿਛਲੇ ਮਹੀਨੇ 71 ਸਾਲਾਂ ਦੇ ਗੁਤਰਸ ਨੇ ਇਸ ਦੀ ਪੁਸ਼ਟੀ ਕੀਤੀ ਸੀ ਕਿ ਉਹ ਸਕੱਤਰ ਜਨਰਲ ਅਹੁਦੇ ਲਈ ਚੋਣ ਵਿਚ ਦੁਬਾਰਾ ਖੜ੍ਹੇ ਹੋਣਗੇ। ਉਨ੍ਹਾਂ ਦਾ ਪਹਿਲਾ ਕਾਰਜਕਾਲ ਇਸ ਸਾਲ 31 ਦਸੰਬਰ ਨੂੰ ਖ਼ਤਮ ਹੋਵੇਗਾ। ਸੰਯੁਕਤ ਰਾਸ਼ਟਰ ਦੇ 75 ਸਾਲਾਂ ਦੇ ਇਤਿਹਾਸ ਵਿਚ ਕੋਈ ਵੀ ਮਹਿਲਾ ਸਕੱਤਰ ਜਨਰਲ ਨਹੀਂ ਬਣੀ ਹੈ।
