ਟੋਰਾਂਟੋ: ਬਰੈਂਪਟਨ ਵਿੱਚ ਦੋਂ ਕਾਰਾਂ ਦੀ ਹੋਈ ਜਬਰਦਸਤ ਟੱਕਰ, ਜਿਸ ਕਾਰਨ 3 ਵਿਅਕਤੀਆਂ ਦੀ ਹਾਲਾਤ ਗੰਭੀਰ ਦਸੀ ਜਾ ਰਹੀ ਹੈ।ਜਿੰਨ੍ਹਾਂ ਨੂੰ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਹੈ।ਇਹ ਹਾਦਸਾ ਕੁਈਨ ਸਟ੍ਰੀਟ ਅਤੇ ਕ੍ਰਿਸਲਰ ਡ੍ਰਾਈਵ ਨੇੜੇ ਵਾਪਰਿਆ।ਪੁਲਿਸ ਦਾ ਕਹਿਣਾ ਹੈ ਕਿ ਹੌਂਡਾ ਦੇ ਡਰਾਈਵਰ ਨੂੰ ਟੋਰਾਂਟੋ ਦੇ ਟਰੌਮਾ ਸੈਂਟਰ ਲਿਜਾਇਆ ਗਿਆ ਹੈ, ਤੇ ਇਸਦੇ ਯਾਤਰੀ ਨੂੰ ਸਥਾਨਕ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਹੈ।ਹੌਂਡਾ ਕਾਰ ਵਾਲੇ ਯਾਤਰੀ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਹੈ।
ਦੂਜੇ ਪਾਸੇ ਫੋਰਡ ਕਾਰ ਦੀ ਡਰਾਈਵਰ ਤੇ ਉਸਦੇ ਯਾਤਰੀ ਨੂੰ ਵੀ ਸਥਾਨਕ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਹੈ।ਦਸਦਈਏ ਫੋਰਡ ਐੱਸਕੈਪ ਦੇ ਬਜ਼ੁਰਗ ਯਾਤਰੀ ਦੀ ਹਾਲਤ ਗੰਭੀਰ ਦਸੀ ਜਾ ਰਹੀ ਹੈ।ਪੁਲਿਸ ਦਾ ਕਹਿਣਾ ਹੈ ਕਿ ਬਜ਼ੁਰਗ ਆਦਮੀ ਨੂੰ ਟੋਰਾਂਟੋਂ ਦੇ ਟਰੋਮਾ ਸੈਂਟਰ ‘ਚ ਭੇਜਿਆ ਜਾਵੇਗਾ।ਇਸ ਭਿਆਨਕ ਹਾਦਸੇ ਦਾ ਕਾਰਨ ਅਜੇ ਪਤਾ ਨਹੀਂ ਲਗਿਆ ,ਇੰਸਪੈਕਟਰ ਸੀਨ ਬਰੈਨਨ ਨੇ ਕਿਹਾ ਹੈ ਕਿ ਜਾਂਚ ਅਜੇ ਸ਼ੁਰੂ ਦੇ ਦੌਰ ‘ਚ ਹੈ ।