ਮਿਸੀਸਾਗਾ : ਮਨਦੀਪ ਸਿੰਘ ਚੀਮਾਂ ਫਾਂਉਡੇਸਨ ਵੱਲੋਂ ਅਯੋਜਿਤ ਸਲਾਨਾ ਮੋਟਰਸਾਇਕਲ ਰਾਈਡ ਇਸ ਵਾਰ ਵੀ ਯਾਦਗਾਰੀ ਹੋ ਨਿਬੜੀ । ਪੀਲ ਚਿਲਡਰਨਜ਼ ਸੋਸਾਇਟੀ ਦੇ ਬੱਚਿਆ ਦੀ ਉਚੇਰੀ ਸਿੱਖਿਆ ਲਈ ਇਹ ਫੰਡਰੇਜਿੰਗ ਈਵੈਂਟ ਹਰ ਸਾਲ ਕਰਵਾਇਆ ਜਾਂਦਾ ਹੈ । ਇਸ ਵਾਰੀ ਇਹ ਰਾਈਡ ਮਿਸੀਸਾਗਾ ਵਿੱਚ ਪੀਲ ਚਿਲਡਰਨਜ਼ ਸੋਸਾਇਟੀ ਦੀ ਨਵੀਂ ਬਿਲਡਿੰਗ ਦੇ ਸਾਹਮਣੇ ਕਰਵਾਈ ਗਈ ਅਤੇ ਤੀਹ ਹਜ਼ਾਰ ਡਾਲਰ ਫੰਡ ਇਕੱਤਰ ਕਰਕੇ ਪੀਲ ਚਿਲਡਰਨਜ਼ ਸੁਸਾਇਟੀ ਨੂੰ ਭੇਂਟ ਕੀਤਾ ਗਿਆ ।
ਕੋਵਿਡ 19 ਦੇ ਚੱਲਦਿਆਂ ਭਾਵੇਂ ਜਿਆਦਾ ਇਕੱਠ ਕਰਨ ਤੋਂ ਗੁਰੇਜ਼ ਕੀਤਾ ਗਿਆ ਪਰ ਫਿਰ ਵੀ 80 ਦੇ ਕਰੀਬ ਮੋਟਰਸਾਇਕਲ ਅਤੇ ਜੀਪ ਲਵਰਜ ਨੇ ਇਸ ਰਾਈਡ ਵਿੱਚ ਹਿੱਸਾ ਲਿਆ । ਮਿਸੀਸਾਗਾ ਦੀ ਮੇਅਰ ਬੌਨੀ ਕਰੌਂਬੀ , ਐਮ ਪੀ ਪੀ ਨੀਨਾ ਤਾਂਗੜੀ , ਦੀਪਕ ਅਨੰਦ , ਪੀਲ ਪੁਲਿਸ ਦੇ ਚੇਅਰ ਰੌਨ ਚੱਠਾ , ਸਿਟੀ ਕੌਂਸਲਰ ਹਰਕੀਰਤ ਸਿੰਘ ਅਤੇ ਸਮਾਜ ਸੇਵੀ ਸੰਸਥਾਵਾਂ ਤੋਂ ਇਲਾਵਾ ਸੌ ਤੋਂ ਵਧੇਰੇ ਲੋਕਾਂ ਨੇ ਇਸ ਰਾਈਡ ਵਿੱਚ ਹਿੱਸਾ ਲਿਆ ।