ਦੇਸ਼ ਵਿਦੇਸ਼ ਵਿਚ ਦੀਵਾਲੀ ਦੇ ਪਵਿੱਤਰ ਤਿਉਹਾਰ ਅਤੇ ਬੰਦੀ ਛੋੜ ਦਿਵਸ ਦੀਆਂ ਰੌਣਕਾਂ ਨਜ਼ਰ ਆ ਰਹੀਆਂ ਹਨ । ਭਾਰਤ ਸਮੇਤ ਕੈਨੇਡਾ, ਅਮਰੀਕਾ, ਆਸਟ੍ਰੇਲੀਆ ਅਤੇ ਹੋਰ ਬਹੁਤ ਸਾਰੇ ਦੇਸ਼ਾਂ ਵਿੱਚ ਹਿੰਦੂ ਅਤੇ ਸਿੱਖ ਭਾਈਚਾਰੇ ਦੇ ਲੋਕ ਧਾਰਮਿਕ ਥਾਵਾਂ ‘ਤੇ ਹਾਜ਼ਰੀ ਭਰ ਰਹੇ ਹਨ। ਧਾਰਮਿਕ ਥਾਵਾਂ ‘ਤੇ ਸ਼ਰਧਾਲੂਆਂ ਦਾ ਤਾਂਤਾ ਲੱਗਿਆ ਹੋਇਆ ਹੈ । ਵੱਡੀ ਗਿਣਤੀ ਸ਼ਰਧਾਲੂ ਧਾਰਮਿਕ ਥਾਵਾਂ ‘ਤੇ ਅਤੇ ਘਰਾਂ ‘ਚ ਦੀਵੇ ਬਾਲ ਕੇ ਆਪਣੀ ਖੁਸ਼ੀ ਜ਼ਾਹਰ ਕਰ ਰਹੇ ਹਨ ।
ਇਹਨਾਂ ਖ਼ੁਸ਼ੀਆਂ ਵਿਚ ਹੋਰ ਵਾਧਾ ਕਰਦੇ ਹੋਏ ਵੱਡੀਆਂ ਸ਼ਖਸੀਅਤਾਂ ਵੱਲੋਂ ਵਧਾਈ ਸੰਦੇਸ਼ ਦਿੱਤੇ ਜਾ ਰਹੇ ਹਨ ।
ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੀਵਾਲੀ ਮੌਕੇ
ਵੀਡੀਓ ਸੰਦੇਸ਼ ਜਾਰੀ ਕਰਕੇ ਆਪਣੀ ਵਧਾਈ ਸਾਂਝੀ ਕੀਤੀ।
ਜਸਟਿਨ ਟਰੂਡੋ ਨੇ ਕਿਹਾ,”ਦੀਵਾਲੀ ਦੀਆਂ ਮੁਬਾਰਕਾਂ! ਮੈਂ ਜਾਣਦਾ ਹਾਂ ਕਿ ਇਸ ਸਾਲ ਦੇ ਜਸ਼ਨ ਵੱਖਰੇ ਦਿਖਾਈ ਦੇਣਗੇ। ਪਰ ਇਹ ਚਾਨਣ, ਉਮੀਦ ਅਤੇ ਗਿਆਨ ਹਮੇਸ਼ਾਂ ਹਨੇਰੇ, ਬੁਰਾਈ ਅਤੇ ਅਗਿਆਨਤਾ ਉੱਤੇ ਜਿੱਤ ਪ੍ਰਾਪਤ ਕਰਦੇ ਰਹਿਣਗੇ।”
Happy Diwali! I know celebrations will look different this year, but the message at the heart of the day – that light, hope, and knowledge will always triumph over darkness, evil, and ignorance – remains the same, and it has never been more important. https://t.co/HBAydTSaiW pic.twitter.com/KrVU18DKLz
— Justin Trudeau (@JustinTrudeau) November 14, 2020
ਉਂਟਾਰੀਓ ਸੂਬੇ ਦੇ ਪ੍ਰੀਮੀਅਰ ਡੱਗ ਫੋਰਡ ਅਤੇ ਕੈਨੇਡਾ ਦੇ ਵੱਖ-ਵੱਖ ਐਮ.ਪੀਜ਼ ਨੇ ਦੀਵਾਲੀ ਅਤੇ ਬੰਦੀ ਛੋੜ ਦਿਵਸ ਦੀਆਂ ਮੁਬਾਰਕਾਂ ਦਿੱਤੀਆਂ। ਡੱਗ ਫੋਰਡ ਨੇ ਆਪਣੇ ਟਵਿਟਰ ਅਕਾਊਂਟ ‘ਤੇ ਵਧਾਈ ਸੰਦੇਸ਼ ਵਾਲੀ ਵੀਡੀਓ ਸ਼ੇਅਰ ਕੀਤੀ।
ਆਪਣੇ ਸੁਨੇਹੇ ਵਿਚ ਪ੍ਰੀਮੀਅਰ ਡਗ ਫੋਰਡ ਨੇ ਲਿਖਿਆ,’ਮੇਰੇ ਸਾਰੇ ਸਟਾਰ ਐਮ ਪੀ ਪੀਜ਼ ਅਤੇ ਮੇਰੇ ਪਰਿਵਾਰ ਦੁਆਰਾ, ਹਰੇਕ ਨੂੰ ਦਿਵਾਲੀ ਅਤੇ ਬੰਦੀ ਛੋੜ ਦਿਵਸ ਦੀਆਂ ਸ਼ੁੱਭਕਾਮਨਾਵਾਂ । ਕਿਰਪਾ ਕਰਕੇ ਸੁਰੱਖਿਅਤ ਢੰਗ ਨਾਲ ਮਨਾਓ ਅਤੇ ਸਾਰੇ ਜਨਤਕ ਸਿਹਤ ਦਿਸ਼ਾ ਨਿਰਦੇਸ਼ਾਂ ਦਾ ਪਾਲਣ ਕਰੋ।’
From my all star MPPs and my family, wishing everyone celebrating a happy Diwali and Bandi Chhor Divas. Please celebrate safely and follow all public health guidelines. 🪔 #HappyDiwali! pic.twitter.com/72WzBLFWSF
— Doug Ford (@fordnation) November 14, 2020
ਦੁਨੀਆ ਦੇ ਵੱਖ-ਵੱਖ ਮੁਲਕਾਂ ਵਿੱਚ ਵੱਸਦੇ ਹਿੰਦੂ ਅਤੇ ਸਿੱਖ ਭਾਈਚਾਰੇ ਵੱਲੋਂ ਦੀਵਾਲੀ ਅਤੇ ਬੰਦੀ ਛੋੜ ਦਿਵਸ ਪੂਰੀ ਸ਼ਰਧਾ ਭਾਵਨਾ ਨਾਲ ਮਨਾਇਆ ਜਾ ਰਿਹਾ ਹੈ।
