ਓਂਟਾਰੀਓ: ਓਨਟਾਰੀਓ ਸਿਹਤ ਅਧਿਕਾਰੀਆਂ ਵੱਲੋਂ ਕਈ ਮਹੀਨਿਆਂ ਵਿੱਚ ਪਹਿਲੀ ਵਾਰੀ ਪ੍ਰੋਵਿੰਸ ਵਿੱਚ ਕੋਵਿਡ-19 ਨਾਲ ਸਬੰਧਤ ਕੋਈ ਮੌਤ ਰਿਪੋਰਟ ਨਹੀਂ ਕੀਤੀ ਗਈ। ਸਿਹਤ ਮੰਤਰਾਲੇ ਨੇ ਕੋਵਿਡ-19 ਦੇ ਸਿਰਫ 112 ਨਵੇਂ ਕੇਸਾਂ ਦੀ ਰਿਪੋਰਟ ਕੀਤੀ ਹੈ, ਜਿਸਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਮਾਰਚ ਤੋਂ ਬਾਅਦ ਦੇ ਇਹ ਦੂਸਰੇ ਸਭ ਤੋਂ ਘੱਟ ਨਵੇਂ ਕੇਸਾਂ ਦੀ ਨਿਸ਼ਾਨਦੇਹੀ ਹੈ। ਪਿਛਲੀ ਵਾਰ 26 ਜੂਨ ਨੂੰ ਸੂਬੇ ਵਿੱਚ ਇਸ ਤੋਂ ਘੱਟ ਮਾਮਲਿਆਂ ਦੀ ਪੁਸ਼ਟੀ ਹੋਈ ਸੀ ਜਿਸ ‘ਚ ਸਿਰਫ 111 ਨਵੇਂ ਸਕਾਰਾਤਮਕ ਮਾਮਲੇ ਸਾਹਮਣੇ ਆਏ ਸਨ। ਹੁਣ ਵਾਲੇ ਕੋਰੋਨਾ ਕੇਸ ‘ਚ ਪਿਛਲੀ ਵਾਰ ਨਾਲੋਂ ਸਿਰਫ 0.3 ਫੀਸਦੀ ਵੱਧ ਹਨ।
ਓਂਟਾਰੀਓ ‘ਚ ਕੋਵਿਡ-19 ਦੇ ਕੁੱਲ 36,060 ਕੇਸਾਂ ਦੀ ਪੁਸ਼ਟੀ ਹੋਈ ਹੈ, ਜਿੰਨ੍ਹਾਂ ‘ਚੋਂ ਕੁੱਲ 31,603 ਮਰੀਜ਼ ਠੀਕ ਹੋ ਚੁੱਕੇ ਹਨ ਅਤੇ 2,691 ਕੋਰੋਨਾ ਪੀੜਿਤਾਂ ਦੀ ਮੌਤ ਹੋ ਗਈ ਹੈ। ਟੈਸਟਿੰਗ ਦੇ ਮਾਮਲੇ ਵਿੱਚ,ਸੂਬੇ ਭਰ ਵਿੱਚ ਜਨਤਕ ਸਿਹਤ ਇਕਾਈਆਂ ਨੇ ਕੱਲ੍ਹ 15,112 ਨੂੰ ਪੂਰਾ ਕੀਤਾ ਹੈ ਅਤੇ 12,626 ਟੈਸਟ ਜਾਂਚ ਅਧੀਨ ਹਨ।
#COVID19 in #Ontario [July 7]:
36060 known cases* (112 new cases)
2691 total deaths (2 new deaths)See THREAD for more graphs📈⤵️#covid19Canada #COVIDー19 #onhealth #COVID_19 #covidontario #COVID19ontario #onpoli pic.twitter.com/pYTAGdLoxv
— Dr. Jennifer Kwan (@jkwan_md) July 7, 2020
ਵਾਇਰਸ ਜਦੋਂ ਆਪਣੇ ਪੂਰੇ ਚਰਮ ਉੱਤੇ ਸੀ ਤਾਂ ਪ੍ਰੋਵਿੰਸ ਵਿੱਚ ਰੋਜ਼ਾਨਾ ਦਰਜਨਾਂ ਲੋਕਾਂ ਦੀ ਮੌਤ ਹੋਈ । 30 ਅਪਰੈਲ ਨੂੰ ਪ੍ਰੋਵਿੰਸ ਵਿੱਚ ਇੱਕ ਦਿਨ ਵਿੱਚ, ਭਾਵ 24 ਘੰਟਿਆਂ ਦੇ ਅਰਸੇ ਵਿੱਚ, ਹੋਣ ਵਾਲੀਆਂ ਸੱਭ ਤੋਂ ਵੱਧ (86) ਮੌਤਾਂ ਦਰਜ ਕੀਤੀਆਂ ਗਈਆਂ। ਸੋਮਵਾਰ ਨੂੰ ਭਾਵੇਂ ਕੋਵਿਡ-19 ਦੇ ਨਵੇਂ ਮਾਮਲਿਆਂ ਵਿੱਚ ਥੋੜ੍ਹਾ ਇਜਾਫਾ ਤਾਂ ਦਰਜ ਕੀਤਾ ਗਿਆ ਪਰ ਸਿਹਤ ਅਧਿਕਾਰੀਆਂ ਵੱਲੋਂ ਇਸ ਵਾਇਰਸ ਕਾਰਨ ਕਿਸੇ ਮੌਤ ਦਾ ਜਿ਼ਕਰ ਨਹੀਂ ਕੀਤਾ ਗਿਆ।