ਵਾਸ਼ਿੰਗਟਨ: ਅਮਰੀਕਾ ਵਿੱਚ 9/11 ਦੇ ਅੱਤਵਾਦੀ ਹਮਲੇ ਦੀ 19ਵੀਂ ਬਰਸੀ ਮੌਕੇ ਨਿਊਯਾਰਕ ਸ਼ਹਿਰ ਨੀਲੀ ਰੋਸ਼ਨੀ ਵਿੱਚ ਚਮਕਿਆ ਨਜ਼ਰ ਆਇਆ । ਸ਼ਹਿਰ ਦੀਆਂ ਦੋ ਮਸ਼ਹੂਰ ਇਮਾਰਤਾਂ ਤੋਂ ਅਸਮਾਨ ਵੱਲ ਜਾਣ ਵਾਲੀਆਂ ਦੋ ਬੀਮ ਲਾਈਟਾਂ ਯਾਦ ਦਿਵਾਉਂਦੀਆਂ ਹਨ ਕਿ ਅਮਰੀਕਾ ਨੇ ਉਸ ਅੱਤਵਾਦੀ ਹਮਲੇ ਵਿਚ ਆਪਣੇ ਲੋਕਾਂ ਨੂੰ ਗੁਆ ਦਿੱਤਾ ਸੀ। ਇਹ ਬੀਮ ਲਾਈਟ ‘ਵਨ ਵਰਲਡ ਟ੍ਰੇਡ ਸੈਂਟਰ’ ਅਤੇ ਦੂਜੀ ਇਮਪਾਇਰ ਸਟੇਟ ਬਿਲਡਿੰਗ ‘ਤੇ ਲਗਾਈ ਗਈ। ਨੀਲੀ ਰੋਸ਼ਨੀ ਰਾਹੀਂ ਅਮਰੀਕਾ ਸੰਦੇਸ਼ ਦੇ ਰਿਹਾ ਸੀ ਕਿ ਇਹ ਰੋਸ਼ਨੀ ਸਾਡੀ ਇਕਜੁੱਟਤਾ ਅਤੇ ਤਾਕਤ ਦੀ ਯਾਦ ਦਿਵਾਉਂਦੀ ਹੈ।
ਇਹ ਫੋਟੋਆਂ 9/11 ਮੈਮੋਰੀਅਲ ਅਤੇ ਅਜਾਇਬ ਘਰ ਦੇ ਟਵਿੱਟਰ ਹੈਂਡਲ ਤੋਂ ਸਾਂਝੀਆਂ ਕੀਤੀਆਂ ਗਈਆਂ ਹਨ। ਟਵੀਟ ਵਿੱਚ ਲਿਖਿਆ ਗਿਆ ਹੈ ਕਿ ਅੱਜ ਰਾਤ, ਨਿਊਯਾਰਕ ਸਿਟੀ ਦੇ ਅਸਮਾਨ ਤੋਂ ਇਸ ਰੋਸ਼ਨੀ ਦੇ ਜ਼ਰੀਏ, ਅਸੀਂ ਉਨ੍ਹਾਂ ਨਿਰਦੋਸ਼ ਲੋਕਾਂ ਨੂੰ ਯਾਦ ਕਰ ਰਹੇ ਹਾਂ ਜਿਨ੍ਹਾਂ ਨੂੰ 19 ਸਾਲ ਪਹਿਲਾਂ ਸਾਡੇ ਤੋਂ ਖੋਹ ਲਿਆ ਗਿਆ ਸੀ।
NYC shines in blue on the 19th anniversary of 9/11. #TributeinLight's twin beams remind us of our loss and the blue lights shining from the facades and spires of buildings like @OneWTC and the @EmpireStateBldg remind us of our solidarity and strength together. #Honor911 pic.twitter.com/4CUuwpi6t9
— 9/11 Memorial & Museum (@Sept11Memorial) September 12, 2020
ਦੱਸ ਦੇਈਏ ਕਿ 11 ਸਤੰਬਰ 2001 ਨੂੰ ਅੱਤਵਾਦੀਆਂ ਨੇ ਯਾਤਰੀ ਜਹਾਜ਼ਾਂ ਨੂੰ ਮਿਜ਼ਾਈਲ ਦੇ ਰੂਪ ਵਿੱਚ ਇਸਤੇਮਾਲ ਕਰਦਿਆਂ ਮਸ਼ਹੂਰ ਵਰਲਡ ਟ੍ਰੇਡ ਸੈਂਟਰ ਅਤੇ ਅਮਰੀਕਾ ਦੇ ਪੈਂਟਾਗਨ ਨੂੰ ਨਿਸ਼ਾਨਾ ਬਣਾਇਆ ਸੀ। ਇਸ ਨੂੰ ਅਮਰੀਕਾ ਦੇ ਇਤਿਹਾਸ ਦਾ ਸਭ ਤੋਂ ਵੱਡਾ ਅੱਤਵਾਦੀ ਹਮਲਾ ਮੰਨਿਆ ਜਾਂਦਾ ਹੈ। ਵਰਲਡ ਟ੍ਰੇਡ ਸੈਂਟਰ ‘ਤੇ ਹੋਏ ਹਮਲੇ ਵਿਚ ਤਕਰੀਬਨ 3000 ਲੋਕ ਮਾਰੇ ਗਏ ਸਨ। 343 ਫਾਇਰ ਵਿਭਾਗ ਅਤੇ 60 ਪੁਲਿਸ ਅਧਿਕਾਰੀ ਵੀ ਉਨ੍ਹਾਂ ਲੋਕਾਂ ‘ਚ ਸ਼ਾਮਲ ਸਨ ਜੋ ਅੱਤਵਾਦੀ ਹਮਲੇ ਵਿਚ ਮਰ ਗਏ ਸਨ।
As Tribute in Light radiates from the NYC skyline tonight, we remember all the innocent lives taken far too soon 19 years ago. In darkness, we shine brightest. https://t.co/1nqem1lb4Y #TributeinLight #Honor911 pic.twitter.com/3VQYwMf0aR
— 9/11 Memorial & Museum (@Sept11Memorial) September 12, 2020
ਅੱਤਵਾਦੀ ਓਸਾਮਾ ਬਿਨ ਲਾਦੇਨ ਨੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਸੀ। ਸਾਲ 2011 ਵਿੱਚ, ਐਬਟਾਬਾਦ, ਪਾਕਿਸਤਾਨ ਵਿੱਚ ਅਮਰੀਕੀ ਸੀਲ ਕਮਾਂਡੋਜ਼ ਨੇ ਵਾਂਟਿਡ ਅੱਤਵਾਦੀ, ਲਾਦੇਨ ਨੂੰ ਮਾਰ ਦਿੱਤਾ ਸੀ।
ਪੂਰੇ ਦੇਸ਼ ‘ਚ ਲੋਕਾਂ ਨੇ ਇਸ ਹਮਲੇ ‘ਚ ਜਾਨ ਗੁਆਉਣ ਵਾਲਿਆਂ ਨੂੰ ਸ਼ਰਧਾਂਜਲੀਆਂ ਦਿੱਤੀਆਂ। ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੀ ਪਤਨੀ ਨੇ ਨੈਸ਼ਨਲ ਮੈਮੋਰੀਅਲ ‘ਤੇ ਜੋ ਬਿਡੇਨ ਨੇ ਆਪਣੀ ਗਵਰਨਰ ਪਤਨੀ ਨਾਲ ਨਿਊਯਾਰਕ’ਚ 2 ਮਿੰਟਾਂ ਦਾ ਮੌਨ ਰੱਖਿਆ।
