ਜੋਹਨਸਬਰਗ: ਸਥਾਨਕ ਮੀਡੀਆ ਨੇ ਦੱਸਿਆ ਕਿ ਦੱਖਣੀ ਅਫਰੀਕਾ ਦੇ ਨਸਲਵਾਦੀ ਵਿਰੋਧੀ ਨੇਤਾ ਨੈਲਸਨ ਮੰਡੇਲਾ ਦੀ ਸਭ ਤੋਂ ਛੋਟੀ ਧੀ ਜਿੰਜੀ ਮੰਡੇਲਾ (Zindzi Mandela) ਦੀ 59 ਸਾਲ ਦੀ ਉਮਰ ‘ਚ ਮੌਤ ਹੋ ਗਈ ਹੈ।
ਸਰਕਾਰੀ ਟੈਲੀਵਿਜ਼ਨ ਮੁਤਾਬਕ ਮੰਡੇਲਾ ਦੀ ਸਵੇਰੇ ਸੋਮਵਾਰ ਤੜਕੇ ਜੋਹਾਨਸਬਰਗ ਦੇ ਇੱਕ ਹਸਪਤਾਲ ‘ਚ ਮੌਤ ਹੋ ਗਈ। ਉਹ 2015 ਤੋਂ ਡੈਨਮਾਰਕ ‘ਚ ਦੱਖਣੀ ਅਫਰੀਕਾ ਦੀ ਰਾਜਦੂਤ ਵਜੋਂ ਸੇਵਾ ਨਿਭਾ ਰਹੀ ਸੀ।
ਮੰਡੇਲਾ ਦੀ ਧੀ 1985 ‘ਚ ਉਸ ੳਮੇਂ ਅੰਤਰਰਾਸ਼ਟਰੀ ਧਿਆਨ ‘ਚ ਲੋਕਾਂ ਦੇ ਸਾਹਮਣੇ ਆਈ ਜਦੋਂ ਵ੍ਹਾਈਟ ਘੱਟ ਗਿਣਤੀ ਸਰਕਾਰ ਨੇ ਨੈਲਸਨ ਮੰਡੇਲਾ ਨੂੰ ਗੁਲਾਮੀ ਤੋਂ ਰਿਹਾ ਕਰਨ ਦੀ ਪੇਸ਼ਕਸ਼ ਕੀਤੀ, ਪਰ ਨਾਲ ਹੀ ਸ਼ਰਤ ਇਹ ਰੱਖੀ ਕਿ ਉਹ ਅਫਰੀਕਾ ਨੈਸ਼ਨਲ ਕਾਂਗਰਸ ਦੇ ਰੰਗ-ਵਿਹਾਰ ਵਿਰੁੱਧ ਅੰਦੋਲਨ ਕਰਕੇ ਕੀਤੀ ਹਿੰਸਾ ਦੀ ਨਿੰਦਾ ਕਰੇ।
ਦੱਸ ਦਈਏ ਉਸ ਸਮੇਂ ਦੱਖਣੀ ਅਫਰੀਕਾ ‘ਚ ਨਸਲਵਾਦ ਦਾ ਕੱਟੜਪੰਥੀ ਪੱਖਪਾਤੀ ਪ੍ਰਭਾਵਸ਼ਾਲੀ ਸੀ। ਜਿੰਜੀ ਮੰਡੇਲਾ ਨੇ ਇੱਕ ਜਨਤਕ ਮੀਟਿੰਗ ‘ਚ ਇਸ ਪ੍ਰਸਤਾਵ ਨੂੰ ਠੁਕਰਾਉਂਦੇ ਹੋਏ,ਉਨ੍ਹਾਂ ਦਾ ਪੱਤਰ ਪੜ੍ਹਿਆ। ਇਹ ਮੁਲਾਕਤਾ ਸਾਰੀ ਦੁਨੀਆਂ ‘ਚ ਪ੍ਰਸਾਰਿਤ ਕੀਤੀ ਗਈ ਸੀ।