ਵਾਸ਼ਿੰਗਟਨ : ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਦੇ ਮੰਗਲ ਗ੍ਰਹਿ ਮਿਸ਼ਨ ਨੂੰ ਵੱਡੀ ਸਫਲਤਾ ਹਾਸਲ ਹੋਈ ਹੈ। ਨਾਸਾ ਦੇ Perseverance Rover ਨਾਲ ਮੰਗਲ ਗ੍ਰਹਿ ‘ਤੇ ਗਏ ‘Ingenuity ਹੈਲੀਕਾਪਟਰ’ ਪਹਿਲੀ ਕੰਟਰੋਲ ਫਲਾਈਟ ਲਈ ਤਿਆਰ ਹੈ। ਇਸ ਨੂੰ ਪਹਿਲੀ ਉਡਾਨ ਲਈ ਮੰਗਲ ਦੀ ਸਤ੍ਹਾ ‘ਤੇ ਸਫ਼ਲਤਾਪੂਰਵਕ ਡਰਾਪ ਕਰ ਦਿੱਤਾ ਗਿਆ ਹੈ।
ਸਪੇਸ ਏਜੰਸੀ ਨਾਸਾ ਨੇ ਖੁਦ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਇਹ ਹੈਲੀਕਾਪਟਰ ਹੁਣ ਤਕ ਰੋਵਰ ਨਾਲ ਜੁੜ ਕੇ ਚਾਰਜ ਹੋ ਰਿਹਾ ਸੀ।
#MarsHelicopter touchdown confirmed! Its 293 million mile (471 million km) journey aboard @NASAPersevere ended with the final drop of 4 inches (10 cm) from the rover's belly to the surface of Mars today. Next milestone? Survive the night. https://t.co/TNCdXWcKWE pic.twitter.com/XaBiSNebua
— NASA JPL (@NASAJPL) April 4, 2021
ਇਹ ਪਹਿਲਾ ਮੌਕਾ ਹੋਵੇਗਾ ਜਦੋਂ ਕੋਈ ਹੈਲੀਕਾਪਟਰ ਮੰਗਲ ਦੀ ਸਤ੍ਹਾ ਤੋਂ ਉਡੇਗਾ ਤੇ ਕੈਮਰੇ ‘ਚ ਉਸ ਦਾ ਨਜ਼ਾਰਾ ਕੈਦ ਕਰੇਗਾ। ਅੱਠ ਅਪ੍ਰੈਲ ਨੂੰ ਇਹ ਉਡਾਣ ਭਰੇਗਾ। ਜ਼ਿਕਰਯੋਗ ਹੈ ਕਿ Perseverance Rover 18 ਫਰਵਰੀ ਨੂੰ ਮੰਗਲਵਾਰ ਗ੍ਰਹਿ ‘ਤੇ ਲੈਂਡ ਹੋਇਆ ਸੀ। 2.7 ਅਰਬ ਡਾਲਰ ਦਾ ਇਹ ਮਿਸ਼ਨ ਹੈ। ਇਸ ਦਾ ਮੁੱਢਲਾ ਮਕਸਦ ਲਗਪਗ ਤਿੰਨ ਅਰਬ ਸਾਲ ਪਹਿਲਾਂ ਜਦੋਂ ਮੰਗਲ ਜੀਵਨ ਦੇ ਜ਼ਿਆਦਾ ਅਨੁਕੂਲ ਸੀ ਉਦੋਂ ਸ਼ਾਇਦ ਮੰਗਲ ਗ੍ਰਹਿ ‘ਤੇ ਸੂਖਮ ਜੀਵ ਪੈਦਾ ਹੋਏ ਹੋਣ, ਇਸ ਦਾ ਪਤਾ ਲਾਉਣਾ ਹੈ। ਰੋਵਰ ‘ਚ ਦੋ ਮਾਈਕ੍ਰੋਫੋਨ ਹੈ। ਪਿਛਲੇ ਦਿਨੀਂ ਉਸ ਨੇ ਇਸ ਦੀ ਮਦਦ ਨਾਲ ਸਤਿਹ ‘ਤੇ ਚਹਿਲਕਦਮੀ ਦਾ ਆਡੀਓ ਭੇਜਿਆ ਸੀ। ਪੁਲਾੜ ਏਜੰਸੀ ਨੇ ਇਕ 16 ਮਿੰਟ ਦਾ ਆਡੀਓ ਜਾਰੀ ਕੀਤਾ ਸੀ। ਇਸ ‘ਚ ਮੰਗਲ ਦੀ ਸਹਿਤ ‘ਤੇ ਰੋਵਰ ਦੇ ਪਹੀਆ ਦੇ ਚੱਲਣ ਦੀ ਆਵਾਜ਼ ਸੁਣਾਈ ਦੇ ਰਹੀ ਹੈ।
ਦੱਸਣਯੋਗ ਹੈ ਕਿ ਰੋਵਰ ‘ਚ ਇਸ ਦੇ ਇਲਾਵਾ ਵੇਦਰ ਸਟੇਸ਼ਨ 19 ਕੈਮਰੇ ਲੱਗੇ ਹਨ। ਨਾਸਾ ਨੂੰ ਇਸ ਦੀ ਮਦਦ ਨਾਲ ਸਪੱਸ਼ਟ ਤਸਵੀਰਾਂ ਮਿਲਣ ਦੀ ਉਮੀਦ ਹੈ। ਇਸ ਤੋਂ ਪਹਿਲਾਂ ਇਹ ਪੁਲਾੜ ਏਜੰਸੀ ਮੰਗਲ ‘ਤੇ ਮੋਬਾਈਲ ਸਾਇੰਸ ਵ੍ਹੀਕਲ ਭੇਜ ਚੁੱਕਾ ਹੈ ਪਰ Persistence ਇਸ ਤੋਂ ਜ਼ਿਆਦਾ ਵੱਡਾ ਹੈ। ਇਸ ਨੂੰ ਮੰਗਲ ਦੀਆਂ ਚੱਟਾਨਾਂ ਦੇ ਨਮੂਨੇ ਇਕੱਤਰ ਕਰਨ ਦੇ ਲਿਹਾਜ ਨਾਲ ਬਣਾਇਆ ਗਿਆ ਹੈ। ਰੋਵਰ ਆਪਣੇ ਨਾਲ ਪ੍ਰਾਜੈਕਟਾਂ ਨਾਲ ਜੁੜੇ ਕੁਝ ਖਾਸ ਉਪਕਰਨ ਵੀ ਲੈ ਕੇ ਗਿਆ ਹੈ।