ਬੈਂਗਲੁਰੂ : ਭਾਰਤ ਦੀ ਪੁਲਾੜ ਖੋਜ ਸੰਸਥਾ ਇਸਰੋ ਨੇ ਇਕ ਵਾਰ ਫਿਰ ਤੋਂ ਇਤਿਹਾਸ ਸਿਰਜਿਆ ਹੈ। ਇਸਰੋ ਨੇ ਇਸ ਸਾਲ ਦੇ ਆਪਣੇ ਪਹਿਲੇ ਮਿਸ਼ਨ ਨੂੰ ਸਫਲਤਾ ਪੂਰਵਕ ਲਾਂਚ ਕਰ ਦਿੱਤਾ। ਇਸਰੋ ਨੇ ਐਤਵਾਰ ਨੂੰ ਸ਼੍ਰੀਹਰਿਕੋਟਾ ਸਪੇਸਪੋਰਟ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਅਮੋਨੀਆ-1 ਤੇ 18 ਹੋਰ ਸੈਟੇਲਾਈਟਸ ਨੂੰ ਲੈ ਜਾਣ ਵਾਲੇ PSLV-C51 ਨੂੰ ਸਫਲਤਾਪੂਰਵਕ ਲਾਂਚ ਕੀਤਾ। 2021 ‘ਚ ਭਾਰਤੀ ਪੁਲਾੜ ਖੋਜ ਸੰਗਠਨ (ISRO) ਦਾ ਇਹ ਪਹਿਲਾ ਲਾਂਚ ਹੈ। ਇਹ ਹੁਣ ਤਕ ਦੇ ਸਭ ਤੋਂ ਲੰਬੇ ਆਪ੍ਰੇਸ਼ਨਜ਼ ‘ਚ ਸ਼ਾਮਲ ਹੈ।
ਇਸਰੋ ਅਨੁਸਾਰ, ‘ਸਤੀਸ਼ ਧਵਨ ਸਪੇਸ ਸੈਂਟਰ (SDSC) SHAR, ਸ਼੍ਰੀਹਰਿਕੋਟਾ ਤੋਂ PSLV51/ਐਮਾਜੋਨੀਆ-1 ਮਿਸ਼ਨ ਦਾ ਲਾਂਚ ਐਤਵਾਰ ਸਵੇਰੇ 10.24 (IST) ‘ਤੇ ਹੋਇਆ।’
#PSLVC51 lifts off successfully from Satish Dhawan Space Centre, Sriharikota#ISRO #NSIL #INSPACe #Amazonia1 pic.twitter.com/38WNf5ciIo
— ISRO (@isro) February 28, 2021
Watch Live: Launch of Amazonia-1 and 18 Co-passenger satellites onboard PSLV-C51 https://t.co/qFAbowphNo
— ISRO (@isro) February 28, 2021
ਇਸਰੋ ਨੇ ਦੱਸਿਆ ਕਿ, ਬ੍ਰਾਜ਼ੀਲ ਦੇ ਐਮਾਜ਼ੋਨੀਆ-1 ਪ੍ਰਾਇਮਰੀ ਸੈਟੇਲਾਈਟ ਦੇ ਨਾਲ ਹੀ PSLV-C51 ਤੋਂ 18 ਹੋਰ ਸੈਟੇਲਾਈਟ ਲਾਂਚ ਕੀਤੇ ਗਏ।
All Co-passenger satellites separated from #PSLVC51. Mission accomplished..#ISRO #NSIL #INSPACe #Amazonia1
— ISRO (@isro) February 28, 2021
ਪੀਐੱਲਐੱਲਵੀ-ਸੀ51/ਐਮਾਜੋਨੀਆ-1 ਪੁਲਾੜ ਵਿਭਾਗ ਤਹਿਤ ਸਰਕਾਰੀ ਕੰਪਨੀ ਨਿਊ ਸਪੇਸ ਇੰਡੀਆ ਲਿਮਟਿਡ (NSIL) ਦਾ ਪਹਿਲਾ ਸਮਰਪਿਤ ਵਪਾਰਕ ਮਿਸ਼ਨ ਹੈ। NSIL ਇਸ ਮਿਸ਼ਨ ਨੂੰ ਅਮਰੀਕਾ ਦੀ ਸਪੇਸਫਲਾਈਟ ਇੰਕ ਦੇ ਨਾਲ ਵਣਜ ਕਰਾਰ ਤਹਿਤ ਪੂਰਾ ਕਰ ਰਹੀ ਹੈ। ਐਮਾਜੋਨੀਆ-1 ਦੇ ਨਾਲ ਜਿਨ੍ਹਾਂ ਹੋਰ 18 ਸੈਟੇਲਾਈਟਸ ਨੂੰ ਲਾਂਚ ਕੀਤਾ ਗਿਆ ਹੈ, ਉਨ੍ਹਾਂ ਵਿਚ ਚਾਰ ਇਸਰੋ ਦੇ ਇੰਡੀਅਨ ਨੈਸ਼ਨਲ ਸਪੇਸ ਪ੍ਰਮੋਸ਼ਨ ਐਂਡ ਅਥਾਰਾਈਜ਼ੇਸ਼ਨ ਸੈਂਟਰ ਤੇ 14 ਐੱਨਐੱਸਆਈਐੱਲ ਦੇ ਹਨ।
ਪੀਐੱਲਐੱਲਵੀ (ਪੋਲਰ ਸੈਟੇਲਾਈਟ ਲਾਂਚ ਵ੍ਹੀਕਲ) ਸੀ51/ਐਮਾਜ਼ੋਨੀਆ-1 ਇਸਰੋ ਦੀ ਵਪਾਰਕ ਇਕਾਈ ਨਿਊਸਪੇਸ ਇੰਡੀਆ ਲਿਮਟਿਡ (NSIL) ਦਾ ਪਹਿਲਾ ਸਮਰਪਿਤ ਵਣਜ ਮਿਸ਼ਨ ਹੈ। ਐਮਾਜ਼ੋਨੀਆ-1 ਬਾਰੇ ਬਿਆਨ ‘ਚ ਦੱਸਿਆ ਗਿਆ ਹੈ ਕਿ ਇਹ ਉਪਗ੍ਰਹਿ ਐਮਾਜ਼ੋਨ ਖੇਤਰ ‘ਚ ਜੰਗਲਾਂ ਦੀ ਕਟਾਈ ਦੀ ਨਿਗਰਾਨੀ ਤੇ ਬ੍ਰਾਜ਼ੀਲ ਦੇ ਖੇਤਰ ‘ਚ ਵੱਖ-ਵੱਖ ਖੇਤੀ ਸਬੰਧੀ ਵਿਸ਼ਲੇਸ਼ਣ ਲਈ ਵਰਤੋਂਕਾਰਾਂ ਨੂੰ ਰਿਮੋਟ ਸੈਂਸਿੰਗ ਅੰਕੜੇ ਮੁਹੱਈਆ ਕਰਵਾਏਗਾ ਤੇ ਮੌਜੂਦਾ ਢਾਂਚੇ ਨੂੰ ਹੋਰ ਮਜ਼ਬੂਤ ਬਣਾਏਗਾ।
18 ਹੋਰ ਸੈਟੇਲਾਈਟਸ ਵਿਚੋਂ ਤਿੰਨ ਭਾਰਤੀ ਵਿਦਿਅਕ ਸੰਸਥਾਵਾਂ ਦੇ ਸੰਘ ਯੂਨਿਟੀਸੈਟਸ ਤੋਂ ਹਨ, ਜਿਨ੍ਹਾਂ ਵਿਚ ਸ਼੍ਰੀਪੇਰੰਬਦੁਰ ‘ਚ ਸਥਿਤ ਜੇੱਪਿਆਰ ਇੰਸਟੀਚਿਊਟ ਆਫ ਟੈਕਨੌਲਾਜੀ, ਨਾਗਪੁਰ ਸਥਿਤ ਜੀਐੱਚ ਰਾਏਸੋਨੀ ਕਾਲਜ ਆਫ ਇੰਜੀਨੀਅਰਿੰਗ ਤੇ ਕੋਇੰਬਟੂਰ ਸਥਿਤ ਸ਼੍ਰੀ ਸ਼ਕਤੀ ਇੰਸਟੀਚਿਊਟ ਆਫ ਇੰਜੀਨੀਅਰਿੰਗ ਐਂਡ ਟੈਕਨੋਲਾਜੀ ਸ਼ਾਮਲ ਹਨ। ਇਕ ਦਾ ਨਿਰਮਾਣ ਸਤੀਸ਼ ਧਵਨ ਸੈਟੇਲਾਈਟ ਸਪੇਸ ਕਿਡਜ਼ ਇੰਡੀਆ ਵੱਲੋਂ ਕੀਤਾ ਗਿਆ ਹੈ ਤੇ 14 ਐੱਨਐੱਸਆਈਐੱਲ ਤੋਂ ਹਨ।
