channel punjabi
Canada International News North America

ਹੁਆਵੇਈ 5ਜੀ ਨੈੱਟਵਰਕ ਨੂੰ ਅਪਨਾਉਣ ਲਈ ਚੀਨ ਵਲੋਂ ਕੈਨੇਡਾ ‘ਤੇ ਪਾਇਆ ਜਾ ਰਿਹੈ ਦਬਾਅ: ਇਨੋਵੇਸ਼ਨ ਮੰਤਰੀ

ਓਟਾਵਾ: ਇਨੋਵੇਸ਼ਨ ਮੰਤਰੀ ਨਵਦੀਪ ਬੈਂਸ ਨੇ ਦੱਸਿਆ ਕਿ ਚੀਨ ਵੱਲੋਂ ਕੈਨੇਡਾ ਉੱਤੇ ਉਸ ਦੇ ਹੁਆਵੇਈ ਦੇ 5ਜੀ ਨੈੱਟਵਰਕ ਨੂੰ ਅਪਨਾਉਣ ਲਈ ਦਬਾਅ ਪਾਇਆ ਜਾ ਰਿਹਾ ਹੈ। ਫਾਈਵ ਆਈਜ਼ ਦੇਸ਼ਾਂ ਵਿਚੋਂ ਸਿਰਫ ਕੈਨੇਡਾ ਹੀ ਅਜਿਹਾ ਬਚਿਆ ਹੈ ਜਿਸ ਨੇ ਅਜੇ ਤੱਕ ਇਸ ਸਬੰਧ ਵਿੱਚ ਕੋਈ ਫੈਸਲਾ ਨਹੀਂ ਕੀਤਾ ਹੈ। ਗਲੋਬਲ ਇੰਟੈਲੀਜੈਂਸ ਅਲਾਇੰਸ ਦੇ ਚਾਰ ਹੋਰਨਾਂ ਮੈਂਬਰਾਂ-ਆਸਟਰੇਲੀਆ, ਅਮਰੀਕਾ, ਨਿਊਜ਼ੀਲੈਂਡ ਤੇ ਯੂਨਾਈਟਿਡ ਕਿੰਗਡਮ ਵੱਲੋਂ ਪਹਿਲਾਂ ਹੀ ਇਹ ਸੰਕੇਤ ਦਿੱਤੇ ਜਾ ਚੁੱਕੇ ਹਨ ਕਿ ਜਾਂ ਤਾਂ ਉਹ ਚੀਨ ਦੀ ਹੁਆਵੇਈ ਤਕਨਾਲੋਜੀ ਉੱਤੇ ਪਾਬੰਦੀ ਲਾ ਦੇਣਗੇ ਤੇ ਜਾਂ ਫਿਰ ਕਿਸੇ ਹੱਦ ਤੱਕ ਇਸ ਨੂੰ ਲਾਗੂ ਕਰ ਦੇਣਗੇ।

ਇੱਕ ਇੰਟਰਵਿਊ ਵਿੱਚ ਬੈਂਸ ਨੇ ਆਖਿਆ ਕਿ ਇਹ ਸਪਸ਼ਟ ਹੋ ਚੁੱਕਿਆ ਹੈ ਕਿ ਉਹ ਸਾਡੇ ਉੱਤੇ ਦਬਾਅ ਬਣਾ ਰਹੇ ਹਨ। ਉਨ੍ਹਾਂ ਨੂੰ ਇਹ ਸਮਝ ਆ ਚੁੱਕੀ ਹੈ ਕਿ ਉਨ੍ਹਾਂ ਨੂੰ ਇਸ ਤਕਨਾਲੋਜੀ ਨਾਲ ਅੱਗੇ ਵਧਣਾ ਹੈ। ਪਰ ਇਹ ਜੀਓਪੁਲੀਟਿਕਲ (geopolitical) ਸੰਦਰਭ ਵਿੱਚ ਕਾਫੀ ਅਹਿਮ ਮਾਮਲਾ ਹੈ। ਇਸ ਲਈ ਸਾਨੂੰ ਕਈ ਤਰ੍ਹਾਂ ਦੇ ਪੱਖਾਂ ਨੂੰ ਧਿਆਨ ਵਿੱਚ ਰੱਖ ਕੇ ਚੱਲਣਾ ਪੈ ਰਿਹਾ ਹੈ। ਉਨ੍ਹਾਂ ਆਖਿਆ ਕਿ 5ਜੀ ਟੈਲੀਕੌਮ ਇਨਫਰਾਸਟ੍ਰਕਚਰ ਕਿਸ ਵੱਲੋਂ ਮੁਹੱਈਆ ਕਰਵਾਇਆ ਜਾ ਰਿਹਾ ਹੈ ਇਸ ਬਾਰੇ ਲਿਬਰਲ ਸਰਕਾਰ ਇਹ ਸਪਸ਼ਟ ਕਰ ਚੁੱਕੀ ਹੈ ਕਿ ਕੈਨੇਡੀਅਨਾਂ ਦੀ ਸਕਿਊਰਿਟੀ ਤੋਂ ਵੱਧ ਕੇ ਹੋਰ ਕੁੱਝ ਅਹਿਮ ਨਹੀਂ ਹੈ। ਬੈਂਸ ਨੇ ਆਖਿਆ ਕਿ ਇਸ ਮਾਮਲੇ ਵਿੱਚ ਕੈਨੇਡਾ ਹੋਰਨਾਂ ਮੁਲਕਾਂ ਦੀ ਧੱਕੇਸ਼ਾਹੀ ਜਾਂ ਦਬਾਅ ਬਰਦਾਸ਼ਤ ਨਹੀਂ ਕਰੇਗਾ। ਅਸੀਂ ਆਜ਼ਾਦ ਤੇ ਖੁਦਮੁਖ਼ਤਿਆਰ ਦੇਸ਼ ਹਾਂ। ਅਸੀਂ ਆਪਣੀਆਂ ਸ਼ਰਤਾਂ ਉੱਤੇ ਤੈਅ ਕਰਾਂਗੇ ਕਿ ਅਸੀਂ ਕਦੋਂ ਇਸ ਸਬੰਧ ਵਿੱਚ ਫੈਸਲਾ ਕਰਨਾ ਹੈ ਤੇ ਇਸ ਬਾਰੇ ਕੈਨੇਡੀਅਨਾਂ ਨੂੰ ਸਾਫ ਸਾਫ ਦੱਸਾਂਗੇ।

Related News

ਚੀਨ ਦਾ ਗੁਆਂਢੀ ਦੇਸ਼ਾਂ ਦੇ ਨਾਲ ਹਮਲਾਵਰ ਰਵੱਈਏ ਦਾ ਅਮਰੀਕਾ ਨੇ ਲਿਆ ਸਖ਼ਤ ਨੋਟਿਸ

Rajneet Kaur

BIG BREAKING : TRUMP ਦੀ ਨਜ਼ਦੀਕੀ ਸਾਥੀ ਕੋਰੋਨਾ ਪਾਜ਼ਿਟਿਵ, ਟਰੰਪ ਦੇ ਪੂਰੇ ਅਮਲੇ ਦੇ ਹੱਥ-ਪੈਰ ਹੋਏ ਸੁੰਨ !

Vivek Sharma

ਬਰੈਂਪਟਨ ‘ਚ ਦੋ ਬੱਚਿਆਂ ਨੂੰ ਵਾਹਨ ਨੇ ਮਾਰੀ ਟੱਕਰ

Rajneet Kaur

Leave a Comment